Lingwhatever's blog: 7月 2007

2007年7月31日星期二

澳洲闖蕩之旅（五) - 告別Emerald Backpackers

Last Job @ Emerald Backpackers

最後一份0係emerald打的工0係一個規模較細兼落後0既farm brousen's 做machine planting，同行的有兩荷蘭男、4個醜韓女、德情侶。話佢落後，係因為所謂0既"machine planting"既machine只係一堆會滾動0既鐵。之前0係tnb同windy hill做planting，一盆盆種子會自動送上來，依家要用人手推。另外，天氣漸熱，工場環境又惡劣，烏蠅叢生，噴了防蟲噴霧也無補於是。我在香港帶來的烏蠅罩終於派上用場。

2007年7月30日星期一

番鄉下-29-07-07

呢期興集體回憶。所以趁住陪老豆番鄉下摘龍眼0既機會，我又帶相機番鄉下幫我家族拍下點集體回憶。鄉下那爛溶溶的大屋原來也挺上鏡。

地下大廳

    二樓大廳

祖母

三樓大龐

祖母閒時耕種之地方

祖母要我們帶回香港的家鄉芥菜

梯級

分龍眼

摘龍眼

屋外廢墟

澳洲闖蕩之旅(四) - Emerald Backpackers打工經歷(五)

重返TNB FARM

得悉無緣重返TNB，我同 tak都落晒型，冇晒心機。放工後再去散步，見到chris，唔想睬佢。點知行過佢之後佢0係我地身後叫我地，同我地講我地聽日可以轉farm。我問佢轉去邊，佢話 TNB。問佢 for how long? 佢話「for-ever」。聽到之後真係有ｄ難以置信，點解突然可以番去？後來聽chris女友台灣妹講原來幾個原本assign左星期一做TNB０既新來 backpackers唔知咩事冇去番工，於是第二日就調左我同tak 過去幫手。不過，台灣妹話 chris因為俾我同tak黑佢面，將ｄ怨氣發洩左０係佢身上，之後就一直同 chris 冷戰。

澳洲闖蕩之旅(四) - Emerald Backpackers 打工經歷 (四)

New Job, New Life

終於有得番正常工，好似重生一樣。今次個 farm 叫windy hill，工作都係tnb farm做開0既 machine planting，不過今次0既組合相當國際化，有英國三人幫 (simon、"八十年代"、"金髮藍眼")、德國妹、高/矮韓、irish boy andy、仲有兩個住0係farm 0既荷蘭學生。planting line除左一班 backpackers，仲有幾個 local staff，不過雖然人多勢眾，效率卻遠低於tnb。之前0係tnb，由於部machine會不停輸送種子，我地要做得好快同埋唔停手; 依家0係windy hill，人人都頹做，部機成日都因為d人做唔切要停，基本上部機停0既時間仲多過郁0既時間。0係大farm做慣0既我地，一時間來到d 咁頹0既 farm 真係有d 唔適應。做得慢，唔會有人話; 我 plant得快，反而俾人話左幾次唔整齊。

2007年7月26日星期四

澳洲闖蕩之旅(四) - Emerald Backpackers 打工經歷 (三)

失業...

tnb工作完結後，我地一班 tnb的backpackers都失業。睇見人地番工放工，自己無所事事0係hostel hea，感覺不好受。

經過tnb打工同一齊失業0既日子，我地同日韓情侶成為朋友。其時，由於食得太多雪糕面包，我同tak都變成肥婆，慘不忍睹。

香港奇人曾灶財

香港奇人曾灶財病逝，香港又少左一個奇人，又少左個集體回憶。

曾灶財的死訊可以上報紙頭條，上電視新聞，癲人癲到佢咁，都算不枉此生。

2007年7月25日星期三

澳洲闖蕩之旅(四) - Emerald Backpackers 打工經歷 (二)

被 kooman 炒了後，經過chris的開解及weekend hostel搞的korean party，我的心情已經平伏，準備weekday的另一份新工。

2007年7月22日星期日

澳洲闖蕩之旅(四) - Emerald Backpackers打工經歷

KOOMAN's FARM打工歲月

第一份0係emerald backpackers打0既工係0係一個叫"kooman"s" 0既farm做打雜，同我地一齊番kooman 0既有四個韓國人"肥/瘦韓"、"肥妹"、"26歲"同日本仔。論身型，我同tak無疑係最弱的。

2007年7月20日星期五

我的日本朋友當了媽媽/不去會死

再次收到在澳洲認識日本朋友kaori的emial。繼上次向我宣佈她結算之後，今次她竟然宣佈佢已經成為媽媽! Unbelivable!! 當日跟我一起在農場打拚的她，現已成為媽媽!!

