Take a challenge

星期六，同上司邊做野邊閒聊，講起將會由合邊個接做離職的同事乙0既sales admin，上司首先一臉苦咁話依家都仲arrange緊，然後就一臉誠懇咁問我有冇興趣。我唔知哪來的勇氣，竟敢向上司說不。上司問點解，我話見之前同事乙做得咁呢hea，同d sales搞到d關係咁差，唔想重蹈覆轍。上司話其實同事乙呢hea係佢本身問題，唔係份job 0既問題。我又話唔想做d同咁多department 交涉0既工作 ，因為如果係咁，份job做鬼好唔好我就控制唔到。上司and then就同我分析佢0既難處，就話其他同事一個人睇一個program，workload比較重。我同kaho兩個人睇一個program，應該可以應付。咁但係kaho做野比較慢，我又細心，而上司又睇到我0既辦事能力，所以佢都同過阿頭傾過想我做sales admin，掟我做開bridging program俾kaho，掟個sales admin俾我。我惟有向上司推薦ｋａ　ｈｏ，事實上佢比我細心。上司話：但係佢慢ｍａ！！講講下有電話來搵我，不了了之。之後同個ｓａｌｅｓ講開同事乙，佢同我講千萬不要ｔａｋｅ　ｓａｌｅｓ　ａｄｍｉｎ，之前同事乙仲做到俾ｓａｌｅｓ果邊ｄ阿姐鬧，因為佢整唔見ｄ application form。

諗番轉頭，我又好似對上司絕情同無禮左ｄ。雖然呢個ｊｏｂ係惡哽，都不失為一個挑戰。我講果ｄ理由，都唔係好算一個理由。

唔知最後花落誰家?

終於有電腦用la!!!

足足用左成兩個星期，勞動眾多人力物力，依家屋企終於有電腦用!

唔好再壞la 唔該!!!

大陸lization

自由行斗開放，九廣鐵路自此出現大陸lization現象。一個車卡，有接近一半人都係親愛的同胞。

大陸lization，本來唔關我事。不過，我實在受不了大大聲0係車箱中講野0既同胞。星期一上午，當個個好似好咁樣0既打工仔拖住行屍走肉0既身軀0係車箱想享受丁點寧靜時，坐我對面0既一行3人同胞大大聲0係車箱談研究他們的電子產品，尤其其中一個操廣東腔0既男子，我真係好想「殊」佢。本來車箱播住有線新聞已經好嘈，果條友把聲比d新聞更加嘈，仲要由上水嘈到好尖咀! what the hell!

電腦壞了

電腦壞了，再次體會到，要0係呢個世界生存，認識一個識電腦而又肯幫你0既朋友係好重要的。可惜本人姿色一般，冇本事識番個識電腦0既男朋友，令本人非常頭痛。

想起林振強-既名句: "可以用錢解決0既問題，就用錢去解決吧。"

但又不甘心做水魚。

復活節假期

今年復活節難得有5日假期，不過從理性上分析，我並未有好好利用。頭兩日0係 屋企hea，終日癱0係阿媽張床睇書，仲訓埋晏覺。其實，我真係幾ENJOY癱0係阿媽張床睇書。

第三日，忽發其想番鄉下探公公婆婆。原來我已經3年冇番鄉下。今次番去BBQ，住一晚就走。3年冇見，驚訝蕃薯表弟同芬女表妹已經長大成人，3年前仲係細路0既蕃薯已經變成1米八0既有為青年，唔認老都唔得。不過最意外係見番N年冇見0既熊仔哥哥，對上一次見，我仲讀緊小學，佢依家已經成家立室，生左個女，搬左來附近住。果晚咁0岩同個女散步行過來洋湊熱鬧。唔知佢仲認唔認得我。

新屋出面對開有塊公家地俾左公公種野美化，依家退左休0既公公似乎將精神寄託左0係果度。

第二日請眾人飲茶，飲左二百幾蚊，不過唔係好飽。之後食開0既新明珠已經接左。冇機會同表弟妹講野。之後同舅母、mum、兩表弟行山，原來大陸依家興行山。山路多樓梯，不過環境唔錯。仲有個保安隊員，不過條友ok hea，佢0既存在，只係好過冇。

行完山出香港，婆婆都跟埋我地出來。到深圳，我自己去書城。唔肯定邊個站下車，問inform desk，佢教我去大劇院站下車，點知去左舊書城。回程見到有人拎住個"深圳購書中心"先醒起我上次去果個好靚0既新書城係"深圳購書中心"先0岩。

番到屋企，驚見冇人，原來阿媽冇keys，同阿婆兩個0係上水遊蕩等我番來。

next day，原本約好同幾個大學同學去西貢bbq，點知阿君話有fd失戀來唔到，kawaii又話prefer cancel，去唔成，得番我同emily，emily詰cu收左佢讀sociology master，於是即興去左cu "視察環境"。我都想讀cu呀!但係要拎八萬蚊出來我又未必捨得。

又到復活節

好快就有連續5日0既復活節假期，不過相對聖誕同新年，並不十分期待。自己對復活節不嬲都冇乜感覺，太鬼佬，不過記得舊年0係澳洲過easter，0係打工0既農場warren park，老闆別出心裁地0係我地幾個亞洲backpacker 做野0既地方收埋幾隻復活蛋俾我地搵。之後morning tea時間，全世界都可以分享老闆娘整0既easter bun，新鮮出爐，幾好食。之後番到hostel，hostel女manager dennis 搞左個大食會，唔識煮飯0既佢焗左條唔知咩魚俾backpackers食。澳洲魚貴，有魚食，勁開心。但係dennis落左太多鹽，條魚本身又腥，d韓國人唔0孔，我同tak就食左好多。呢一年係惟一一年有慶祝easter 0既easter。

今日冇帶飯，lunch time同ka ho去食下午茶餐，then跟佢去機鋪睇人打機。機鋪果然有好多西裝友，男女比例係9:1，香港0既男仔，似乎冇野做0既時候，除左打機，好似冇咩好做。