賀歲杯2008

今年新年假期最後一個節目- 入大球場睇賀歲杯決賽。我咁大個女都未試過入場睇波，點知一入場支持港聯 (註:我一個正選球員都唔識)，港聯就連失落左十六年的賀歲杯都攞埋。都咪話我腳頭唔好。多謝老死的免費飛。

唱國歌..

球賽開始，第一個現場感覺係- 點解咁靜0既?乜唔係有人現場講波架咩?

雖然聽唔到阿叔/阿瑜/鍾仔/keyman/德能講波，不過身旁和身後都有肉緊男球迷現場三字經評述，氣氛還是一流的.....

「小!你踢乜撚呀?」

「小! 成隊波最撚廢係個左閘」

「後傳 la 懵撚!!」

親身見証著一班港聯球員被多個肉緊球迷問候母親，覺得他們好慘。大佬，人地都係踢場波搵食0者。

港聯入波!大家都情緒高漲。

人丁單簿的克羅地亞球迷，天寒地凍仲除衫

記者席

捧杯

阿根庭國家隊幾時來香港呀?

**********************************************************************

四日的新春假期結束得太快太快，讀書時新年是十幾日的事，做野後新年只是三四日的事。初五上班，家人還在享受新年假期在被窩睡覺，街上行人依然稀少，似乎很多人還不用上班上學，很灰。我的新年假結束了。嗚呼哀哉。