又失業

上星期先脫離失業大軍，話咁快我又失業la

因為我quit左份工，我quit左搵左幾個月先搵到0既mt工

做既時候真係好想quit，可以諗到好多理由去quit

每日番工，都覺得渡日如年，對份工冇興趣，見人地兩母女去行街買衫自己又要番工，覺得好難受....

總之有十萬個理由支持自己quit，

但真係quit左，又覺得自己太任性，太衝動，唔問清楚就quit，

再次面對唔知幾長0既搵工生涯，覺得好沉重，一d放鬆0既感覺都冇

講下呢份做左一個星期0既mt工，

初時以為做幾個月sales，應該冇摘橙咁辛苦，自信會捱過

但做落發覺都幾難頂，有好多細微細眼0既野而我又冇興趣0既野要學要理

同d同事好似係兩個世界0既人，冇乜話題，又冇人陪食飯

店內0既衫都係d我唔識欣賞0既師奶衫，叫人沒趣。(maybe對我來講賣cd/書會好d)

加上生意淡薄，渡日如年。每日番去，只係想時間快d過

日日d阿姐都打幾次電話來追數，發覺做零售，低級0既就要咩數，高級0既就要咩數兼追人數

太大壓力，太多野自己控制唔到，我好唔鍾意呢d投入同結果唔成正比0既工

我0既同事有sales 蘭子、vivian同senior sales 阿may，仲有間中來睇鋪0既阿yee

蘭子係典型sales格，肥妹一個，雖然sell野技巧不錯，不過為人悲觀，係果d只係睇人地唔好0既地方0既人，成日講d客不是

vivian認識最少，深圳人，廣東話唔正，以前0係深圳 lv做，嫁左個港男就來香港做sales，日日搭兩個幾鐘頭車來香港打工，俾我就唔制。佢sell野冇其他兩個sales咁叻，不過好勤力，抵得諗，可能因為年資最淺，d要"走走踢踢"0既野如去銀行入數、去第二間分店拎貨多係佢做

senior sales阿may 0係新達gitti做左6年，做左sales十幾年，係同我有最見接觸0既一個，醒目女一個，幾pro，講野幾直，不過其實我幾鍾意佢，幾真幾可愛。好似收工要互相check袋，個個都係俾人睇下就算，佢就會不怕醜咁講sai袋有0既野俾你知，仲連m巾一包都大大聲照講。

我0既同事，其實都唔太差。只是咁0既工作環境，四個月真係太長

the best is yet to come?

My job is shit

I dun want to have such a negative feeling toward my fucking ojb. However, I really hate it. Being a sales is much harder than I through. You lose your friends and family, you cannot gain any satisfautory from your job, you have no one to talk to as your collegue are those people who has no education and goona to be a sale for there whole life. Come on! Get me out of there!!!

On the job interview and also the day they phone me to give me the offer, they told me that we only need to be a sale for 1.5-2 months. However, they're now telling us that we need to work in there fucking shop for 4 months!! God ! How can I stay there for 4 months? It's shit! Why dun Beacon Collge phone me back to give me a chance to work for them? I hate to be a sales. It's not funny! 4 months is fucking too long!!!

一個offer一個喪禮

星期三收到 st sara mt的 offer，估唔到佢地咁快手，唔識開心。隔左一輪先識打電話俾各方好友。咁0岩davy又入來上水搵我地，我同tak又差唔多時間搵到工，今次一聚唔知幾時先再相見。我地帶davy去廣城食tea，去TAK屋企睇相，去粉嶺圍梧桐河散步，過左既簡單又充實的一日。

星期四同星期五係爺爺出殯0既日子。雖然上次去阿君個妹個追悼會已去過殯儀館一次，但今次自己有份戴孝，身份特殊，有D期待。

一早，老豆同佢個四媽去醫院領遺體，我就0係屋企等東莞親戚來。來的只有林叔叔受伯爺兩公婆，姑媽趺親腳冇來。一干人等四點半去到紅磡萬國殯儀館，見到殯儀館RECEPTION有電視顯示每間靈堂屬於邊個先人，有D似恆生指數。門外有D人SELL 花牌/酒樓SELL解穢酒。

