信女任XX 癸亥生人，性格剛烈，個性固執，與親人感情不和睦，不愁衣食，白手興家，可享晚年，。 | |||||
前世 | 後世 | ||||
|
| ||||
 |
今生性格 |
| 今生性格似葵鼠 你的性格有如一隻葵鼠，活力十足，整天都無法靜下來，最愛身處於熱鬧的人群中，朋友們都覺得你主動熱情，很喜歡與你交往。此外，你對追求知識的好奇心亦不弱，凡事愛查根問底。缺點則是處事欠缺細心和耐性，如別人有心哄騙你，會很容易得手，所以一定要小心保管自己的財富。戀愛方面，清清純純的戀愛最合你心意。 |
今生衣祿寓意詩 |
| 「八月生人志氣儒，庶民遇此好根基，早年必主名聲顯，一生衣祿有光輝。」生於寅時初，宅舍好風光，生來大昌祥，一生多快樂，把筆作文章。 |
貪得意玩了這個，除了"與親人感情不和睦"呢點我唔認同外，其他的評語似乎也不錯。比起那位前世做夜香工人後世做搬運工人的同事，我的三世運非常不俗。
走開沉實型格路線０既我，一向少有緋聞。直至前日番工．．．
男同事甲： 我星期六唔知番早定番晏好，因為夜晚要去踢波
我：梗係番晏０拉！上午睇高達，下午番工，夜晚去踢波，幾充實！！（其實咁講係因為自己想同佢調番早）
白痴男同事乙：嘩阿ｌｉｎｇ你咁細心，娶左你做老婆就真係好
頓時，全場起哄，同事丙即刻問我覺得白痴男同士點，我只識傻笑，佢興奮地對同事乙說: 拿拿拿!笑sai la! 你兩個仲唔係有野?
點知同事乙懶正義地說"你可以咁樣講我，但你唔可以咁樣講阿ling!"
換來更激烈的起哄。
就這樣，我工作中遇到的緋聞誕生了。多得一班既可愛又白痴的同事。
*************************************************************************
上司近排心情甚佳，我上個星期因為想整乾花書簽(私事)整jam 左公司部過膠機，佢都冇話我，仲問我朵花點，仲建議我下次整果時用張卡墊住先拎去過膠。事後多得同事乙幫我整番好部機。
同事甲同我傾閒計時，響左上司個全朵，佢又唔介意，之後仲冇la la哼歌，全場起哄
我同上司講你近排心情好似好左，佢話"0下!咁唔係點0者?"
之後唔知係咪太無聊，佢提起左一d關於雞翼0既疑問:
點解街市d雞翼，永遠都係同一個方向?另外果面d雞翼去左邊?
點解一隻雞明明得兩隻翼，但係市面上可以有咁多雞翼?d雞俾人cut左d雞翼之後，個胸去左邊，係咪去左kfc?
******************************************************************************
星期五同graduation ceremony committe開會，上司個上司無la la講左一番語重心長0既說話:
"其實公司裡面每一個員工都好重要，特別係一班0係最前線0既跑腿(即係我地)，無左你地，我地academic 0既作用就完全唔可以發揮。尤其係你呀阿ling，我希望你特別明白呢一點!。"
大家都望住我，我一時之間真係唔識回應。點解佢要我特別明白呢樣野?我同佢公事上0既接觸唔多。難道佢咁都睇得出我唔滿意依家份工?定係有同事同佢講過? lai 野 la呢次。
**********************************************************
星期六入元朗考政府工ao/eo筆試，實在太耐冇考過試，又興奮又緊張
其實有時我都enjoy考試，如果d問題係我識答0既話
今次個試0既考生俾我想像中少。多數都係一d u 0既final year學生，仲有少少阿叔阿嬸
形式有d似 a level ue 0既 section e，我係環保局0既助理處長，要幫手settle一d關於興趣焚化爐等0既環保問題，幾有趣，做果時我真係想像緊自己就係環保局0既助理處長。
其實做ao/eo都真係好唔錯，人工高福利好假期多之餘工作又有挑戰性，對社會又有多d貢獻
如果我都可以做，咁就好la!!!!