****************************************************************************************

近日埋首於日本backpacker的單車旅遊故事 <不去會死>之中。閱讀過此人的經歷，方知道自己的那個什麼 "澳洲闖蕩之旅" 真的沒有什麼大不了!! (話雖如此，回憶錄我還是繼續會寫的!)。他可以做的，對我而言，實在是"不能也，非不為也"。我的澳洲經歷，對我而言已是一個大突破。

猶記得在澳洲，經常被誤以為是日本人。開始時感覺還有點飄飄然。日本，科技發達，人民打扮新潮，被誤以為是日本人，總比被誤以為是韓國人好。但後來對這"日本人"的 "身份"感到厭惡。為什麼大家以為有錢出國旅遊而不是做黑工的，一定係日本人，唔可以係中國人? 而且在一些BACKPACKER心目中，日本BACKPACKER都是英文差勁、性開放、極度祟洋 ...我對被誤為日本人，真的有點不悅。

但<不去會死>喚起我一些日本人的優點。像他們那種艱苦的單車環遊世界之旅，可以承受和敢於挑戰的亞洲人恐怕就只有鬥志和毅力旺盛的日本人。在澳洲打工期間亦感受到不少日本backpacker敬業樂業的態度(不過當時覺得佢地" 慙居"。打份短期工，使唔使咁認真?) 。作者及其戰友對"要用雙腳走到盡頭的堅持和執著令人敬佩，不過，像那種明知可能有強盜還繼續"堅持用雙腳"而冒險踏過無人沙漠的傻勁我就不欣賞。

<不去會死>，再次喚起我要探索世界的心。

2007年7月18日星期三

澳洲闖蕩之旅(四) - 殘破弄髒的Emerald Backpackers

Emerald Backpackers

告別Uncle Auntie

tak一直埋怨 uncel auntie冇帶我地遊覽 melbourne，依家終於有機會。因為 uncle將會車我地去已預定的 working hostel - Emerald Backpackers。

臨走前，我同tak拿出”伙食費”同月餅俾UNCLE，佢唔肯收我地$，只肯收下月餅。白食白住一個星期，真的有點不好意思。尤其知道uncle原來失業。由於預料到了working hostel會冇啖好食，我地０係唐人街大量入貨，行李多得驚人。uncle 幫我地搬行李入車尾箱時也不禁爆粗：　”Diu 拿星！你兩個乜鬼BACKPACKERS，咁撚多野ｏ既？”我們只好低頭偷笑。

2007年7月16日星期一

澳洲闖蕩之旅(三) - 寄人籬下

五星級的家

從南澳再次坐長途巴由barmera到melbourne。今次坐得好辛苦，因為架巴士好爆，冇得坐兩個位，冇得訓。

其實我仲未肯定我會唔會同 tak暫住0係佢遠房親戚屋企。因為寄人籬下似終唔係咁好，何況寄居0係一個陌生0既人屋企。但去到melbourne，天仲未光，又訓得唔好，個人冇能力思考，只想快 d 搵地方落腳。既然 tak 的親戚來接佢，我都照跟埋去，休息過後先算。

tak都講唔清楚佢同佢個親戚0既關係，而且只係見過佢一次。不過之前佢父母來澳洲玩，都係住0係佢地屋企，所以今次再冒昧打搞。

佢親戚 (uncle) 準時到達巴士站接我地，態度尚算友善。佢地屋企離市中心約廿分鐘車程。到達後，uncle即捧出蓮蓉飽、粥同榮華蛋卷作早餐。0係南澳冇啖好食日日三文治0既我見到久惟了的香港野真係非常興奮。感覺好似由冇星酒店搬到五星酒店咁開心。之後發現原來melbourne有一個叫民族台0既電視台可以睇 atv news。uncle auntie見我地坐左一晚長途車咁累，叫我地先睡一睡，我地也不客氣。