上到去爺爺所屬靈堂502，已見姑姐同一少年，佢就係細過我0既阿叔，仲有佢阿媽，年紀睇來比我地想像中大。佢兩母子睇來幾傷心，冇同其他人交談，其他人仲HEA HEA HA HA，又互相取笑穿孝服後0既樣子，氣氛十分熱鬧‧喪禮似乎係一個俾親屬聚首一堂0既機會。

一開波有道士問爺爺出生時晨，THEN著孝服0既人都要跪低聽道士唱歌唸經，內容有關爺爺身平同子女名字。THEN我呢個惟一在場0既孫女先戴孝，要腰纏白帶頭戴藍花。THEN摺金元寶，好快已熟手。摺金元寶呢個步驟幾好，等我有D世藝，IF NOT時間好難過。

0係靈堂愈坐愈凍，想入靈堂旁的火爐旁燒野，點知阿爺就0係火爐旁，唔覺意就咁瞻仰左。佢望落似蠟像，唔係我想像中又白又紅，唔恐怖。不過媽咪就幾驚，去燒野要任生陪，又唔敢接近爺爺，去toliet又要人陪，被我地取笑佢細謄。

第一批來賓係任生一班工友，淨係認得黑仔傑，佢地一身放工look，同任生講兩句就走左。第二個來賓係一著西裝0既年青人，淨係識大姑姐; 第三批係肥姑姐0既同事，成班仔，其中兩個唔知係咪見到肥姑姐個cutie男友幫手搞個喪禮，勁笑，笑到肥姑姐講笑叫佢唔好喊去上香; 最後一大批係姑婆d仔女，仲有姑婆其中一個孫女同最遲來的表弟禧禧。 佢地都有去睇阿爺，不過就冇乜傷感，都係來吹下水，其中一個男人一來就搵林叔叔巴結，有部份都等到九點半果晚儀式完左先走。四e兩母子就冇親友來，更覺可憐。隔來個靈堂就勁多人，多到坐唔sai，上香要排隊，可能係d大公司0既老闆。

番到上水，用吉兒買左兩寸腸仔一寸魚蛋當晚飯，由於聽日一早七點半要到靈堂，盡快訓。

第二日五點全世界起身，天都未光，未試過0係香港咁早起，香港早晨都未做。五點九出發，任生同樓下看更講我地去旅行。d報紙檔仲疊緊報紙，買左份蘋果上到車都冇精神睇。6點九到紅磡，0係m記食早餐，異常開胃。尋日個喪禮搞手叫任生買點心，佢以為點心係西餅，遲遲都未買，去到紅磡先搵，搵到佢發脾氣‧我地先上靈堂，第一次來殯儀館0既細佬妹唔驚，敢去睇爺爺，又燒錢，細路話燒左幾十億俾爺爺後(佢話燒時聽到林叔叔嗚咽) 就公然釣魚(佢上身仲著住果日探爺爺件女人胸 t shirt)，bb就摺元寶，不過媽咪一樣摺得咁差。九點堂倌話上棺，四弟想入去睇，佢阿媽唔俾，仲有推撞。then棺材抬出，戴孝0既人要一齊"買水"，堂倌問有冇男孫，在場惟一一個男孫任劍榮先係釣魚後彈起身，拎住個寫住任府0既燈籠帶領所有戴孝者出走廊對住個窗同盤水跪低買水。見佢個不知所措個傻仔樣忍唔住笑出來。番入靈堂，戴孝者(孫不用)上前檢查先人0既衫同陪葬品，電子儀器唔得，then每個人都要輪流點頭確認。呢個時候姑姐們同新袍們(mum除外)都喊 sai，估唔到佢地同爺爺咁好感情。四e 就喊到企唔穩。then就瞻仰同蓋棺，then上山，d仔坐靈車。