DAY 3出LAMMA ISLAND，EXPERIENCE一下香港0既小島風情 ，應該會0岩佢。我地0係屋企一人食一個即食麵就出發，0係天星遇到一班GERMAN ，偷聽佢地講D野。我開始分得出德國人面孔0既特徵。去到榕樹灣一點幾 ，一去到PENFRIEND話果度好似ITALY D島。0係碼仕頭附近個餐廳食TEA，有SEAVIEW，野食一 般，環境一流。0係榕樹灣個TOWN閒逛個幾鐘，THEN行去索 古灣。行經周潤發間
小學，望左兩眼，去食阿婆豆腐花，我PENFRIEND好鍾意 。一路行一路對行0既人指指點點，發現好多入LAMMA ISLAND行山0既人都著得似去飲多過似行山。
成五點先到索古灣搵大姨 同姨丈，坐姨丈架"大飛"去魚棚。一去到大姨就叫我地去睇大魚，又話我比0係澳洲剛回來起碼瘦左十磅。我去左魚棚咁多 次，今次先第一次行出去睇魚，行得好論盡，PENFRIEND好淡定 。大姨話搵魚拎上岸去酒家 煮來食，我地睇佢地釣。0係魚棚留左半個鐘就上岸食飯 。LAMMA ISLAND 0既海鮮真係信心保證。我PENFRIEND食左好多，尤其係D蒸魚同 蒜蓉蒸蝦，佢地應該好少會咁煮海鮮。唔夠飽，姨丈話叫多碟。我記得BUNDERBE RG個中菜館東主話D鬼鍾意食醱醱地0既中國菜，點了咕嚕肉。無選錯。THEN坐街渡 番香港仔，雖然 又凍又大風，但都坐出去，正好多，不過真係凍到震 。PENFREIND話發覺香港0 既景色好獨特，因為D BUILDINGS密得來依山而建，而且遠睇D CITY見到燈火閃閃靚，唔會有好似0係CITY入面好多人好迫0既感覺 。本來成日都幾開心，但係番到屋企，PENFRIEND話佢包藥唔見左，阿媽話今日下午見 間房好多野係地下就幫佢放上櫃面，唔知係咪因為咁冇左。搵左個幾鐘都搵唔到 ，佢自己都放棄再搵，氣氛一渡靜寂。直至熄燈訓覺，唔知我同佢邊個開始傾計 ，一傾就傾到兩點幾。佢話自己最鍾意香港0既LAMMA ISLAND。又傾下人生觀、人死左去邊、集中營，講到第二朝起身番工時好辛苦。
第二日番早，penfriend就自由活動，到放工先0係tst kcr station join番佢。我lunch time去art museum買左張卡同鐵book mark俾佢。放工join佢，佢話佢去左沙田同歷史博物館，不過成日都頭痛。番到屋企食飯，佢勁鍾意食阿媽d菇。但唔知點解佢唔肯飲d湯。then去左惠康睇糖果，佢買左好多未見過or hello kitty既糖果。行完惠康都十點幾，再window shopping，有一間衫店未關門，入去行左陣，咁0岩christin想買一頂好似我0係澳洲買0既一頂roxy cap，間野又有一頂cap，佢又買左頂cap仲有件衫。店主同我地講左幾句，佢好意外兩個異國penfriend不以做筆支做到見面。我都估唔到。
最後一晚with christin，都唔想咁快番屋企，於是去花果山食糖水。佢0係武漢咁耐都冇去過糖水店，一入店，又見到一個老外，仲0係我地隔離。佢點左珍珠奶茶，我點左melon紫米露。佢原本對黑色0既食物有d抗拒，不過食過d珍珠同紫米露就好鍾意，仲試埋芒果pudding。原來0係東德只係有chocolate puding，未試過芒果pudding，佢好鍾意，仲話如果佢住上水一定日日來食糖水。
