中國加油!!

抱住湊熱鬧的心情，我也趁番工前去睇聖火。

本來諗住去文化中心睇李麗珊，不過九點幾去到火車站發現路已封，惟有去梳士巴利道睇睇有冇機會睇李靜/高禮澤。

從一商場行出梳士巴利道已被紅海包圍，離圍欄隔左幾重人，根本唔會睇得到聖火。想行都冇辦法行得到，幾經辛苦惟有番落商場睇下有冇第二個位企。

行出彌敦道，終於搵到個較接近路邊的位置，聽路人講劉德華將會跑過。等等下先發現劉德華其實應該0係對面馬路跑，但係呢個時間想過番對面馬路已經冇可能。

等待劉華的期間，天氣驟晴驟雨。加上我左右被兩中年男夾攻，後又有幾排人，情況頗惡劣，只想劉華快d出現。

接近十點半火炬開始傳送的時間，路上出現了一些大會的車輛載著火炬手。我地更0係其中一架旅遊巴見到陳慧琳同古巨基向我們揮手。

收到阿妹電話，劉華應該快到，多左警察在路上準備。忽然覺得做火炬手真係好型態! 要咁多人咁大陣象俾你跑。

劉華呀!!! 你仲乜跑得咁快??

聖火經過之後，人們心情依然興奮，留在街上繼續叫口號繼續拍照。真係未見過香港咁普天同慶‧我也捨不得離開感受氣氛。

不知哪來的偽火炬叩吸引大家爭相拍照。

自遊行連警察的電單車也影一餐

由於尖沙咀很多地方依然封路，我用了好多時間先行得番漢口道番公司。忽然傳來示威聲音，於是又走回頭去八八。

原來係民間人權陣線，要中國政府關注人權。我見到有李卓人、長毛、蔡耀昌等大約十幾個橙衣人。警方已圍成人鏈保護他們，而tvb新聞記者也緊跟隨想做訪問。不過好快已有一班奧運支持者圍攻及喝駡。

有北京奧運支持者辱罵示威者為 「走狗」、「x街」、「生0舊叉燒好過」，現場感十足。可觀性不下於傳聖火。我覺得自己好似記者。

示威者被奧運支持者360度包圍

奧運支持者高呼「中國加油」，就在我公司樓上，聲勢完全蓋過示威者。

其實支持改善人權無錯，不過選擇今日這個普天同慶的日子提出這訴求實在令人掃興。

回到公司，心情仍然興奮，沒什麼番工MOOD。想不到睇人傳聖火會令人咁開心。