我又再看<長腿叔叔>。實在太太太太鍾意<長腿叔叔>了。
已經是第N次睇了，依然看得眼淚鼻水直流。廿幾歲人睇卡通片仲睇到喊都幾無出色。所以<長腿叔叔>係要一個人匿埋慢慢睇，好讓人哭過痛快。
原來TVB第一次播<長腿叔叔>是1991年，當時我三年級，已被<長腿叔叔>攻陷。當年的卡通片大都打男仔市場，多是那些主角變身或CALL機械人來拯救地球之類。像<長腿叔叔>般打女仔市場的溫馨小品實屬少見‧加上<長腿叔叔>故事情節生動明快具張力，又有<夢中天使>呢首跟劇情配合得天衣無縫的主題曲，印象中當年<長腿叔叔>的確風靡了萬千細路女，連<夢中天使>也成了HIT爆兒歌，係細路都識唱兩咀。
當年年紀少，猜不到長腿叔叔原來是茱迪的心上人查比。 再翻看，方發現原來當中有不少線索讓人猜出長腿叔叔的身份。例如查比看到茱迪的長腿叔叔畫像流露的會心微笑; 茱迪在給長腿叔叔的信中訴說自己的心事後，查比總會不經意地出現去開解茱迪等。發現這些線索，讓觀眾更能感受到查比對茱迪的關愛，讓整個故事變得浪漫。所以< 長腿叔叔>起碼要睇兩次。 看過兩次以後，你會發現<長腿叔叔>其實是一套浪漫到暈的愛情片。
很羨慕茱迪可以擁有查比/長腿叔叔這難能可貴的愛。查比/長腿叔叔可能是每個<長腿叔叔>女FANS的DREAM MAN。
沒有留言:
張貼留言