這星期臨睡前都在追看 <大逃港> 一書 (這其實不是一本睡前讀物，只是我個人喜歡看書看到睡覺而已)。這本講述50至80年代內地人偷渡來香港的報告文學由前左報記者陳秉安所撰寫。作者除了探討造成大逃港的原因外，還找來了不少當事人訴說當年冒險偷渡、生離死別的故事。誠意將此書介紹給香港人。因為書中的故事就正正是我們的父母 / 祖父母或曾祖父母的故事。是香港人的集體回憶。
幾星期前的<星期日檔案>探討了當年的<大逃港>歷史，勾起了我對我父如何母攀山涉水、冒著生命危險、避過追捕偷渡來香港的往事很感興趣。這絕對是生活溫飽的香港八十後難以想像的事情。據他們說，偷渡都是為世所迫。鄉下窮得連飯都沒得開。年青力壯的都逃到香港去打工。事移世易，才三十多年的光景，有誰會想到，當年山窮水盡的廣東，現在暴發起來 ? 很多當年偷渡不成的人，現在的生活比不少香港人更好。像我在鄉下的叔父和伯父，生活條件其實比我們在香港更好。有大屋，有私家車代步。我們在香港還要一家五口擠在幾百尺的公屋單位裡，每朝迫巴士迫火車上班。我不禁問爸媽有沒有後悔偷渡來香港。我媽半開玩笑說當然後悔。當年留在鄉下的話，今日就可以年年分錢，收租過活唔使做; 我爸則輕描淡寫的說自己無諗咁多，諗來都冇用。況且當年鄉下食都冇得食，邊諗到依家會咁發?
思前想後，其實我爸媽成功偷渡，最大受益人其實是 ....... 我。因為我可以做香港人，接受更好的教育，生活於更廉潔、更安全、更有法治的社會。不用怕豆腐渣工程，不用怕食物造假，也不用為了買「正常」的日用品而拖著行李喼奔走。最重要的，是我可以利用將近世界通行的特區護照及BNO，暢遊大世界。沒離開過香港，可不知道香港的好。如果命運能選擇，我仍然希望自己是香港人，而不是大陸人。
我要感謝我父母當年的勇氣，令我可以做香港人。為了不辜負他們的付出，我會好好利用我香港人的身份，多去旅行見識見識的。我父母經常說一個女仔成日周圍去好危險。我反駁他們，跟他們離鄉別井搵命搏偷渡來香港相比，我的所謂冒險根本不算什麼 – 縱然在他們眼中，他們當年的冒險是為了生活，我的冒險則是「屎忽痕」、「冇野做搵來做」。 哈哈 !!
ling, 如果你鐘意睇記實文學,又對藏文化有興趣,強烈推薦以下2本書:
回覆刪除1 天珠：藏人传奇
2. 西藏一年
呢2本書都係記者寫既,特別係第一本,係大陸已經成為禁書,只有係香港先買到。最重要既係書入面既主人翁,明明係一個好人,靠收賣古董,天珠白手興家,之後又致力保護藏族傳統文化,宣揚環保保育,但最後因為不明既原因,係書出版左一年之後,俾大陸政府拘留判10女幾年監禁,判刑後更下落不明,佢老婆而家都唔知佢既下落，仲有佢d兄弟親戚,亦因為不明既原因,逐個被牽連,有d被判刑牢,成個家族以家得番d老弱婦孺,真係好慘!所以,香港真係相對安全,特別係法治,同言論方面
[版主回覆01/04/2013 23:08:46]咁陰公?咁真係要去圖書館搵搵。不過我前排去左南京睇大屠殺博物館，番來香港之後又搵左兩本大屠殺0既書來睇，搞到自己個人有D沉重，要先搵D輕鬆D 0既書來調節番先。
其實呢2本書可以上網搵到pdf or onlline 版,你要既話我可以send by email.不過第1本書入面就無記錄到個人點慘,因為已經係之後發生既事,係我上網搵d news 先發現,所以唔駛擔心睇完會影響心情,不過睇完佢d news就好沈重,因為你睇完書之後,"嘎玛桑珠"就好似你認識既人甘,之後知道佢既遭遇甘慘,都好心up
回覆刪除如果你睇晒呢2本書,你可以深入了解到藏族既民族性,同埋宗教對佢地既影響,因為2個作者都係記者出身,佢地花左一段時間,追縱某一群藏族,記錄左佢地既生活事件.所以,呢2本書好有生活性,又唔係好似d遊記甘表面帶過,睇完之後,會有一種再返睇既衝動.
而第2本書既作者,更加將"西藏一年"拍成documentary,都好好睇,我係睇完documentary先睇書[
[版主回覆01/29/2013 09:42:19]oh! 唔係呀! 我去facebook send 我個 gmail account 俾你啦。呢度send 唔方便
[lam回覆01/28/2013 21:38:07]我岩岩SEND 左去"lingwhatever@gmail.com ".係咪呢個ACCOUNT?
[版主回覆01/24/2013 21:30:15]好呀! 你send個pdf 去我gmail 個account 啦! 我yahoo個email 太多junk mail〝好易miss