大學時曾經 join 了一親中組織搞的垃圾上海實習交流團，在上海混了一個多月，很多上海的景點都已經去過，美食都已經食過。舊年大學師姐 Flora 同德國筆友Christin 都不約而同搬到上海居住。加上廉航春秋航空有平機票上上海，令我產生重遊上海的衝動，睇睇呢八年間上海有咩改變。
在 Flora 上海的家住了兩天。她跟2個 roomate 合租了這千多尺的豪宅區單位，一人俾三千幾蚊租。三千幾蚊咋喎! 0係香港只可以住板間房!!
跟 Flora 孖鋪在她的房間裡
上海的新興景點 - 田子坊。
跟Christin 吃小籠包、上海麵。現在上海的外國人有上百萬。服務外國人的商店比香港還多，衣、食、住、行絕對可以不用說著通話。食西餐都大把選擇。連鎖式咖啡店都唔止星巴克同pacific coffee。冷門如北歐的或英國的都有。好多商店成間野只係見到英文，好似唔置在做本地人生意。 而Christin 自從跟老公從武漢搬到老外雲集的上海後，由於老公不喜歡吃中國菜，依家成個人western 番晒。普通話好少講，中餐廳都好少去。我來上海搵佢之前佢已經好耐冇去廉價餐廳。當然，廉價餐廳都唔係好廉價。跟八年前的上海相比，物價已經高左好多，出街食野價錢直迫香港。上海再唔係八年前食野唔使睇價錢0既飲食天堂了。多麼懷念七毛一個的芭比大包 (當年食得好感動。無諗過唔使一蚊就可以食到質素如此高超的包)、幾蚊一碗阿婆麵、16蚊一碗的味千拉麵、一人夾廿蚊人仔就飽到落唔到樓梯的中餐館哦!
又來到上海，外灘依然不能不去。當年我來上海仲用緊菲林相機。影唔到好靚0既夜景。今次來上海，連腳架都帶埋來，一定要影夜景!!
近年上海很火的佳家湯包，一個人食左一籠13蚊，食到滯
回到上海，必定要到的是「書城街」尋寶。最大的那個上海書城依然健在。只是，書城的 CD 竟然同八年前的大同小異，都仲係賣周杰倫、Kenny G、Beyond。反而我想搵內地樂隊的唱片就冇。不過我竟然在最頂層的一堆亂書中找到了早前在香港藝術館賣斷市的豐子愷漫畫 - <護生畫集>，即買。去年藝術館搞了個豐子愷漫畫展，令我變成豐子愷漫畫迷。藝術館將<護生畫集>的部份作品集結成書，竟然賣斷市，訂都未必有。今回我竟然在上海搵到了 <護生畫集>全集，內容比藝術館出版的那本更齊全，實在很高興，是為我的上海之旅最大的收穫。
跟Christin 遊過南京後我又搬到Christin 兩公婆的兩層大宅痴飲痴食。這時她家的露台。
本來住在武漢的 Christin 去年跟德國藉丈夫來上海工作。她丈夫家的公司資助向他們提供了每月兩萬元的房屋津貼，他們兩個人就租了這個萬八蚊一個月的兩層大宅來。連 Christin 自己都說，在德國也住不起這種豪宅。
Christn 家的聖誕樹。仲要係真樹。
晚上他們索性連燈都唔開，只開聖誕樹的燈。
很寬敞的客廳和飯廳。好有人生哦
這是老外倒數聖誕用的蠟燭
我一個人睡的房間。好快已經俾我的雜物蹂躪
我的房間窗外。很有北國風情
比酒店還大的廁所。竟然有兩個水龍頭。不過廁所太大的壞處就是沖涼好凍。要開暖氣先夠暖，好嘥電。而且這廁所跟Christin 兩夫婦住的主人房打通。我去廁所要 make sure 佢地兩個唔0係房先可以用‧有點尷尬。
在上海的最後一個星期六，為了讓Christin 和老公好好過二人世界，我識趣地一早離開他們的兩層大宅，跟Flora 四圍逛。第一站來到這間很受歡迎的精緻意大利餐廳。
很有田園 feel 的 大廳
在上海的最後一個星期六，為了讓Christin 和老公好好過二人世界，我識趣地一早離開他們的兩層大宅，跟Flora 四圍逛。第一站來到這間很受歡迎的精緻意大利餐廳。
很有田園 feel 的 大廳
點了波菜意粉和 iced mocha。質素都很高，但意粉太細篤，食唔飽
飯後來到有上海798之稱的五角場藝術區。又凍又落雨，星期六下午都好少人。
石的紋理像山水畫
晚上到Flora 教友的家聽其他教友們報佳音。Flora 返英文教會，教友都來自五湖四海。不過教會活動始終唔係我杯茶。逗留一個多小時就轉移陣地同Flora 兩個去唱 K，唱到失聲。
在上海的最後1天，失了聲的我跟Christin 逛完家樂福後就留在Christin 的兩層大宅整蛋糕。
如果我屋企都有咁大，我都可以足不出戶，放假留0係屋企整吓蛋糕睇吓電影都好寫意了。
我在上海的最後晚餐。他們點了兩個18 吋 pizza、沙律、炸雞外賣。那 pizza 店專做老外生意，仲用傳統炭爐焗pizza， 非常好食 !!
兩個18 吋巨型 pizza。三個人根本食唔晒。
點著了的聖誕蠟燭
我們造的芝士蛋糕成為回港前最後一頓早餐
沒有留言:
張貼留言