@威尼斯的海邊camp site。兩老一齊煮飯的場面我在家也從未見過。
終於來到意大利威尼斯，可以一嘗瞓camp site的滋味。十幾年前參加巴士團，巴士雖然泊在camp site，但夜晚我地要瞓巴士; 依家時代進步，無得瞓巴士，要瞓營地小屋。
我們在威尼斯的營地小屋係二人單位，麻雀雖小五臟俱全，有獨立廁所浴室。由於唔想同其他單丁團友share room，我地決定「辛苦自己」，將兩張床拍埋一齊打橫瞓就可以瞓三個人了。小屋空間有限，打開個喼已經冇路行。但我們的小屋近海，晚上或晨早在小屋附近散步，八卦一下camp site其他老外住客的露營車都幾有趣。
可能因為 Jet Lag，我地一行三人神咁早五點幾就醒左，起身去神運。歐洲的清晨天氣十分怡人，尤其威尼斯的營地的海邊，感覺更舒適。
在威尼斯住的第一個早上係成個團第一次在camp site煮食，仲要係我地果組負責煮，大家對巴士內的煮食用品及其位置都唔熟識，有種「揦手唔成勢」的感覺。不過今時今日，參加巴士團的都是師奶多，師奶最識煮飯，我呢D平時十指不沾陽春水的港女可以企埋一邊，等師奶團友們表演 ; 另一邊廂，同樣唔識煮飯的「職安真漢子」老豆也自動請纓當咕哩，搬搬抬抬比導遊還要落力，就算之後唔係我地一組負責煮飯也落力幫忙，堪稱最佳團友。
羅馬的營地小屋也很小，但隱身在樹下也十分愜意。不過小屋的電壓很細。我們一團人煲水煮飯時幾間小屋被弄至停電。
為了答謝老豆這個「最佳團友」，導遊在意大利的Pisa 的campsite 安排了最大的小屋給我們入住，三個人住兩房一廳，仲有開放式廚房。本來想低調處理，怕其他團友唔高興。不過導遊自己已經唱開晒話最靚果間屋俾左我地，大家都過來參觀。因為有個廚房仔，我地食完飯都特以去超市買左D生菜留camp site 烚來食。畢竟去歐洲冇乜機會食熟的蔬菜。
來到米蘭，今次唔係住camp site或者青年旅社，而係住apartment，同另一個三人組合住四房單位，在街上買了壽司作晚餐，因為老豆要食飯。
在瑞士少女峰下的美方小鎮Lauterbrunnen，估計因為住宿昂貴，我們一家三口被拆開，老豆同導遊同房，我地兩母女同另外兩個女團友share 一個4人房。老媽對此十分不滿，不過嘈都冇用，房係得咁多。房間比一般青年旅社的dorm room 還要小，沒有空間走動。除了睡覺，我們大部份時間都寧願到鎮上散步。本來想同老豆去看星，因為這裡是高原。但當時的天空到晚上十一點仍然有光，慣了早睡早起的老豆等唔到。
在法國Dijon我們住一家比較舊的三星酒店。今次導遊又「益」我地，俾我地三個人瞓兩間房。不過老豆間房夜晚疑似鬧鬼。瞓到半夜，部電視無啦啦自己開著左。老豆關掉它，它又再自動開著，如是者來回了幾次，老豆以為電視有時間掣之類，會定時自動開，所以不以為意，繼續瞓。但那電視估計是九十年代的產物，唔似咁先進。好彩疑似鬧鬼的係佢間房，唔係我地兩母女間房。如果唔係一向心血少嘅阿媽一定嚇到傻。
巴黎的camp site 是整個旅程的highlight，我地可以獨佔一間兩房一廳仲有陽台有廚房的小屋，真係喺度長住都得。雖然camp site離市中心很遠，行夜街幾乎冇可能，而我們每晚番camp site的時間又很早，七點後已沒有行程，但camp site旁有一條很愜意的河。我們向其他老外住客打聽了camp site後門的密碼，早晚都可以到河邊散步。在巴黎camp site住的幾天跟爸媽在camp site “hea”的日子是我整個歐洲行程中最懷念的時光。
離開巴黎後我們在比利時的布魯塞爾一間比較新淨的酒店住一晚。凡係住貴野，我地三個唔係被拆開就係要三個人迫埋一間房。雖然酒店的住宿條件很好，但我們還是想念住camp site 的日子。
