2008年1月30日 星期三

中毒

自從上星期六看過港台製作的<不死傳說>,我中了家駒毒,不斷上網查看有關他的一切。一口氣看過十二集的<beyond放暑假>、<籠民>、家駒身前的訪問片段、music video,覺得跟他很接近,好似從來都冇離開過。


黃家駒陳百強實在離開得太早。如果我早出世十年,我一定會係佢地0既super fans。


**************************************************************************


因為要請sick leave,所以要睇醫生。媽媽介紹有間醫務所新証只收一百蚊,於是去睇。拎藥時,佢話收百四蚊。我問唔係收一百咩? 佢話兩日藥係一百蚊,我依家有三日藥。我話要兩日藥好了,因為我的病不太嚴重。對方叫我等一等,不久有個好似高級d 0既診所護士說醫生建議我食三日藥。結果都係俾左百四蚊。有d被搵笨0既感覺。


****************************************************************


收到我工作拍擋kaho的電話,佢兩星期前已辭職,新年之後不久便last day。


唔好玩la kaho! 我唔想一個人對住d冇理學生呀! 唔好丟低我一個呀!!


我要加把勁搵工!但係日日睇jobs db都搵唔到咩工我好想做。


我除左傳媒仲想做咩?


2008年1月29日 星期二

他媽的冷

香港好耐都冇試過持續寒冷兼下雨。經過剛過去的歷年最溫暖的12月,我已經假定香港冇冬天,低估左呢次的冷鋒,病倒了。同事叫我請病假睇醫生,暗示我唔好傳染俾佢地。


其實我本人唔係好想請SICK LEAVE,因為請SICK LEAVE要花錢睇醫生之餘仲要俾D藥搞到 "溫溫鄧鄧",療效可能同你自己食成藥差唔多,係冇著數的。不過同事出到聲,又唔係咁好意思。請SICK LEAVE,多多少少係為人地,唔係為自己。


當年0係澳洲經常0係UNDER10度的環境下户外工作都冇乜病。依家0係辦公室工作,缺乏運動,抵抗力差強人意。我都話香港唔0岩我。


2008年1月26日 星期六

我和我的家駒

不死傳奇終於都輪到家駒。作為電視精兼家駒迷的我,當然不會錯過。我的beyond癮亦再次被勾起。


家駒死時我才唸三年級,聽兒歌為主。小時對beyond的認識是來自暑假播映的「beyond 放暑假」。印象中這節目以搞笑為主(可能唔係想搞笑,不過果時細,當佢搞笑節目咁睇),間中會播beyond的歌曲如"大地"、"長城"、"真的愛你"、"喜歡你"、"爸爸媽媽"等。那時住我對面的姐姐因為鍾意草蜢而好憎beyond。從新聞得悉家駒跌傷,佢竟黑心的對我說鬼唔望佢跌死。當時的我未有判斷能力,是她的應聲蟲。聽佢她這樣說,,我也和應說「係 la」。最後得悉家駒的死訊,我除了感到可惜,也深怕他的鬼魂會來教訓我。


中七考畢a level,我開始從新認識beyond,從圖書館借了很多家駒時期的BEYOND唱片/錄音帶。那些歌已是十幾年前的作品,但聽起來一D都唔老土,激昂的作品依然震撼,動聽的情歌依然令人心動。每次唱K,我都會點BEYOND的歌曲; 每次點BEYOND,大家都必定識唱,情緒高漲。家駒時代的BEYOND的歌是永遠青春,永遠充滿生命力。家駒無論曲、詞、唱、彈都那麼出色,為充斥住低俗濫情歌曲的香港流行樂壇帶來了衝擊,帶來希望。可惜香港失去了家駒以後一直也未出過像家駒的歌曲般有出色、具社會性、能打動人心的非情歌。雖然EASON、何韻詩、實至古巨基也有不少非情歌,但我不敢斷言,十多年後,我還可以記起他們的歌,唱他們的歌。但我知道十多年後,我還是會聽家駒的歌,跟同年紀的朋友唱他寫的歌。至少家駒對一些對流行音樂有要求的樂迷而言,其地位還未被代替。


有人說沒有家駒的BEYOND尤如沒有靈魂,失色不少。其實,沒有家駒的BEYOND唔係唔得,只是家駒,實在太出色了。


黃家駒逝世新聞發佈會



 



beyond放暑假的片段 (第一集) - 到依家我都記得阿paul講廁所塞左搵佢地區


 


 



Beyond-海闊天空 (家強於93年家駒過身後主唱)


Beyond-不再猶豫 (唱K必點)


 


Beyond 樂隊 光輝歲月



Beyond- 大地 @1991演藝界總動員忘我大匯演 - 小時覺得很有型的歌


BEYOND-長城 (比"大地"還要有型的作品)


Beyond - 冷雨夜 - 我最喜歡的BEYOND情歌,少數由家強寫詞的歌


BEYOND -遥望 -另一首好正的情歌


Beyond-無悔這一生



BEYOND -誰伴我闖盪


 -


BEYOND - 午夜怨曲- 少數由世榮填詞的作品


BEYOND -逝去日子(好似係一套電視劇的主題曲)


BEYOND-俾面派對



Beyond 戰勝心魔



Beyond - 可否衝破



BEYOND-不可一世



Beyond - 命運是你家



Beyond - 遙遠的paradise (家駒死後其中一首我喜歡的BEYOND歌曲)


Beyond - 預備 (另一首家駒死後我喜歡的BEYOND作品) Beyond 1991 Amani live


Beyond 樂隊 衝開一切



2008年1月23日 星期三

澳洲闖蕩之旅(廿四) - 西澳西南部之旅

離開柏斯,再次踏上旅途前往澳洲之旅最後一個目的地- 西澳西南部。

這個5天團頭兩天的行程只有5個人,第三天以後會有多8個人加入。都是比較沉默的一群。

第一個景點是聞名的wave rock.



