黑雨後的一天

黑雨後的一天，馬會取消了賽事，本來諗住0係屋企hea，但最後冇落雨，俾得閒得滯冇野做0既老豆一早捉左去附近的上水華山行山‧

我地都唔知邊度可以上山。後來撞到一班估計在蛇王的差人，佢地教我地點上山。但係老豆冇跟佢地指示，見到有條有好多墳墓0既路就帶我行上去。穿過一堆墳墓，路變得相當斜，根本冇路行，拗底。我俾老豆一直拉住隻手爬上山。未知係咪佢上得太快，加上濕度高，快上到山頂時我支持不住，感到暈眩，想坐下休息時更眼冒金星。死la! 咁0既狀態點去沙巴爬神山呀?

上水圍，攝於休息的山坡上。

梧桐河

被老豆取笑加休息了一會後再起身上路。爬過一山坡後便是一條平坦石屎路，易走多了，人也精神多。呢d路先係人行!頭先果d 墳場路...其實真係唔係俾人行。

意外地山上的風景不錯。可惜沒有相機，只能用手機拍些snap shot

下山的路...

行過山，吃過下午茶，回家幫電腦大掃除。昨晚電腦不段hand 機，根據以往經驗，想必是主機積了太多塵埃。老豆幫我將d主機內的風扇柝晒出來。帶上久惟了的口罩，除塵除了差不多一個下午，還用吸塵機隊入主機吸塵，終於沒有再hand 機。不惶我花了那麼多時間。

不過夜晚睡覺時我一合眼便看見一舊舊灰色的塵。