最後一晚在阿姆斯特丹，我們又回到青年旅社。老豆被安排同導遊一間房，我地兩母女又要同另外兩個女團友一間房，這安排又令阿媽有D勞氣。我們在阿姆斯特丹的自由時間只有兩小時，期間除了觀光還要張羅當晚的晚餐。結果我們只能在超市買隻燒街同生菜番hostel煮，另加香港帶來的杯麵。hostel離市區很遠，但我們在Google map 發現附近竟然有間好大嘅Ikea，於是食完飯走去Ikea買雪糕當宵夜。
羅馬camp site
Pisa 的campsite，兩房一廳豪宅
左下: 迫左幾晚，今晚老豆終於可以一個人瞓雙人床。我也樂得不用戴耳塞。
右下: 兩老溫馨烚菜
來到米蘭，今次唔係住camp site或者青年旅社，而係住apartment，同另一個三人組合住四房單位，在街上買了壽司作晚餐，因為老豆要食飯。
隱身於住宅區內的米蘭 apartment
右下: 眾團友在其中日間apartment食早餐
在瑞士少女峰下的美方小鎮Lauterbrunnen，估計因為住宿昂貴，我們一家三口被拆開，老豆同導遊同房，我地兩母女同另外兩個女團友share 一個4人房。老媽對此十分不滿，不過嘈都冇用，房係得咁多。房間比一般青年旅社的dorm room 還要小，沒有空間走動。除了睡覺，我們大部份時間都寧願到鎮上散步。本來想同老豆去看星，因為這裡是高原。但當時的天空到晚上十一點仍然有光，慣了早睡早起的老豆等唔到。
左中: 最鍾意搬搬抬抬的最佳團友: 老豆
右中: 又係兩老負責煮早餐的時候。我負責監督兩老。
在法國Dijon我們住一家比較舊的三星酒店。今次導遊又「益」我地，俾我地三個人瞓兩間房。不過老豆間房夜晚疑似鬧鬼。瞓到半夜，部電視無啦啦自己開著左。老豆關掉它，它又再自動開著，如是者來回了幾次，老豆以為電視有時間掣之類，會定時自動開，所以不以為意，繼續瞓。但那電視估計是九十年代的產物，唔似咁先進。好彩疑似鬧鬼的係佢間房，唔係我地兩母女間房。如果唔係一向心血少嘅阿媽一定嚇到傻。
Dijon的疑似鬧得酒店
巴黎的camp site 是整個旅程的highlight，我地可以獨佔一間兩房一廳仲有陽台有廚房的小屋，真係喺度長住都得。雖然camp site離市中心很遠，行夜街幾乎冇可能，而我們每晚番camp site的時間又很早，七點後已沒有行程，但camp site旁有一條很愜意的河。我們向其他老外住客打聽了camp site後門的密碼，早晚都可以到河邊散步。在巴黎camp site住的幾天跟爸媽在camp site “hea”的日子是我整個歐洲行程中最懷念的時光。
巴黎camp site是一大驚喜。我地有一間兩房屋仔。
圖下: camp site 仲有千秋同 Gym Room。
圖上: 又係我地負責整早餐，喺我地「屋企」出面塊草地。老豆企喺陽台似主人家。
圖下: 去羅浮宮果日行到冇時間食晚飯。買左M記番camp site食，M記的沙律菜烚左來食。
圖上: 在巴黎camp site的河邊跟兩老散步是歐洲之旅最愜意的時刻。
圖右下:熱心團友收集了午餐的蘋果，煲了個蘋果湯請大家飲。
離開巴黎後我們在比利時的布魯塞爾一間比較新淨的酒店住一晚。凡係住貴野，我地三個唔係被拆開就係要三個人迫埋一間房。雖然酒店的住宿條件很好，但我們還是想念住camp site 的日子。
在布魯塞爾酒店房睇世界盃
最後一晚在阿姆斯特丹，我們又回到青年旅社。老豆被安排同導遊一間房，我地兩母女又要同另外兩個女團友一間房，這安排又令阿媽有D勞氣。我們在阿姆斯特丹的自由時間只有兩小時，期間除了觀光還要張羅當晚的晚餐。結果我們只能在超市買隻燒街同生菜番hostel煮，另加香港帶來的杯麵。hostel離市區很遠，但我們在Google map 發現附近竟然有間好大嘅Ikea，於是食完飯走去Ikea買雪糕當宵夜。
阿姆斯特丹的hostel
右上: 在 hostel廚房的晚餐
左下: hostel附近的 Ikea食「宵夜」
右下: 食埋呢餐青年旅社早餐，兩老終於不用再捱麵包同芝士
沒有留言:
張貼留言