同鬼食飯

忙碌了幾星期，這幾天工作上多了點新意。

星期五，我負責的program有幾位英國來的教職員到訪。我這個職員仔，除了循例要開開會，還要和一班鬼到樓下酒樓飲茶。被號召娛賓我香港職員除了我之外，還有上司、sales manager 同sales & marketing manager。當然唔少得老板娘同阿頭。本來我的好拍檔kaho都有份，不過今次來香港0既鬼比預計多，一圍枱都坐唔sai咁制，所以唔使本來番晏0既佢再食多次飯。

其實同鬼飲茶我並唔抗拒，仲覺得幾有趣。不過當日我的腸胃並唔舒服，仲閃過唔番工0既念頭，狀態不佳。一班香港同事坐埋一齊，我的右邊係唔相熟0既sales manager，左邊係一個唔知咩階級0既鬼婆。見眾人不斷同身邊0既人吹水，好不熱鬧，為左令自己0既情況不致太奇怪，我主動同身邊果位比較靜0既鬼婆吹水‧離開澳洲成年，再用英文吹水好似冇之前咁得心應手，仲有d緊張，不過都總算溝通到，唔使令自己望落去憝居居。我介紹佢趁聽日有假去離島睇睇，感受下香港0既另一面，唔知佢會唔會真係去?

鬼婆似乎幾接受中國食物。當其他鬼可能因為面子問題，用刀叉食叉燒飽0既時候，佢好努力用筷子夾同食點心，雖然經常要用手指幫助，但仍然冇用過刀叉，令我不禁當面同佢講我好欣賞佢try her best to use chopsticks。不過佢隔離個鬼佬就好搞笑。阿頭夾左個糯米雞俾佢，佢竟然將ｄ CHILLI塗在糯米雞塊葉上，並連埋塊葉成０舊糯米雞就咁放入口，咁當然食唔到。我真係忍唔住笑左出來，不過都有提佢要打開凡塊葉。

食到咁上下，鬼婆唔知點解忽然同佢隔離個鬼佬好好好傾，除左間中倒茶俾我就冇乜點理我，我同sales manager又冇咩講，並突然感到胃痛，於是同上司講番上ｏｆｆｉｃｅ，靜靜雞閃左。

番上ｏｆｆｉｃｅ食左阿當ｄ整腸丸，胃痛並沒有好轉，但還要準備一陣同鬼的會議。我諗過唔去，但咁難得可以講下英文我又唔想放棄。

上到會議室，我、ｋａｈｏ同上司三個同ｄ鬼你眼望我眼，唔知講乜好。原來班鬼冇準備任何野同我地講，只係來解答問題。ｋａｈｏ打破彊局先問有關英國ISSUE學生証的問題，似乎班鬼都唔知佢地ｓｅｎｄ左ｄ　學生証ｆｏｒｍ俾香港學生。我追問張英國學生証有咩用，估唔到Dr Ray會笑說" I'm wondering why they d0 this!!"　阿頭於是打完場說英國幫學生出學生証係想令學生有SENSE OF BELONGING（即係冇用）。之後我再追問幾個一直纏繞我地０既問題（學生重考仲可唔可以ｄｅｆｅｒ？　點解學生ｄ　transcript個姓放左０係最後）。DR RAY都用幾幽默０既方式解答，令氣氛和諧，無上個ｓｅｍ佢地來開會時咁悶，我０既胃痛仲不知不覺間消失。最後一個問題係關於考試用０既profolio。之前好多學生問好多幾意想不到０既問題如過左字數會唔會扣分？加左ｄ instruction冇寫０既內容會唔會扣分？用螢光筆ｈｉｇｈｌｉｇｈｔ　ｄ　ｋｅｙｗｏｒｄｓ得唔得？　我一輪咀問Dr RAY，佢都忍唔住笑我。我覺得自己有ｄ似記者。我問時俾左個PROFOLIO　０既SAMPLE佢參考，點知原來個SAMPLE的原作者都有來香港，於是找來了原作者解答我０既問題。奈何原作者講左好多學術性０既野，加上佢ｄ英文又幾難聽，我同ｋａｈｏ都聽到一頭霧水。佢講完一大輪之後，一臉誠懇問我”did I answer your question?"，為免尷尬，我傻笑點頭。阿頭知我地唔明，話遲ｄ再同我解釋。

見完鬼，心情輕鬆愉快多了。