當初上網搵阿美尼亞的旅遊資料時已被Tatev修道院的照片吸引，但Tatev距離首都較遠。奈何亞美尼亞交通實在不便。如果自己住交通工具去，來回要兩三日。我們抵達亞美尼亞的第一晚就在Federation Square 看到泊在路邊的貨Van的旅行社廣告，前往Tatev的tour只係10000當地錢，即係二百蚊港幣不到，而且可以一日來回，仲去埋 Khor Virap, Noravank 等隔涉景點，非常吸引。旅行社連鋪位都冇，報名就喺貨Van報埋，感覺流流地。但同房的香港女仔話有朋友參加過，唔係流。雖然我地盡量都唔想join tour，但呢個tour性價比實在太高，亦解決左好多交通問題，故考慮咗一晚就決定參加。
在亞美尼亞的第三天，晨早6點就起身，展開了今日朝七晚十一的旅程。同團有4對白人couple、一個大陸女子同一個皮膚黝黑的亞洲男子。白人couples比較cool，估計是Russian。沒有導遊，只有一名不諳英語的司機由朝揸車揸到黑載我們到各個景點。
早上8點已來到第一個目的地Khor Virap修道院，重點是可以觀看阿美尼亞人的神山但位處土耳其的亞拉臘山。著挪亞方舟在大洪水後，最後停泊的地方就在亞拉臘山上。由於時間太早，修道院門都未開，周邊的小攤檣亦未營業。想拍一張亞拉臘山+修道院的到此一遊照，但跟修道院距離太近拍不到。有點可惜。
2小時後到了另一個為於峡谷深處的景點Noravank 修道院，蒼涼感十足。
離開Noravank 修道院後到一個酒莊wine tasting，不好酒的我對亞美尼亞的紅酒不懂得欣賞，甚至覺得D酒有D難飲，飲左一兩啖就無再飲落去。
十二點不到，司機載我們到一家前不著村後不著店的餐廳食飯，變相無選擇。餐廳只提供烤肉及沙律。團費才10000當地錢，烤肉要7000，性價比太低。我同Tak 只係Share 左一set，大陸女子唔食。大陸女子話佢已經好攰，但其實佢每去一個景點都只係影幾張相之後就坐低玩微信，令我地都無乜興趣同佢交流。同枱仲有那同皮膚黝黑的亞洲男子，原來佢都係香港人，已經喺亞洲同歐洲旅行咗幾個月，曬黑到我以為佢係馬來西亞 / 印尼人。今朝喺景點都冇乜見到香港男，原來酷愛攝影的他一落車唔係入修道院，而係去附近搵一D高地遠距離拍攝修道院全景。今早在Khor Virap佢成功影到亞拉臘山+修道院的照片，令我羨慕不已。
午餐後不久就在車上打瞌睡，忽然話要落車去睇一個唔知咩野碑石。重點係碑石旁有小販賣車厘子。我地同香港男夾錢買左包分來食。
下午3點，終於到我們期待己久的Tatev修道院。前往修道院可以乘坐號稱世界最長的Reversible cableway - Wings Of Tatev 吊車，距離5752 m，是阿美尼亞罕有的modern景點，跟其他又raw 又破舊的景點折然不同。團費當然不包括吊車的車費，要自費，一人2000當地錢。意外的是大陸女子竟然話佢唔去Tatev修道院。我們跟她說Tatev修道院是 tour 的重點不能錯過佢先肯俾錢司機買飛。佢究竟參加呢個團做咩架??
司機幫我地買左4:15的吊車門票，見仲有時間，就喺設計新穎兼有靚景的車站買杯咖啡chill 吓。點知飲唔到5分鐘香港男走來話司機提我地4點前要去排隊上車，要排頭位先可以企到窗邊位影相。於是本來諗住chill吓嘅我都不得不匆忙飲埋杯咖啡兼去埋廁所趕去排隊。同團一對白人couple已經喺我地前面。
跟其他頗為冷清的阿美尼亞景點相比，- Wings Of Tatev算係比較熱鬧。本來每30分鐘一班的吊車已加密到15分鐘。不過其實窗外景色一般，都是普通的村落，亦難以在吊車上拍修道院的照片。不過我們在吊車上看到修道院對面馬路有個lookout可以從高角度影修道院全景。汲取今朝香港男的拍攝經驗，我們決定一到站就把握時間，先快步走到那個1.2公里以外的lookout拍照，有剩時間先番去修道院參觀。
由於5:45就要坐吊車離開，時間頗為緊迫。拚命快步走到lookout
再走回修道院，一來一回超過半小時。
喺lookout影完相走番去修道院，忽見香港男追上前來。原來佢比我地走得更高更遠去拍照。其實來到高加索參觀過N個修道院之後，我們對修道院的感覺已經有點麻木。尤其我們對基督宗教歷史不熟悉，而高加索的修道院大都缺乏英文解說，所以就算親身來到，我們對建築物本身的印象也不太深。反而遠觀這些為處深山之中的古樸修道院比近觀更吸引。
離開修道院前被一班當地年青人捉住selfie。
傍晚七點，原來仲有一個瀑布景點。大陸女子已經攰到行唔郁唔肯落車。
右下: 午飯
8點天黑後，我們來到一個似乎是公路休息站的餐廳食飯。我買了個雞翼茄子兩餸飯，1200當地錢; TAK 買了1500當地錢=的BBQ雞翼，等左25分鐘，成為成團人最遲食完飯上番車的一員。
回程的路上，司機關了燈及WIFI，冇野做只能聽歌。漆黑的異鄉車箱中聽Beyond、呂方、古巨基的舊歌都幾超現實。
晚上11點才回到 Federation Square ，結束16小時的超長 Day trip.
沒有留言:
張貼留言