有驚無險之下我們終於登上從sydney到Seoul 的飛機。今次坐早機，冇窗口位，不過同tak睇下相吹下水，好快就到。
出閘，問information center點從機場到 hostel，跟指示坐上到hostel 的巴士。hostel 的地圖指示我們在乙支路4 號站下車，但機場staff 同司機都示意我們在乙支路3 號下車。甫踏出機場已感到久惟了的一陣濕和熱，感覺很亞洲。下車時正下雨，正找雨傘，我的outdoor backpack 拉鍊竟然完全爆開，所有東西都掉在濕滑的地上，好不狼狽。巴士開走，我們的首爾探險之旅正式展開。
在兩個不懂英語的韓男路人帶領下找到了hostel (其中一個還幫tak拉行李)。check in，那老闆娘亦不懂英語。我們的同房是個剛從new-zealand 交流回來的重慶女教師。安頓好以後，打電話給在澳洲時認識的幾個韓國朋友，準備跟他們會面。
第二朝跟tak 一早起床出外找早餐。同房的女教師病了，著我們替她買些麵包。我們在附近的士多打算買瑞士卷。我地跟士多老闆全用身體語言受溝通，很有趣。然後我們走進一間看來較乾淨的餐廳吃早餐。menu全是符號般的韓文，於是胡亂在menu上向待應點了兩個菜，結果來了泡菜前菜、辣麵、壽司。本來我對首爾之旅沒什期望。不過用身體語言周圍去又幾有趣。
吃過早餐，在hostel休息一會便到地鐵站會合小虹。我跟小虹是在emerald 認識的，跟她在emerald 共處的時間不過一星期，我臨離開時她主動留了她的聯絡電話和她爸爸的電話給我，叫我到韓國找她。小虹先帶我們到遊客區insadong，不過insadong d 野太高檔，我同Tak 都冇心機睇。then到shopping mall 林立的明洞，似香港的銅鑼灣。tak 想買把遮，不過我同小虹冇乜心機等佢買，佢都未選0岩就要跟我地去南山，的確有d 無癮。
首爾的sales好搞笑，明知我唔識韓文都係咁不停跟我講韓文，再夾雜一些英文詞語(eg. very good!/ very cheap)。見我冇乜反應，又再加多兩錢肉緊去講，以為只要佢講大聲d 講多d就會明白。
攝於明洞一店外。相中間的厚粉男是一店舖的宣傳人。本來我冇咩意慾跟他合照，不過tak就係貪佢夠騎呢。
小虹帶我地食地道韓菜作午餐。其實幾好食，不過真係辣左d。
小虹買了這些街頭小吃給我們，名堂唔知，甜的。其後我同tak 都試過自己買d 甜的街頭小吃，不過全都很難吃。
Rain與鄉下肥婆。都唔明點解我可以咁既裝束出現係有如香港銅鑼灣的明洞。
上南山的路上..
上南山的纜車
在南山上...
離開南山已6:30pm，我們約了另一個在emerald backpackers 識的韓國朋友henry 7pm。本來想打電話給他改在首爾的地鐵站等，不過找不到他，只好仆回hostel。回到hostel已7:40pm，只見發胖不少的henry已在hostel common room等待我們。他電話冇電，已等了我們45分鐘。
henry用韓文幫我們向老板娘請教怎樣洗衫，then 帶我們步行到今朝到過的insadong。期間看見不少街頭小吃，著henry介紹些給我們吃。
henry 幫我們點了雞肉串($1000 won，很貴)和年糕。那年糕可說是我一生人吃過最辣的東西，可我還是吞下了。順帶一提，原來在韓國拍陌生人的照片是要先徵詢別人的意願。我兩次舉起相機想拍街頭小吃，henry 或小虹都會先幫我請示那小販。
吃過街頭小吃已半飽。heney 帶我們到insadong一間傳統的韓國酒館吃韓式煎餅和飲酒。我是不喝酒的，那些地道酒對我而言非常 " kum "。從 henry 口中得知另外兩個在emerald backpackers 認識的韓國人bryan 和 john仍在澳洲。他們已一把年紀，還繼續extend working holiday visa，留在澳洲prevent the normal life.