番到屋企成十二點幾，沖完涼十二點半，但我地都唔想就咁就完左last night together, 我請佢上我張床睇我去旅行買0既手信同相，又睇埋我小六時俾同學寫0既紀念冊，佢又有中文幫我寫左張。去到三點撐唔住先訓。such a ｌｏｎｇ ｎｉｇｈｔ．
ｌａｓｔ ｄａｙ，我同同事調左間番晏，我同ｃｈｒｉｓｔｉｎ十點幾先起身，佢ｐａｃｋｉｎｇ至十一點幾去上水出０既廣城冰室食早餐，俾佢試下地道０既菠蘿油同港式奶荼。由於我十二點半就要離開上水番工，我地０既火車道別。今次見完，老實說唔知幾時先再見。０係澳洲同咁多人ｓａｙ ｇｏｏｄｂｙｅ我都冇咩唔捨得，但今次就真係有點醱。番到公司，尋晚三點先訓搞到精神狀態好差，同ｃｈｒｉｓｔｉｎ朝夕相幾日，冇左佢，有ｄ唔慣。
day 2: 十點幾先起身去，睇左一陣相，then去飲茶，勁多人等位，叫細妹去客家好棧等，我同christin去美心。我呢位iq奇高，精通多國語言0既佢只係聽0岩籌，已經掌握廣東話數字0既發音。同我同一日出世0既人係醒d。我同佢去美食庭選野食，佢選左豬皮蘿蔔，豬皮佢唔食 ，蘿蔔就好鍾意食。佢話想試dim sum，有架車仔行過，點了牛肉，又點了春卷、紫菜卷 。我都有咁上下飽，佢就唔夠飽，想食飯。我點左油雞飯俾佢，佢一個人差不多食SAI 。佢都幾大食。食左幾碟野就冇左百六蚊，美心很貴。
THEN坐火車出 YAU MA DEI 加旺角shopping。我選擇跟旅發局suggest 0既路線，由太子花墟開始行，then雀仔街-，then金魚街 、花園街、女人街、廟街、廟、玉器市場。對於向來鍾意行山多過行街兼方向感奇差0既我 來講去呢頭有難度，行行下仲要我penfriend拎住地圖帶路。花墟 、雀仔街、玉器市場等我都未去過。花墟好熱鬧，可能因為情人節同新年近，不過好多店的害羞草 都係假，唔識收。then去雀仔街，好似公園，好多阿叔蒲，後生仔就冇乜 ，比我想像中細。then去花園街，佢嫌d衫太chinese style，唔係好buy，但女人街就好鍾意，因為有好多遊客精品、假名牌、平錶，佢買左好多野，仲話果度係天堂 。我仲幫佢同d小販講價。平時0係香港我好少講價，因為用自己母語講價有d尷尬 ，0係大陸用普通話講價就冇咁避忌，好興奮。但我penfriend叫到 ，又冇理用唔幫。佢叫我幫佢講個假gucci，對方開價120，我話80蚊，對方話一百啦 ，我話80啦，同樣0既對話重覆多一次，最終以80蚊成交，penfriend好開心 ，冇expect咁平，個小販話今日最平我，冇得賺，但我諗既然我d講價技巧咁爛而佢又肯應承 ，其實可以仲平d。
行完女人街都好晏，於是搭mtr去yau ma dei，唔行。途經行人專用區，人頭湧湧，penfriend影左張人頭湧湧0既相，效果好嚇人 ，足以嚇走d想來香港0既鬼。我教佢唔使睇交通燈過馬路，因為香港人都冇耐性等燈 ，大家都知幾時可以過，幾時唔過得。佢又發現mtc d電梯好快，真係feel到香港係一個fast city.
