有趣的懷舊點心店體驗 - 新興食家

睇到蔡瀾在Youtube 拍片激賞此老店，冒名來此地道老派點心店幫襯。

這裡的點心甚至茶葉都很出色，但環境比澳牛還擠迫，進出也十分困難。沒有秩序沒有點心紙也沒有手推點心車，能吃到什麼要看緣份。要隨時留意點心師傅叫喊有咩野點心出爐，聽到有想食嘅，就要想法向已經忙得不可開交的店員示意，或自己走出去拎，手快有手慢無。食緊嘅時候，更可能有店員在你身邊甚至頭上交收點心或滾水。所以食一餐都可能要起身出去拎野食或閃避十次八次，十分忙碌。我細妹的白色長裙更慘被濺上咖哩金錢肚的咖哩汁，洗唔甩。

十分欣賞點心師傅充滿熱情又地道的「出爐叫喊通知」。明明日日都係果啲點心, 一日可能叫幾百次，但敬業樂業的師傅總能長期保持hyper , 每一次叫喊，都會為食物加插即興的形容字句。例如「新鮮嘅金錢肚出爐呀！食埋先好走呀！」、「真正流心嘅流心奶黃飽有得食喇！」、「喂！牛肉球出爐喇！有牛肉食喇喂！」點心師傅絕對是點心店的亮點。

總結，太斯文、有潔癖、怕嘈怕迫、怕感染武肺的人士皆不宜堂食。同埋唔好著太靚。