離開酒館已很夜，henry要趕車番大學宿舍，不過趕路途中仍不忘買雪條請我地食。穿過清溪州，我們回到hostel，henry已趕不及回大學最後的巴士了，於是佢又0係我地hostel留左陣，幫我地同hostel個阿嬸做翻譯。
第二朝本來約左小虹九點0係city hall 睇閱兵儀式，不過尋晚太夜，我同tak都唔多想去，但約好左又唔可以甩底。打俾小虹想cancel，冇人聽，惟有單拖去city hall搵佢，點知去到又搵佢唔到，惟有先番hotel會合tak 兩個人出去。
先到hostel 附近的市集食早餐
東大門，有d似荔枝角d 時裝批發廠，冇咩好行
下午到insadong 睇"結婚儀式 "
去景福官參觀，由於相機冇電，又買唔到adapter差電，只係影到到此一遊相
晚上會合小虹(佢今朝唔知醒，甩左我地底)到首爾朝區大學路食晚飯，到一叫"鳳雛"的人氣食店食雞
飯後到附近的cafe hea了一會，cafe 好靚好女仔feel，打少女市場， 第一次去仲贈送老闆的詩集。小虹教我地用韓文order 野飲，又同我地share 佢去澳洲前d 情史
從cafe看大學路
晚上睇世界杯季軍戰葡萄牙對德國，場波有d 悶，得我自己睇，差d 睡著。旅程的LAST DAY，10:30先起床，tak 已跟在hostel 認識的 ABC出去。
本來諗住買ADAPTER幫相機差電，但我用盡所能做晒身體語言，電器店D人都唔知我想要乜。想搵D後生仔幫我做翻譯，又等唔到; 想叫HOSTEL個女人幫我做翻譯，佢又唔識英文，無功而回
THEN一條友去街邊一檔麵檔食LUNCH，見MENU有張相碗麵有蛋有肉，點知來到只係有蛋冇肉，仲要係冷麵。
坐地鐵去德壽宮睇下午換兵儀式..
圖右 : 我借了一套兵服影相，免費的
THEN到南大門買人參俾阿媽，規模比想像中細，可行性也不高，不過落雨又唔想去祭基洞搵人參
南大門賣人參的地鋪有十幾間，間間都冇乜人，唔知幫襯邊間好。宣傳單張話南大門內有間商場有好多人參店，上去一看，格局就如羅湖商業城，而且由於冇乜客人，店內的人一見到我就走出來叫賣，惟有走為上著。
正猶疑去邊間買人參好，一間人參店的女店員叫我試食紫菜。發現店內的人都識講國語，於是幫襯佢地買左d紫菜，又詢問人參價錢。女店員話紅參較高麗參適合老人家，$110,000 won 一盒。我計過，如果買，我連機場巴士都冇錢坐，惟有打溫情牌，話自己係學生，冇乜錢，叫佢收平d，佢話可平$5000俾我，我話我最多只可出7/ 8萬won左右，佢話最盡只可$95000賣俾我，仲幫我將盒紅參入埋膠袋。
買完人參，正想步出人參店，坐輪椅的老闆叫我留下來，唔知係咪見我孝順，請我食老闆娘弄的白水煮薯仔。老闆話要介紹佢個仔俾我識，話佢個仔0係香港尖沙咀開貿易公司，令我受寵若驚。
我跟人參店老闆
@ city hall
離開南大門，步行至明洞買手信俾細妹，又到一快餐店食砂鍋飯套餐當晚飯。
回到hostel，跟新來的同房美國女教師吹水。佢叫我地趁後生做多d後生仔先做到0既野。
以為1am有世界杯決賽睇，坐到十二點幾先醒起韓國比香港時間快，要3點幾先有波睇，惟有上網打發時間。睇到d大學同學0既xanga，知道自己好快就要過佢地果d朝九晚六0既生活，十萬個唔願意。帶我番澳洲 la 唔該!!
澳洲闖蕩之旅最後一個節目就係 0係首爾hostel 睇世界杯決賽 italy vs france，估唔到要踢十二碼。我捧的 italy贏左，不過都仲未有時間 " 鄧 " italy開心，就要即刻仆出去坐機場巴士去機場。tak坐夜晚機番香港，我坐晨早機。
在機場閘口看到 "hong kong"兩字，醒覺到我真的要回家了
整晚沒睡，來到機場已筋疲力盡，上機好快就訓著，連空姐派野飲都miss左
習慣了視野廣闊的澳洲，飛機快到達香港，在機上看到高樓大廈密密麻麻的香港，心想為什麼我會來自一個那麼恐怖的地方
沒有留言:
張貼留言