上到山(0係柴灣)好多人，仲要等左一輪先有等仲火葬前的儀式。我以為好似電視咁有個掣俾人按跟住就燒，但個棺材只係俾人推左入一個室，唔知有冇燒。眾人心情已平服，我地去九龍富豪酒店食解穢酒，有兩圍人。間野靜英英，仲恐怖過個靈堂，d野食一般，我地同姑婆d仔同埋四e兩母子一圍，任生同姑婆d仔女有傾有講，個搞手話佢可愛。四e兩母子冇乜出聲，不過都有幫人添茶。then一點度番上水，剪埋髮所有野就完，好似發左個廿四小時0既夢咁。

食飯問老豆多d佢地家族0既野，阿爸阿媽對爺爺都冇乜好感。不過大家都覺得四e兩母子好淒涼，唔知佢地係好愛爺爺，定係好憎佢? 佢個四仔一下子發現自己有咁多阿哥家姐，仲有姪，會點?都是爺爺種下的禍。

可以出本見工書

今日又再一日in兩份工

上午十點0係yau ma tei見職工盟training officer，以為d人會好causal，唔著suit0既外套，點知大部份人都係formal dressing，幾意外

上到去，0係電腦室填form，裡面有一班應該係報course 0既師奶，then好快就有得in

in我0既有兩個人，都著suit，一個係職級低d0既training officer，一個係老d0既manager

個manager似乎好眼訓，又冇乜表情，冇乜講野，淨係問我摘左幾多日橙，對我澳洲0既經歷較有興趣

我自己都幾眼訓，都發覺自己講野幾悶。我自問都已經竭盡所能，做唔做得成睇運，因為佢地只係請一個人。佢地叫我in果時話有writtien test，但又冇，唔知係咪無機

then行去旺角，原來果度離信和好近，好快我就到左朗豪坊hea等下午去in第二份工

0係朗豪坊對面間大家樂食早餐當lunch，join埋去做body check 0既tak

tak見工機會比我少好多，但又好好彩地俾佢見左份一請請九個人0既cs，請form 5，好快就有offer

聽到佢有offer真係有d down，我in左成十幾份工，見工經驗多到可以出書，但多數都係d請一個人0既工，好難爭。老豆阿媽話我呢d冇經驗0既心頭唔好咁高，要由低做起，好似鄧莘雯同家燕姐咁，都要幾十歲人先紅。tak聽完都話"又關事?"

佢唔係好鍾意份工，覺得企商場好cheap又冇前途，但又厭倦搵工0既過程，所以唔再in其他。

then陪佢行街買smart causal衫上training用，但我見完第一份工之後真係好累。見工0既過程其實唔長，但唔知點解見完都會好累，好想訓。

捱到兩點半去荔枝角香港工業中心in一份mt，interview過程勁簡單。個interviewer都係冇乜笑容，幾hea。佢地0既target 係fresh graduate，所以對工作經驗冇乜要求，最緊要捱得，因為頭半年一半時間做sales，不過底薪at least有8.5k，聽佢講都唔似係假mt，都ok。不過in得果十分鐘都冇，唔知有冇機。

幾時先會柳暗花明又一村，守得雲開見月明?

