週記一則

Mon: 跟大師兄當曾一起佈置公司，當曾透過他已遞辭職信，轉行做Account，幾時到我呢?

Thu: 第一次一家人去唱k，以為平時最鍾意唱歌的老豆會最興奮，點知最high的係我阿媽，因為我老豆俾我地笑得多，怕醜

一齊睇下我阿爸阿媽點樣糟蹋鄧麗君的<月亮代表我的心>...

仲有徐小鳳的<順流逆流>，翻睇依然笑到流淚...

 

Fri: 請左replacement leave，同細妹行左陣街就同兩個大學同學emily、阿君去旺角寧記打邊爐，98蚊任食不過要俾 $8茶位同 $8醬油錢，賣單唔知點解一人百四，唔係咁抵。原來依家d食肆食野有限時，食左兩個鐘就俾人趕走，d 野都未食完....

食完飯在阿君極力慫恿之下去影貼紙相，原來我已兩年冇影過。依家d貼紙相唔平，最平果部機都要五十蚊，不過多左好多function，又吹風又升降。有好多學生去影，我地可能係最老餅果幾個。

睇番都覺得有d白痴..不過幾好笑。

Sat:同幾位初中的同學聚舊@登打士街廣場樓上cafe。上次去20樓，今次去10樓，環境不錯，食物不俗，價錢較平，不過坐左兩個半鐘又話過左鐘俾人趕走。我已經連續兩日0係旺角俾人趕走la...

點解徐仔個樣可以同中三時一模一樣?

被趕走之後到朗豪坊pacific coffee再吹水，講起很多sfac時的趣事。搭火車回家時不知誰提起了家政變態更年期 miss 鄧寶玲，大家都異常興奮。佢d野，由九龍塘站講到粉嶺站都未講完。跟大家暢談鄧寶玲勾起我中一那年因弄失了做習作的格仔布，生怕被佢鬧而與同學趁小息冇人潛入家政室偷取兩塊格仔布的記憶。鄧寶玲，是sfac女同學們的集體回憶。未俾佢鬧過/糟質過，你都唔算係讀過sfac。

SUN: 靜態的一天，跟家人吃過下午茶約了kam去中央公園打羽毛球，但太大風，打唔成，變左散步。意外發現冬天的中央公園有好多盛放中的玫瑰花，唔少影相友來拍照。