終於說服自己要向現實低頭
搵下傳媒工以外0既工，待他日天時、地利、人和、命水0既機會再出擊
不過都仲好頹，唔想為d興趣不大0既工寫寫來都唔知有冇人睇0既cover letter
連兩份未apply0既傳媒工都唔知係咪已經心灰意冷，唔想理住
寧願上網睇下d無聊野。但番來三個月都來緊，仲0係屋企hea，真係覺得有d愧對父母
難得佢地舊年俾我出去闖，唔使我幫手餋家，家陣番來，都仲咁頹
點可以唔內疚?
一心做藝術0既九月走去教英文，因為"要等一個機會"
高木直子0係東京一心想做插畫家，但都要去做壽司廠工人，為的都係等一個機會
既然現實係要你咁，我又點可以獨善其身?或者我真係技不如人。
*************************************************
尋晚睇林奕萍本"等待香港-娛樂篇"睇到兩點幾
睇到佢對tvb0既一d批評
始發現其實tvb真係有d不思上進，不主動求變，節目性質愚昧，換湯唔換藥
佢用"邊看邊教人覺得比死更難受"來形容我用"垃圾"來稱呼0既「當四葉草遇上劍尖時」真係笑左出來
呢套野真係難頂，當初睇左一分鐘我已經覺得係垃圾，不屑追看
其實不知不覺間做左電視精多年0既我已經捨棄左無線電影劇
我頂唔順佢d白痴橋段(皆大歡喜、真情、高朋滿坐)
項唔順佢0既抄襲(遊戲節目、妙手仁心)
頂唔順佢將好題材糟蹋(如幾年前講機師果套劇集，題材身新鮮，卻變成情情塌塌0既婆媽鬧劇)
仲有果d聽到令人打冷震，由無線藝員唱0既主題曲/插曲/兒歌、不知所謂、柴娃娃0既旅遊節目
本來d景點來來去去都係果d熱門旅遊點已唔多吸引
仲要用d白痴戲劇做包裝，更加令人嘖飯
反而亞視除左一d柴娃娃旅遊節目之餘，又會有d 格調較高0既嘗試(如從香港出發、尋找他鄉的故事)
呢類野你唔會0係不思上進、"敵不動我不動"0既tvb創造，佢地最多都係"抄考"
其實近來我對亞視愈來愈欣賞
雖然亞視積弱多年，d自拍劇集都唔係好得，但0係資訊節目方面的確有創新、改革0既勇氣
偶然仲可以創造絕對d高質素9既節目，殺無線一個手不及
我絕對唔希望見到亞視執笠，無線獨大。咁對香港人係無好處
沒有留言:
張貼留言