帶阿爸阿媽去歐洲 (四) - 在意大利的二三事

這次帶阿爸阿媽去歐洲，每日陪佢地由朝玩到晚，連寫日記的閒情都沒有。因為沒有日記，我很難好似以前咁用流水式斜事方法為今次行程打Blog，結果2018年6月的這個旅行拖到依家都未寫起。所以我決定放棄沉悶冗長的流水式的斜事方法，改用圖片說故事。或者咁樣讀者 (如果仲有嘅話)會易睇 D。

******************************************************************************

重新愛上 Queen

我有一個壞習慣，就是看了喜歡的電影或電視劇之後就會讓自己墜進深淵，不能自拔。電視劇的話會一口氣廢寢忘食地把所有集數都看完，不能等到下一天; 電影的話就會把所有” Behind the Scene”、演員/ 導演訪問、影評都看一遍。最新一部令我沉溺的是剛成為今屆奧斯卡大嬴家的《Bohemian Rhapsody》(波希米亞狂想曲)。為了令自己不再沉迷，我覺得自己要寫些什麼去抒發一下內心的狂熱。

帶阿爸阿媽去歐洲(三) - 瞓 Camp Site初體驗

@威尼斯的海邊camp site。兩老一齊煮飯的場面我在家也從未見過。

終於來到意大利威尼斯，可以一嘗瞓camp site的滋味。十幾年前參加巴士團，巴士雖然泊在camp site，但夜晚我地要瞓巴士; 依家時代進步，無得瞓巴士，要瞓營地小屋。

我們在威尼斯的營地小屋係二人單位，麻雀雖小五臟俱全，有獨立廁所浴室。由於唔想同其他單丁團友share room，我地決定「辛苦自己」，將兩張床拍埋一齊打橫瞓就可以瞓三個人了。小屋空間有限，打開個喼已經冇路行。但我們的小屋近海，晚上或晨早在小屋附近散步，八卦一下camp site其他老外住客的露營車都幾有趣。

帶阿爸阿媽去歐洲(二) - 兩老的第一次長途機、住青年旅社

對兩老來說，歐洲之行最辛苦的可能是長達十幾小時的長途機。我們乘搭的是卡塔爾航空，中途在卡塔爾停留3小時轉機到慕尼黑。我坐在兩老中間忙過不停，充當翻譯和助理，時而幫兩老選餐點野飲，時而幫兩老控制電視。第一程機入座率低，可以一個人擺三個位，老豆起飛後不久就一個人坐左去前面一排，唔識控制電視又冇人同佢傾計，平時0係香港一攤落床就瞓得著嘅佢喺長途機上完全瞓唔到 ; 阿媽同我坐同一排乖乖睇電視睇足全程; 我睇左兩套戲之後就成個人平躺在兩個座位上睡覺。只是好景不常，第二程機卡塔爾到慕尼黑 full house, 一人坐一個位，大家都冇得瞓。