跟爸媽去海南

你上次同家人去旅行係幾時?

同團的師奶團友提醒我，五十至六十歲是人生的黃金時間。子女都出身了，經濟壓力減輕了。捱左大半世人，趁仲行得走得，係時候要周圍走動，睇下呢個世界。

父母正值黃金時間，係時候要同佢地出去睇下呢個世界。


當然，同爸媽去旅行，佢地係唔會同你自由行的; 也不要奢望你可以拍得一張好的到此一遊照，因為佢地唔係好識用數碼相機; 你跟那些師奶阿叔團友，也沒有甚麼話題，帥奶們愛嫌三嫌四，阿叔們愛吹噓自己的中國地理或歷史知識 (eg.邊度同邊度相差幾多公里之類)，有時是挺悶的; 還得忍受數不完的掠水購物活動、千篇一律的圍餐.....不過，隨著父母年紀漸長，跟父母一起去旅行的機會不多了。再辛苦再無聊的旅程，他日都將會變成最窩心最快樂的回憶。