澳洲闖蕩之旅(十四) - Warren Park打工歲月

 

失業了好一陣子，終於有工開。今次0既同事係chris個韓國女友、中文韓女(一個識中文的韓女)、核突婆三個韓人，冇個熟。不過今次份工得果幾日，我都唔在乎同邊個一齊。呢個farm番7:30am，比其他farm遲。第一日番工到左個farm，見一班 local麻甩坐0係簡陋的開放式common romm望住我地，又唔打招乎，感覺怪怪的。

史上最易的工作

冇人交帶我地要做ｄ乜，chris女友帶我們跟住一班 local去做weeding。

 

 放滿菊花盆栽的溫室

不久boss帶我地幾個backpacker同local worker入溫室示範我地的工作‧幾個local將身後的菊花盆栽放上枱，backpackers負責清走盤栽多餘的花芯，只保留最頂的三個。天下間，點會有咁容易０既工 ga?

工作太容易，氣氛十分興鬆。我跟boss吹了幾句，boss走後，另一local阿伯話我英文好，又同我傾左幾句，又有收音機聽，時間過得好快，我亦好快就愛上這份工，可惜只做四日。  

開放式的common room

放工，以為同chris個女朋友一齊番工，chris實好快來車我地。點知等左成兩個鐘都冇來。韓女們心急，走出路口等，又叫女友打電話俾chris，都係冇chris消息‧我等得無聊，又累，整個人躺在路口上，韓女們目瞪口呆。如果在香港，我可不會這樣。望穿秋水，farm老板出現，車我們回hostel。想不到以後都是老板車我們放工。

之後幾天都是做搣花芯。沒有tak在我身邊作伴，我成了孤獨精，韓女們工作時都不怎麼跟我聊天，連boss和local阿伯都察覺到了，問我hostel有沒有其他中國人跟我聊天。我被韓女們的韓語弄得心煩。韓女們工作的確很認真，好像要在這兒打工打過世，但她們很多時只顧死做不懂變通，浪費了大家不少氣力。

工作了四天，當大家都以為又再面對失業時，老板叫我們下星期一帶護照和visa，原來我們的工作可以延長多一星期，如果花長得夠快，將可再工作多兩至三星期，大喜！終可暫時脫離患得患失的日子。

在 ploting 的我

搣左個幾星期花芯，終於要轉工種－ploting，即將小樹苗取出，放入大花盆，注入泥，再整齊排放在地上。這工作較搣花芯多元化，不過要在戶外工作，幸好當時已是秋天，天氣不熱，有時還有寒意；要搬搬抬抬，體力消耗較大。有時泥土不夠，要叫 local worker送泥過來。不過我們基本上冇皇管，做做下，可以偷偷坐下休息（我自己未試過，最多只係放慢手腳）。不過偷懶只會令時間過得更慢，冇著數的。

工作點滴

順利再過渡了一星期，老闆說我們的工作可再度延長。第一次在外國過復活節，老闆鬼馬地在我們工作的溫室收埋幾個朱古力復活蛋; morning tea時還有新鮮的easter bun，即一種有十字頭案的麵包。留澳多時，我可未嘗過熱的新鮮麵包。

一次我們被指派去修剪薰衣草，當我一手拿起一盆薰衣草準備剪時，感到一點痛楚，方發現我的手指被蜜蜂針傷了。不久，整個farm的人都知我被針，並談論起蜜蜂來。一local worker幫我塗藥，老闆又來看我的傷勢，並說有ｄ人可能因為敏感會腫到上手睜。我當時半信半疑。點知被針後的的手指腫脹至不能屈曲，一星期後成隻手腕都腫晒，大驚。我第一次被蜜蜂針，唔知原來係咁嚴重，擔心不已，又唔知點醫，惟有叫farm d人幫我塗多次藥水，好彩腫左一星期之後就冇再腫了。

母親節（星期日）全farm的人都要幫手為 city 的exhitbition 做 packing。那些送去參展的花，就是我們在這兒開始打工時搣花芯的花。

準備參展的盆栽

年青男主管送走已包裝的花。呢位貌似雷字楊的年輕主管對住班年青local worker會指指點點，但對住我地一班backpackers就很怕醜，望多佢兩望會低頭傻笑。

已包裝好的花

 

老闆的愛犬，韓女們都愛逗牠，我卻很討厭牠，因牠多次偷吃我放在開放式common room的朱古力餅乾，令我損失慘重。

為了安撫一班星期日都要上班的員工，老闆安排了著條、沙律、雞脾作午餐，令我相當興奮。雖然一人得一隻脾，唔多夠飽，不過有免費午餐我也心滿意足。放工，我對老板說 thank you for your chicken, 老闆聽到好開心，問我" you have enough?' 我話 yes，其實我只得七成飽。

張貼在common room的澳洲足球走勢表，每個 local worker 都有份競猜。一次放break，local阿伯問我有冇睇澳洲足球，我話有，不過睇唔明ｄrule。年青男主管嘗試向我解釋 d rule，不過佢講講下，即刻有人反駁佢，並開始了一場關於澳洲足球的爭論。結論係連澳洲人自己都唔係好明澳洲足球ｄ rule。

每日開車送我地番hostel的老板

農場老闆 paul係英國移民，每天放工都親自送我們四個 backpacker番hostel，好鍾意0係送我們回hostel期間講佢屋企d野。奈何佢有d撞聾。聽講老闆已七十八歲，仍每天到農場工作。不過他的子女都無意繼承父業，農場不知何去何從。

自從開始做 ploting，因要戶外工作，天雨要停工，有時一個星期開得兩三日工。不過秋冬交接，hostel附近的農場都開始淡靜，我有份時薪長工做，已經很不錯。

在Warren Park工作的日子是挺平淡的，直至工作完結前一星期，方意識到在warren park工作其實有不少好處 : 七點半先開工，朝早在hostel可避開人潮，不用爭廁所廚房; 放工有老闆車坐，省車費之餘又比其他backpacker早十五分鐘番hostel，唔使同人輪沖涼; 農場的工作不用太體力勞動，加上陽盛陰衰，冇變態女主管，大多時做野冇王管，仲可以聽 mp3，好自在; common room有3個微波爐，唔使等; common room有大量過期< than's life> 雜誌俾我借番hostel，幫我打發不少無聊時光....在warren park，我領悟到平淡是褔的道理。

睇番當時的番工look，我明白點解異地戀冇我份。

在農場工作，穿得太多不方便，我最多只會著多件jacket同戴冷帽。記得有日下毛毛雨，我穿了jacket同短褲在户外工作了好幾小時。放工時在老闆的車上方發現原來外面只有9度。我無法想像自己0係香港會在9度的環境下穿著短褲在室外流連。




在warren park工作的last day，拍了韓女們的工作情況。她們說自己 no make up，唔肯俾我影。

 

 last day臨收工，韓女們都拍下自己的工作情況。

last day收工同老闆拍個照。