冇諗過節目會咁充實
我地已經幾年冇一家人一齊番去
皺皮姨一家亦因為一些誤會，好幾年沒有跟公公婆婆一家人來往，但這天她們一家也來了
所以我地終於有機會再見蕃薯同芬女
蕃薯帶我地去睇舊新橋，大祠堂、舊屋同舊舊屋
成十年冇番過去舊新橋睇了
充滿著童年回憶的舊屋已被拆卸重建
變成典型國內毫無特色、多快好省式的五層平房，租了出去
屋租餐活了婆婆公公舅父一家
大祠堂似乎升呢成為歷史建築，保飬得宜
舊舊屋還在
可惜俾人鎖左，睇唔到入面
附近也多建了很多房子
我們也一渡迷了路
後來婆婆她們說舊新橋經常有道友/外省人聚集
他們自己都幾年冇過去
但我覺得舊新橋並沒有他們所講咁雜
仲見到好多本地老人居住
屋與屋之間的小巷雖然狹窄，但挺陰涼，足見民間建築智慧
最surprise係飯後在飯店偶遇小時候舊舊屋的鄰居雄仔哥哥
以前0係舊舊屋過暑假成日會同雄仔哥哥 + 佢細佬祥仔哥哥玩
用報紙摺風箏
細個覺得雄仔哥哥幾靚仔
今日見番佢，如果唔係有皺皮姨提醒都唔認得
因為雄仔哥哥都快四十歲了
佢同我地玩時只有十幾歲
佢見到我仲講得出我全名
不過我細佬佢就認唔出
之後坐芬女男朋友架車去蕃薯學校參觀
大家0係車講下細個一的事
對上一次大家一齊玩都十幾年前了
沒有留言:
張貼留言