0係旺角當然場唔少得街頭小食。原來penfriend 0係武漢已經好鍾意珍珠奶荼，驚嘆呢個世界點解可以有咁好飲0既野! 其實我0係澳洲一年，最掛住0既除左係阿媽煮0既野，就係港式奶茶。penfriend都好好雞蛋仔 ，魚蛋原本唔知點解唔敢食，但係試左佢話好食。 去到廟街五點半，d人開緊檔，有好多0係北京上海見到0既毛主席 PROUCT，仲有舊上海畫報PRODUCT，可惜屋企太細，掛唔起。PENFRIE ND想買本毛語錄德文版，小販 開價成舊水，PENFRIEND叫我幫佢講價，我冇IDEA一本 毛語錄幾多$，佢話佢有個FRIEND買左四十蚊，於是我講四十，小販原本唔肯賣 ，但我話有人用四十蚊買左，佢冇聲出，成交。廟街賣0既野比女人街實際同FUNNY ，我PREFER廟街。THEN去玉器市場，D店應該就關，我買左條三十蚊0既玻璃頸飾 ，如果唔係個老闆們咁熱情我唔會買，我PENFRIEND又幫佢地買左條玉鍊同玉豬仔。 廟街老榕樹。 食完飯同PEN FRIEND去公眾電話庭打電話，搞左一輪佢先打到電話俾佢RO MANIA 0既BOYFRIEND，入左十幾蚊講得四十幾秒，原來佢地用英文溝 通。PENFRIEND話拍拖前佢原全唔識ROMANIAN，所以佢男朋友屋企人唔係好鍾意佢 ，於是就去學講
THEN坐火車番上水食DINNER，0係火車上聽佢部MP3 ，0係武漢買，二百幾蚊仲可可以睇VIDEO。佢買時人地入左隻VIDEO去，竟然係上海灘首 主題曲，有D劇集0既片段，開心死鍾意周潤發0既佢。又聽左好多德文/羅馬尼亞文歌 。我地去左街市上面0既大排檔，言語不通，好靜。雖然我PENFRIEND識普通話 ，我阿爸阿媽唔識，冇咩可以講‧我PENFRIND又唔算係好熱情0既鬼，比較嚴肅 ，所以餐飯氣氛一般。
ROMANIAN，不過佢同佢男友依然講英文。佢話佢男友D英文 比佢仲好，但係唔知點解去左行船，一年有超過半年時間唔0係ROMANIA ，0係貨船做JUNIOR ENGINEER，月人七八千。好似佢地咁0既異地戀我冇諗過可以維繫 。但我PENFRIEND對呢段感情期望好高，仲想同佢男友生仔結婚。如果唔係因為佢男朋友 ，佢會選擇番0係中國學中文同做野。THEN回家食生果，我老豆竟然問人地德國有冇香蕉 。白痴!PENFRIEND對炮緊馬經0既佢好好奇，唔知佢做緊乜 。我問佢我老豆係咪LOOKS SCARY，因為好多細路見到佢都喊，佢話A BIT，BUT I THINK HE'S FUNNY.我又俾佢睇下我地細個D相，仲有D畢業相。佢見到婆婆著我件袍張相就笑 左好耐。十二點幾佢番房，我同細妹睇PROJECT RUNWAY，佢唔肯訓同我地一齊睇。睇睇0下我位唔識英文又唔識普通話但又好想同鬼交流0下0既細佬番來，佢同人講HELLO，GOODNIGHT，我同PENFRIEND講 "THAT'S ALL HE CAN SAY"，點知我細佬講左叫"WHAT ARE YOU TALKING ABOUT?" 我PENFRIEND問佢識唔識普通話，佢用普通話講"我懂"，之後又同人講"HI! MY NAME IS HANDSOME WING"。
星期五我德國penfriend christin大駕光臨
佢話上午七點幾就會到上水，所以我一早起身去kcr station 接佢，臨出門口收到佢msg佢班火車delay
直到成十一點先見人。我首先帶佢去中旅社搵由深圳到武漢0既火車票，好彩仲買到，不過係軟臥
then去delifrance食野，坐低之後又想去飲茶，但我地掛住傾計miss左張筹都唔知，唔想再等，於是去左椰林閣食左佢0係hk0既第一餐飯
我呢位penfriend好chinese，佢major chinese，madarin好過好多香港人，0係武漢d小學教英文教左半年，趁離開中國之前來香港走一轉來搵我。我0係中六時透過學校dｐｅｎ ｆｒｉｅｎｄ計劃識佢，其實我係中四時參加個計畫，又冇填到自己想要德國人，但係唔知點解中六時收到呢位德國人０既信，仲要同我同一日出世，依家又竟然有機會見面，真係”有緣千里能相見”
講番個ｔｒｉｐ，食完飯我帶左佢番屋企，佢０係武漢買左ｄ野俾我，then出發去山頂。本來想0係上山頂之前跟住旅發局suggest 0既路線睇中西區，但係搬左碼頭之後我唔認得路，搵唔到條route0既起點立法局，行行下仲行左去金鐘，於是搭巴士去山頂，0係山頂行一個圈，睇商場，去pacific coffee等入黑，then出去睇香港0既無敵夜景。
當日煙霞比較大，唔多清。
要同維港夜景影合照，冇腳架就惟有咁樣。
then搭巴士落碼頭，坐天星番尖沙咀食飯，去好local 0既大家樂食一人一火鍋。
我地件衫差唔多一樣。
THEN去星光大道搵周潤發個手印，先發現原來果度雖然有周潤發冇打手印。番到屋企成十二點，佢地都訓sai覺。christin想用0係hk買0既phone card call 家人同男友，唔知點解搵唔到。
上星期五同班同事食大排檔宵夜，男同事們飲多兩杯就亂講野，好搞笑
平時正正經經0既ka ho被問有冇俾上司鬧過
佢豪氣咁話"緊係冇la! 佢唔驚我地走咩!"
