港鐵九龍南線開通，尖東站成為西鐵線的一部份
而我等在尖東站附近上班的東鐵線乘客慘成受害者
因為唔可以一程車由上水坐去尖東 or 尖東番上水，一定要0係紅磡站轉線。
原本以為0係紅磡「轉線」就係好似港鐵的宣傳片話齋，走過對面月台咁簡單
實情係.........
一，西鐵列車比東鐵列車短左一截。如果0係東鐵坐車頭/車尾，轉線時要走多一段路先上到西鐵車出尖東
二. 西鐵線列車比東鐵線列車疏很多。今日住大埔的同事就足足0係紅磡等左十二分鐘先有車去尖東，離晒譜
三，亦係最致命的，就是西鐵線0既班次同東鐵線根本唔match。
好似今晚放工番上水，先 0係尖東等左幾分鐘西鐵列車去紅磡，
去到紅磡，一心以為對面月台 0既車會係最快到開出的往羅湖列車。等左幾分鐘上左車，先知架車0既終點竟然係.......令人始料不及的沙田站 (ps : 在下搭左廿幾年火車都未試過有火車會以沙田作終點站)。
車上有廣播叫前往火炭至羅湖的乘客於沙田轉車，我當然唔會咁傻。一來徙時間，二來沙田轉車之後一定冇位坐。於是落車走回月台搵指示牌，得知最快開出的往羅湖列車0係一號月台，並非我處身的四號月台。我只好走上扶手電梯，從四號月合走到一號月台，再0係一號月台等左幾分鐘往羅湖列車，上左車又等左幾分鐘先開車。
本來尖東來往紅磡只要舒舒服服坐兩分鐘就搞惦。依家又等車又上車再等車又上電梯又等車又再上車同等架車開，在尖東和紅磡兩車站折騰了十幾分鐘，真係欲哭無淚。一想到日日都係咁搞，真係想爆粗。頂!!
跟Mirror 悲喜與共 - 記Mirror Feel the Passion Concert
入坑三年，終於可以以合理距離現場睇到Mirror 12子的演出。雖然去年有兩次機會見到mirror，分別係迪士尼Fantastic Meet活動的mini concert 同埋喺會展搞嘅12怪盗分享會，但兩次的體驗都頗災難性。迪士尼那次雖然已提早兩小時去擺位，但因係唔夠早，連鏡仔...
-
第一次看 1993 年的經典電影《天劫餘生》時還在唸小學，當時在明珠台晚上播出。對一個小學生而 言，那些恐怖的撞機場面、人食人、雪崩、不斷有被困者死亡的畫面實在太震撼。雖然故事以其中兩名被困者成功翻越安第斯山脈獲救而告終，令人振奮，但看畢電影的那個晚上我真的睡不著，還在學校...
HI~我都係北區人, 我一向都有留意開東西鐵班次, 所以港鐵果個姓蔡的車務主管不斷叫人行過對面等車時, 我已經係咁笑佢教人做傻仔~ 呢幾日不斷有乘客聽左呼籲, 行過對面月台轉車, 返工繁忙時間都仲好D, 西鐵3分鐘一班, 多數行過對面月台都唔駛等好耐, 但一去到非繁時就大鑊, 西鐵最密都要6分鐘至6分30秒開出一班, 即紅磡站每邊月台都要隔12-13分先開出一班車, 去到晚上10-11點, 每班西鐵都隔9分鐘先開, (紅磡站每邊月台隔18分開一班) 過左11點.....12分鐘先開一班 (紅磡站每邊月台隔24分開一班) 呢個時候仲聽港鐵呼籲, 企係又熱又焗的紅磡站月台死等爛等, 就真係幾無謂 以前東鐵收車唔會揀沙田站架, 一定係尖東站清客回廠, 而家就因為紅磡站進出較慢, 影響其他列車班次, 再加上港鐵想乘客係紅磡站行過對面就轉到車, 結果咪整左呢D沙田特車的陷阱俾人踩囉, 寧願叫你去到沙田站再轉車都唔叫你係紅磡站揀O岩目的地的列車先上車 最後順帶一提, 尖東站最後一班可以趕及去紅磡站轉乘東鐵的尾車開00:13, 比起以前早左10分鐘咁多 所以如果你有機會好夜先返屋企就一定要留意下啦, 否則又要原站出閘揾車搭
回覆刪除[版主回覆08/18/2009 16:47:00]Ha! Ha! thanks for your detail sharing.大家北區人，共勉之。