豐子愷漫畫展、龍躍頭文物、美都

由於工作上將有新的調動，好快我星期六就唔使再番工，變做返星期一至五。亦即係話我 d 閒日假已經所剩無幾。 之前覺得放閒日無乜作為，又約唔到朋友，依家就來無得放閒日，先開始識享受放閒日假的樂趣。基本上就係將人地星期日做0既野放0係星期一做，唔使同人迫。




IKEA 早餐，平、靚、正，勁抵食，星期一上午去又冇乜人，可以一個人慢慢坐靜靜地睇下書。星期日來根本位都無得坐。

龍躍頭文物徑，其實可觀性一般。夏天來仲要餵蚊。

上星期二去油麻地看M+進行：油麻地展覽，太抽象，睇唔明，反而沿途經過的舊商店更吸引我。行到攰入左美都餐室食下午茶。客人不多，找到個靠窗的位置，仲要係轉彎位，視野好廣闊。

來美都，100% 是來食環境的。因為這裡的食物很沒誠意，我敢說隨便找間茶餐廳都比她好， 但其價錢絕對比一般茶餐廳貴。美都的腿蛋治，不好吃，量又少，上水廣城的蛋治比它好N 倍; 美都的奶茶，很普通，沒茶味也沒奶味。要知道美都有很多遊客光顧的，連 LONELY PLANET 也有介紹。如果那些遊客不幸地在香港只幫襯美都一間茶餐廳的話，我們香港茶餐廳的名聲絕對會被美都敗掉。 美都老闆，你D野食可唔可以俾番多 D 誠意 ?

吃了個令人失望的美都下午茶，來到藝術館看豐子愷漫畫展。



畢加索的那個畫展我想我不會看了。因為根本不會看得明。但豐子愷這個漫畫展我絕對覺得值得睇。可以說，我在香港看過那麼多展覽 (其實唔係好多，一年一、兩次咁啦)，豐子愷這個是展覽是最能打動我心的。除了因為豐子愷的漫畫都是有話要說、教人再三思考外，最重要的是 - 睇得明。

就是因為要邊看邊思考，結果我由四點入場睇到六點閉館都未睇得完，最後一部份要極速 screen，有機會可能要再去睇多次。

在藝術館看了有關豐子愷身平的影片，知道豐子愷生於風火歲月，經歷日戰、文革打壓，晚年更得了癌症，但他的漫畫卻是溫情洋溢，充滿對自然萬物的大愛，且富有幽默感，能觸動人心靈，很值得帶回家慢慢細味。看過這個展覽，我跟蔡瀾、小思等一樣成了豐子愷迷。下次番大陸真係要去搵番本豐子愷漫畫集。

「有情世界」。為什麼月曆、時鐘都在發愁，其他東西都是笑的呢?

「貧女如花只鏡知」....

展覽唔俾影相，這些是在藝術館外牆拍的。

睇豐子愷漫畫展，有3D效果書籤、明信片、精美小冊子同海報送，呢10蚊入場費絕對值回票價，而且有賺。星期三免費入場的話就唔知有冇咁多野送。

那海報設計像郵票，每幅圖都可以撕出來。不過要得到這張海報是要付出的。那就是要即場向職員交一張關於展覽的畫或50字以上的文字。我畫的時候快閉館，望望豐子愷那幅「有情世界」， 花了一分鐘即席揮毫畫了一張我自己的「有情世界」，有太陽有雲有雀仔有草地，每樣事物都有一個笑臉。交畫時個阿姐仲笑我夠快手。我貪心的問阿姐畫多張畫可唔可以送多張海報，阿姐話一人只可有一張。怕整「巢」張海報，離場後好賤格地去隔離文化中心拎左本又大又厚的場刊夾住張海報帶番屋企。哈哈! 依家張海報貼左0係我OFFICE。

又有野睇又有野拎，呢個展覽我睇得好滿足。