眾人譁然先知自己講錯野
講到上司做左人爸爸之後脾氣好左唔話人
有同事話咁下次做錯野就對佢扮BB喊
點知平時講野都幾精0既DON激動咁話:
「嘩!扮BB喊? 我驚佢"隊"個胸埋來同我講阿媽唔0係度，叫我吮住佢D奶先"」
眾人驚訝。我即刻想像到上司"隊"個胸俾佢"個PICTURE，笑到食唔到。咁都俾佢諗到。
好想知俾上司知道阿DON咁講佢佢會有咩反應。
********************************************************************
我用左4日睇SAI成套"女人唔易做"，睇完有D失落。
其實套劇唔係我想像中咁好睇，不過我真係好鍾意林峰劇中個角色(唔係林峰本人)，太令女人心動
******************************************************************************
今日UOP派左幾個鬼佬PROFESSOR/SATFF來開會，我同KA HO都傻仔隆重其事著SAI SUIT
點知其他人都幾CAUSAL，其中一個鬼婆職員仲戴眉環，原全EXPECT唔到 D 英國大學 STAFF會咁OPEN
*****************************************************************
幾個月冇見中同TUNG，懶高檔請佢去DELIFRANCE食早餐，點知都早餐都唔夠飽0既
好似大家樂0岩食D噃
好想快d到新年，因為今年我會豪一次，請屋企人去丹霞山旅行
上次新年對我來講好似係好遙遠0既事，因為舊年新年0係澳洲tully wwoff，鄉下地方一個chinese都冇
手提電話又冇signal，想打番屋企都唔得，到敢開口同host講借電話打番屋企，屋企人又番左大陸，一直到初五先搵到屋企人，所以最近0既新年回憶係前年，我仲係學生，新年有好多日假，感覺同依家做在職人士好唔同，所以更加覺得好遙遠
***************************************************************************
一口氣煲左成十集"女人唔易做"，因為呢套劇收視同口碑都好好，個TOPIC又幾有趣，播果時我又唔係HK
好明顯鄧萃雯0係劇中0既演技比佘詩曼0係果套什麼 "鳳凰四重奏" 好N陪，唔明點解TVB D頒獎禮可以咁唔公道，一個連廖碧兒都可以拎獎0既頒獎禮，公信力好極有限，TVB都唔怕俾人話0既。終於明白點解張學友會話香港D頒獎禮太無公信力，要等到可以有一個好似GRAMMY AWARD咁0既頒獎禮先會再拎獎。
究竟頒獎禮係FOR WHAT? 香港的一定唔係FOR推動樂壇，鼓勵好音樂
睇過一篇對 "最受歡迎男/女歌手"OR "最具人氣" OR "我最喜歡" 獎0既分析，文章話其實"最受歡迎"係一個好隱晦0既字眼，點解唔頒"最佳"而要頒"最受歡迎"係一個好tricky0既問題。 "最受歡迎男/女歌手"OR "最具人氣" OR "我最喜歡" 又代表d咩?代唔代表"最佳"?
"最受歡迎男/女歌手"OR "最具人氣" OR "我最喜歡" 的獎項，能推動樂壇做得更好嗎?