這個在照片上看來很宏偉的大可原來並不很大,有點失望

2008年1月21日 星期一

澳洲闖蕩之旅(廿三) - 柏斯行




EASY RIDER TOUR在perth 完結,所有團友都入住了導遊介紹的big world hostel。我嫌貴,獨個兒到已一早預訂的cheviot lodge入住。

導遊在市中心放下我,我背著行李一邊看地圖一邊搵路。原來這平價hostel離市中心有廿十分鐘路程,我又走錯路,用左成半個鐘先搵到。

2008年1月20日 星期日

大埔海濱公園

這星期過得很慢,天氣又冷,一直到星期日才有點陽光。難得天朗氣清,即興地找了幾乎每次都不會爽約亦幾乎每次都會遲到的kam跟我到大埔海濱公園一逛。


從澳洲回來以後便愈來愈喜歡攝影。我沒有pro的攝影器材,也沒有pro 的技術,亦不打算在這方面作金錢上的投資。不過對我而言,攝影可以助我觀察和發掘身邊觸動心靈的事物、更熱愛自己居住的世界、更熱愛自己的生命。如果你覺得自己的世界暗淡無色,做什麼事都提不起勁,或者試試帶部相機周圍影。你會發現,不少美麗或有趣的東西就在你身邊,只是你沒有想過去發拙和觀察而已。







嘩! 飛行服務隊呀!!






 









2008年1月18日 星期五

澳洲闖蕩之旅(廿二) - 活力澳洲西岸遊 (二)




得知不在Coral bay jump off 便不會有機會看到珊瑚,於是決定縮短在perth的行程,在coral bay多留幾天。

easy rider介紹的hostel很貴,10人房要22元,於是跟團友日本妹兩個背著行李,走了差不多廿分鐘到lonely planet介紹的cheap hostel 打聽。怎知那所謂的cheap hostel 已變了motel,不再經營hostel業務,我們只好走回easy rider介紹的hostel。再一次被lonely planet 騙了。

在hostel settle down後到鎮上走走,發現這小鎮完全是一個為旅客而設的社區,滿佈旅行社、酒店,可觀性不大。超級市場的食物更是其他地方的兩倍。今後幾天,怎過?

2008年1月13日 星期日

This Week


星期二,第一次做野後見工,第一次坐馬鐵,雖然有份工揸手,但年幾冇見過工,心情依然十分緊張。誰知今次只是筆試,我卻連塗改液都冇帶,太耐冇寫字,錯別字百出,相信今次必無功而回。見工後回公司上班,又見一班熟口熟面的低b同事,感覺很溫暖。



星期三,大師兄當曾的last day,我們跟老細合照。



當曾還帶了寶麗萊讓我們簽名。


由於當晚有節目歡送當曾,好多同事都番晏,上司又放左大假無皇管,我同kaho 7:45pm離開上環的center之後慢慢hea番公司...


由上環步行至中環,途中仲見到歐錦棠同鄧達智,原本打算坐天星番公司,點知見到中環那全球最長的扶手電梯,於是又上左電梯感受夜中環...



 

 
 


結果我們在收工前5鐘先hea番到公司。番工時間到街上閒逛,寧舍愉快!!


回到公司,經過由當曾發起的橡筋激戰,同事話去唱通宵k,我們由十點幾唱到六點幾,非常盡興。同事們唱起leon同aaron d陳年快歌都好high,起晒哄,仲玩埋人浪; 我又有中環同事占士家姐陪我唱娘歌,好耐冇咁high。


星期四,由於前一晚太激,個個瞓得幾個鐘又番工,公司罕有的安靜。


星期五,阿妹考完試,同阿媽來尖沙咀行街兼搵我食飯。由中港城番九龍公園的路上,發現一幢於霧海之中像透明了的大廈


星期六,跟kam到淺水灣吹水,意外地吃了一頓pizza hut下午荼,慶祝她找到了工作










2008年1月7日 星期一

三門仔. 馬屎洲


這星期天,捉了不愛行山的kam陪我到三門仔跟馬屎洲一躺,過了一個挫不錯的週日。



三門仔新村的入口,由此步行至馬屎洲。




三門仔新村的博物館。右邊那個是以前漁門潛水用的頭盔,重達50斤,怎潛?



往馬屎洲的山上看三門仔。



山徑旁的潮汐表。



山的一邊是吐露港...



山的另一邊是八仙嶺跟三門仔



連接馬屎洲的連島沙洲



到達馬屎洲,可惜潮漲,感受到不到馬屎洲的氣勢



海水十分清澈









黃昏@馬屎洲




回程路上



黃昏@三門仔







日落@三門仔








三門仔跟馬屎洲的確是吹水relax的好地方。


 


跟Mirror 悲喜與共 - 記Mirror Feel the Passion Concert

入坑三年,終於可以以合理距離現場睇到Mirror 12子的演出。雖然去年有兩次機會見到mirror,分別係迪士尼Fantastic Meet活動的mini concert 同埋喺會展搞嘅12怪盗分享會,但兩次的體驗都頗災難性。迪士尼那次雖然已提早兩小時去擺位,但因係唔夠早,連鏡仔...