又講見工

披上新買的戰衣，化行個妝，穿上新買的高跟鞋，這天我要做我最最最最憎但又唔做唔得的事 -- 見工。某大學的一個打雜 post。

這工作比之前的工作職位還要低，仲要係 form 5 level，但薪水比以前的略高。不算太理想。但我已 send 了幾十封求職信，就只有呢份有回音，不由得我不害怕。再者回來三星期，我仍然處於南美 mode，整個人渾渾噩噩的。似乎須要去見一見工，俾人糟質一下才能回過神來。


第一關係電腦 test。這兩天都在家重溫 excel、 access，點知佢考 microsoft word，要一個小時內打三篇文，兩篇英文一篇中文，要加表格、symbol、改間距之類。本來我很有信心，點知一開個microsoft word，仆街!! 英文 icon 版!! 條工作列上所有的選擇都係 icon，唔係睇慣用慣的文字， d 位置又完全唔同，我見都未見過呢個version‧要重新花時間搵番 d 選擇 0係 邊， 好驚做唔切。最後我雖然打得晒d內容，但係我搵唔到 "左右對齊" 同 "行距" 0係邊度可以改， 唔知 pass唔 pass。唉! 真係冇expect 個microsoft word 會係咁。

之後等左成粒鐘先有得 individual in。雖然這工不是太理想，我唔係好 "恨"做。但見工就係咁。唔理你有幾想做份工都好，都會令你坐立不安，心神恍惚。   一打開門，唔係呀! 又係咁?  四個女interviewer 坐到兩米以外見我一個，好似警察見 board 咁。 呢份只不過係一份 form 5 level 0既打雜工咋wor! 使唔使咁 0既排場呀?

硬著頭皮迎接每一個問題。其中一個interviewer 問:「你地以前用咩電腦軟件整 timetable ga?」

我答: 「excel」

見她呆了一呆，我意會到佢地可能用緊一d 我唔識用的幾十萬 software 來整 timetable ，唔係用 excel 咁落後......

佢再問:「你頭先mention 你以前管的program有二、三百人。但我地個 program 有二、三千人。如果我要你做一個二、三千人的 timetable，你會點去處理呢?」

我知道今回我可以番鄉下了。