我以為tvb果個高層陳志雲係一個幾開明0既人，但係睇完d頒獎結果就對佢好失望
tvb作為香港傳媒一個影響力最大0既公司，如果唔能夠樹立好榜樣，建立公信，成個娛樂圈都會變得好有問題
講番套劇，如果有個好似劇中林峰咁專一又單純又識氹女仔0既男仔鍾意，有邊個女仔唔會被融化?
發覺自己愈來愈鍾意睇D婆媽劇，仲會俾佢地搞到流眼淚，我以前明明對呢D好不屑0架，點會咁GA?
************************************************
我D猖獗男同事，聽到金鐘有兩個女同事過來不知幾雀躍，鬼咁積極幫佢地搬野，又經常不避嫌咁0係我面前講女。COME ON! 係咪當我呢個0係 DEPARTMENT 0既ONLY GIRL死?
尋日番工同ka ho因為要搵番一份功課搞左幾粒鐘
話說將d功課send 去新加坡前點數，發現實際數量同入左分0既數目有出入，入左71份，實收72
大為緊張，唔知係咪入漏左同學0既分，搵左幾廿次，連最原始0既方法續份send都用埋，都係搵唔到多左邊份。後來有同事問會唔會有學生交左式兩份(因為份功課有兩個section) 先醒水，終於搵到"多出"果一份，真係有學生交左兩份。兩個大學生為左一份功課搞咁耐，真係有d羞家。
近排好得閒，考試完左又未開學，番工真係冇野做，今朝 J T 仲公然訓覺，訓到"gou gou"聲，俾金鐘同事見到。我地公司幾hea!!!
其實冇野做，都唔係咁好玩。
繼上星期三因為床頭個鬧鐘慢左搞到我遲到半小時
今日又俾個新鬧鐘"呃"，以為自己十一點幾起身，點知已經十二點幾，好彩番工冇遲
星期日得我番工，因為冇la la有一堂要星期日上，本來諗住帶幾隻cd來一邊聽一邊做野，好似0係oz咁一邊聽mp3一邊除草/plainting
點知有個學生入左來幾個鐘做野，有人0係度我唔亂來，惟有專心做野
冇人0係度，生產力奇高，意味住聽日我可能冇野做
****************************************************
星期六放假，睇左兩套女人戲
第一套係nANA，本來對呢D日本漫畫改篇0既電影冇咩好感，點知又幾感人
兩個女主角0既友情令人感動，尤其ROCK妹NANA表達友誼0既方式來得不造作而動人
第二套係before sunset
睇左before sunrise好一段時間先再有機會睇before sunset，橋段同before sunrise相似，都係睇兩個主角一路行一路傾計，而且比上次更單調，大多數場境都係0係paris街頭行，好似冇咩睇頭
不過最後當女主角0係屋企向男主角自彈自唱一首應該係為男主角所寫0既一首歌時，卻覺得好感動
原來主角們當年0既偶遇對佢地影響(無論正面定負面)咁大
佢地看似接受無法一起0既事實，但又對對方依依不捨
不過不太喜歡那模稜兩可的結局
尋日同ka ho去考試君準備學校個考試
第一次去新蒲崗，第一次去考試局，原來0係黃大仙mtr坐的士都唔使跳標
考試局本身都幾似一間中學，入到去裡面d職員叫我地0係間課室等其他監考員
第一次深入政府部門內部感覺幾新鮮，唔知佢地d野有冇我地公司咁亂?
6 點所有考試局0既監考官到齊，要我地兩個fresh grad "breif"佢地
要指使一班年紀比我地大得多0既成年人(我覺得我地0係呢班監考員面前係細路)感覺有d怪
6點半考試開始，ka ha6點9走，我0係協試局stay到7點半，一直都冇咩事發生，只係份卷有兩條mc一樣
直到7點半準備離開，個主考帶左個學生來見我，原來呢條友7點半先蒲頭，主考官唔俾佢入
我打俾上司問點處理，上司話個學生遲得太離譜，唔可以俾佢考，叫佢一係出公司信証明佢因公事遲到
一係等下學期補考兼俾多次五百蚊考試費
個學生仲死撐，想我俾佢考
佢話"我唔知你地d私校咁嚴，唔知唔可以遲到"
"同學，呢度係考試局來ga wor，番學就話可以遲到，考試梗係要準時" 我說
"但係我已經早左ga la wor!"
