教細妹做功課

妹: (呼喝地) XXX (連名帶姓)! 過來!

姐: 咩呀?

妹: 唔識做呀!

姐: (不耐煩地)又咩唔識做呀?

妹: 呢題!

姐: 咁易都唔識做?

妹: 老師都冇教!

姐: 拿! 你咁咁咁咁咁..

妹: 都唔係咁做! 老師都唔係咁教!

姐: 咁你又話老師冇教?

妹: 老師教果D都唔係呢 D!

姐: (沒好氣地) 拿! 你咁咁咁咁咁.. (邊說邊在妹妹的習作簿上寫東西)

妹: (緊張地) 唔好畫花我本簿呀! (邊說邊用擦膠擦走姐姐寫的字)

姐: 呢度又唔寫得果度又唔寫得咁點教呀?

妹: 媽咪呀! XXX (再次連名帶姓)唔肯教人做功課!!

媽: (對姐姐說) 你咪教下個細妹做囉。

姐: 咪教緊佢囉! 佢自己唔聽之嘛!

妹: 佢都唔係教，淨係識得0係度鬧鬧鬧。

姐: 拿! 你咁咁咁咁咁..  (無奈地將之前的對話再重演一次)

終於睇晒哈利波特!!

終於睇晒所有哈利波特!佛地魔終於玩完。石卜內竟然係忠，仲深愛HAPPRY POTTER的母親。但總覺 J K 羅林在結局留下了伏筆。說不定會有續集。

我由year one開始睇Harry Potter。當時是自己讀書生涯的一個低潮，學校朋友不多，成績不好，又未能適應大學生活。一口氣閱讀四集Harry Potter，讓我在壓力中得到釋放。而七集harry potter睇左我5年。

每睇一集harry potter，都不禁佩服 J K羅林的想像力。 J K羅林筆下的世界是那麼真實，每次睇都讓人完全投入HARRY POTTER的世界。Harry Potter係第一本令人睇到唔肯瞓０既小說。攤在床上閱讀HarRy Potte是一種享受。

睇Harry Potter，是一個不錯的減壓方法。不過因為太好睇，幾日就睇晒一集。Harry Potter睇晒，<建築有情天>又睇晒，真係有ｄ失落，冇左寄託。

澳洲闖蕩之旅(廿一) - 活力澳洲西岸遊 (一)

Broome 初體驗

kimberley之旅完結後，大多數團友都搬到broome 的yha，我貪平獨個兒住進另一間旅館。九天的旅程令我身心疲憊，腦function唔到，七時便上床睡覺。

奇怪的毛里人

第二天一早便起床，因為要吃FREE BREAKFAST。一個毛里人跟我打招乎，他說自己來自 "the majic world"，我不明白，他解釋其實他來自NEW ZEALAND，不過":New Zealand is English thing，他不愛向別人說自己來自New ZEALAND。至於MAJIC WORLD就是因為NEW ZEALAND是電影魔戒的拍攝地。

吃過早餐，獨個兒到BROOME的市中心閒逛。走到VISTOR CENTER，被一個西澳旅遊局的問卷調查捉住，訪問了我十五分鐘。在地圖上看到有唐人街，很想吃個中式飯，但發現所謂的唐人街其實沒有中式飯店，惟有吃麥記‧

BROOME的市中心面積甚少，很快便行完，我還有幾天才開始西岸中部的巴士團行程，得在BROOME留四個晚上。餘下幾天，應該怎過?

X&#39; Mas Party + 東平洲深度行

這個聖誕假過得蠻充實的。廿四號當天參加了公司的party....

抽獎得到sogo 五伯元coupon。

放工便到尖沙咀sogo打個round看看有什麼選擇，發現sogo的東西十分昂貴，一件 tee也要幾百蚊，五百蚊可能只夠我買1.5件衫，無乜用武之地。或者俾張商務/ hmv/ city super coupon我會更好使。

廿五號跟tak到深圳無聊地混了一個下午，買了幾本厚厚的大陸旅遊雜誌，有排睇。兩間有雜誌賣的便利店職員都十分好容，服務好得令人難以置信。國家有前途。

廿六號跟父母即興到了東平洲。阿爸30年前來過，阿媽廿年前來過。所以雖然冬天來東平洲並不是很好的主意，但我 "隨口up" 話想去東平洲，他們都很樂意。

遠觀東平洲，地勢的確十分平坦。

風很大，又凍，在船頭吹了一會兒風已頂唔順要入番船艙。

這次東平洲圍島行大多是繞島綑邊行，只有難過水至龍落水一段是走山路，頗具挑戰性。沒有富行山經驗的父母在我身邊的話，怕水的我是不會選擇綑邊行的。

原來老豆係片石高手。

沿途發現不少有趣的生物和植物。

海膽群。

更樓石上

龍落水

船上穿黑衣者口含一狀似水喉的物體便徒手潛水十幾分鐘，為的是採海膽。

遠眺斬頸洲

這是其中一條較驚險的路，跟海很接近。

走了幾小時，快回到碼頭。爸媽在海灘休息。

阿媽畫的「魚」，橫看豎看也是一隻龜。

右下角的魚是我向阿媽示範怎樣畫魚時畫的。左下角的魚是阿媽其後畫的。奇怪為何魚身要畫上三條直線，原來因為阿媽蒸魚吃時要用刀界三條直線。阿媽的畫真寫實。

日落@東平洲

警號

大師兄上星期遞信辭職，直到星期五先有機會同佢一齊坐車番上水傾辭職的事。講到近來公司生意唔好，大師兄話依家經濟好，d人轉工易左，寧願拎錢去投資，都唔會去進修，所以我地呢行係要經濟差生意先好。同一個已辭職的人傾辭職的事，無疑會令人更加想辭職。但我又唔係儲到好多錢，都擔心如果好耐都搵唔到工會點。

星期六0係學生填寫的course evaluation form發現有學生點名批評我 rude + poor attitude，shock!!我都冇鬧過我d 學生!只有我俾佢地鬧0既0者!

在公司見大學同學kawaii，原來佢細妹讀緊我負責果個program，好意外! 呢個世界真係細。亦令我更加覺得此地不宜久留。

其實一早我都覺得自己唔適合做admin work，唔適合做customer service。俾人話我poor attitude，只係一個警號。我做野係快，有d諗頭，但同時又唔夠細心，有好多minor mistake，搞到我 partner ka ho要執我手尾。我想做d creative 一d，對社會貢獻大d，可以週圍去0既工作。一份0岩自己的dream job，要點樣先搵得到? 輪唔輪到我?

星期日，暫時放下對前途的憂慮，跟老豆行山，跟細妹打羽毛球。多健康的一天啊!好耐冇打過羽毛球了。老豆行山時告訴我十年前曾經幫我算命，當時的師傅說我的命生得不錯，但會有一個大挫折。捱過那挫折，我的命會愈來愈好。挫折? 好驚呀!我廿幾歲人，都冇遇過咩野挫折。我會唔會捱唔過?

聖誕節，冇雙糧，冇bonus，無心消費。

遊記

  

 

 

 

最近閱讀兩本香港人寫的旅行遊記，都是davy介紹的。一本是一個香港記者寫的南美遊記 <浪遊南美>，一本是謝昭仁和伊藤的<朋友日記>，兩本都睇得很起勁。

遊記可以說是我最喜歡的一類書籍，可以睇得好快，尤其是香港人寫的遊記，因為多共鳴，文筆通常較內地/台灣的直接隨意，不賣弄文采。 可惜香港市場細，坊間香港人寫的旅行遊記真的很少，我看的遊記，十居其九都是來自台灣。