....? (唔明佢明明遲到，點解話自己已經早左)
"我意思係我平時識遲個半鐘至兩個鐘，今次已經比平時早左"
????? 當堂o咀!!
**********************************************
今日同事check番尋日個mis report，個report由 J T 打兼send出
但係個email裡面 個下款係我個名
個下款個email address就係 J H 個email address
一封email0既sender分別有3個人0既身份，十分爆笑
呢d mistake 0係我地公司發生，得啖笑
呢d mistake 0係出面發生，隨時俾人小
************************************************
x'mas party 的團體照，我地公司d員工都幾young
**********************************************************************
尋日番晏，起床見床個鐘十一點幾，好老定，點知出到廳，fuck!一點?我番一點半wor!
番晏都因訓過隆而遲半個鐘，實在唔可以原諒自己。
同事都叫我趁部打卡機咁亂唔好打卡，我唔敢唔打，唔知有咩後果，好彩咁0岩上司下午off
******************************************************
畢業禮個particpation唔好，阿頭要我地service打sai電話俾d唔去0既學生，即係做sales
我同ka ho兩個打得最多電話0既人偏偏就sell野最唔得，完全唔可以令d唔想去0既人回心轉意
仲俾個學生串我sell得咁落力係咪冇人去，真係吹漲
then打足一日電話之後去左劉德華母校可立監考
今次-0係hall考，感覺更似會考
我地企0係hall個台上面睇d人考試，幾有趣
星期六收工番bu同大學同學食飯
餐飯由六點半食到十點半，好長，食到隔離枱d客都唔同sai，
呢樣野只有0係bu聯福樓先做到
所以縱使聯福樓d野食水準依然係咁一般，我都想番去食，又可以懷緬下讀書時0既生活
kawaii八點鐘就走左去陪男朋友，當初佢男朋友追佢果陣佢都好似唔係好SHOW佢，估唔到依家咁癡纏
好羨慕佢搵到一份咁好PAY又好福利兼5 DAYS0工作，當然一份工好唔好唔係用呢D野來衝量
但當"充實自我，貢獻社會"呢兩個原則變得遙不可及，搵到一份做唔使一年就可以儲夠錢讀個成十萬0既MASTER 0既工實在好吸引
尤其對我地呢D冇乜專業又冇乜本事0既FRESH GRAD來講，有咩工係可以待遇好成咁?
如果一年就可以夠錢讀MASTER，咁好快就可以環遊世界，死而無憾了!
出來做野，令我覺得自己0既世界變得更加細。我都好想搵到一份好PAY D 0既工，等我可以有本錢去見識
*************************************************************
同學們都建議我快D去改變形象，搞到自己都覺得自己好似好唔惦
不過，暫時我仲未有咩推動力去PUSH我自己執正D，叫我朝朝早半至一個鐘起身去執樣，唔好玩LA!!
諗番0係OZ果時又肥又樣衰又"呢啡"，個頭成年都冇剪，都唔覺得自己好有問題，亦唔覺得有咩需要改變
依家番到香港，想簡單D都俾人話，究竟扮靚四正係做來俾邊個睇?
點解0係OZ 著得HEA，唔係一個問題，0係HK HEA，又會有問題?
點解0係OZ可以過簡單生活，0係HK想簡單D又會俾人覺得有問題?
係香港人有問題，定係澳洲人有問題?
點解我呢個想簡單D 既懶人偏偏唔係澳洲人，而係香港人?
究竟我做個鄉下妹會開心D，定係做番個城市人開心D?
入坑三年，終於可以以合理距離現場睇到Mirror 12子的演出。雖然去年有兩次機會見到mirror，分別係迪士尼Fantastic Meet活動的mini concert 同埋喺會展搞嘅12怪盗分享會，但兩次的體驗都頗災難性。迪士尼那次雖然已提早兩小時去擺位，但因係唔夠早，連鏡仔...