又係見工+戇居但開心的open rice網聚

上星期五去左尖咀一hr consultant公司見工，見consultant

呢次見工係最淡定0既一次，因為見工經驗太多，而且呢d有sell野成份既工唔受歡迎，所以今次見工，佢講多過我講。

聽完佢講覺得份工都ok，佢話做落0既話搵到一兩萬一個月一d都唔難

但番到屋企諗下六千蚊底薪實在太低，而且心底裡都prefer一份穩定收入0既工

去search下間公司0既inf，發現有個hrm師妹都in過份工，但佢個mentor叫佢唔好做，因為佢地人工低及有d呃人，所以下午間公司叫我第二日second in我都拖住先

星期六去遵理in hr，個location超好，未試過去見工咁快可以去到目的地，同個interviewer (係一個普通級數0既hr)好好傾，因為佢對我個oz trip好有興趣‧份工唔好0既地方就係一個星期番六日，星期六仲要番到三點，太長‧本來以為自已有幾大機會second in，但諗番轉頭個interview自己太causal，好似冇take it serious，講hr 0既野唔多。加上佢地本來係要求個有三年經驗0既人去做，所以我都唔敢太樂觀。anyway，搵左咁耐工，都好想佢地可以請我‧0係元朗番工真係唔錯，太近了，一出公司門口就有巴士站番上水，好幸福。

星期日去八月極力慫恿0既open rice網聚，要成$250。8點九要去九龍塘kcr集合，大家都好眼訓

原本心情仲ok，但當旅遊巴駛至上水，0係第一個"景點"粉嶺圍"落車見到天平村，真係覺得自己好戇居

八月九月都去過粉嶺圍，對果度冇興趣，所以我地去左順欣間小食店食野，tak仲番左屋企小便，我托佢幫我添水

then去雲泉仙館食齋，未夠鐘0係果度周圍行，有好多佛寺同涼亭，有個雕像仲做粗口手勢

0係一個個頂有好多雀仔0既涼亭整古九月話佢中雀屎，佢信

then食齋，言談間知道八月個網名叫"辡椒仔"。有同桌0既人發現八月件polo shirt個領有d白色野，問佢件衫係咪污糟左，原來係雀屎。我都同佢一齊咁耐都冇發現，佢自己都完全唔知，佢頭先仲有份整古九月。

d齋老實講質素普通，一d都引唔起我0既食慾。去嘉道理農場之前八月換左件好過疕0既衫，有一個彷mcdonald logo 0既粗口手勢logo，i'm loving it變左i'm thinking it

到達嘉道理，發現冇咩睇，得d "out syl" (out of syllbus) 所以講唔出名0既植物 (問八月d花叫咩名，佢話"out syl"既佢唔識，答得好!! )同幾隻雀，時間唔知點打發‧

惟一大家都好鍾意0既係昆蟲館，因為有冷氣，裡面果個好似山洞咁0既蟻館仲有分體式冷氣，大家都唔想走。

原本就已經好唔想來0既tak當然唔會放過辡椒仔，不停"哦"佢，話又係佢話嘉道理好正好令人期待，叫佢快d扮個好雀躍0既樣出來製造氣氛。點知佢竟然講"我地不如去昆蟲館"，頹爆。

then發現有一寫住遊人止步0既地方有馬，於是闖入去。為免俾人認得，我地講日文扮日本人‧初頭九月唔明點解要扮日本人，後來明白就入sai戲，見到隻馬時仲扮surprise做sai表情手勢講日文，估唔到佢可以咁搞笑。佢講得鬼咁好，真係以為佢識日文。

滯留昆蟲館。

then下雨，大家又心繫昆蟲館，於是折返，我仲帶頭0係蟻洞個concer位坐0係度休息，大家都跟隨。有人來，就講日文。等d人走sai，就關門等出面d人以為唔入得，果然見效，一直都冇人入來。

0係入面坐來磨時間真係幾頹，有難民feel，tak又再"哦""辡椒仔"，連同樣俾八月"賣豬仔"來左0既九月都"可憐我地，話覺得我地好慘，一早起身出九龍搭車番自己屋企，then又要0係嘉道理做難民，大家都忍唔住為此大笑，tak打八月，害我地戇居左一日0既八月都笑埋一份。佢提議我地離開嘉道理去第二度等到四點半上車，我提議去林村，於是我地坐巴士去林村‧

一落車已有幾個村姑叫我地買野許願，我地買左3蚊一份既許願紙寫低願望‧我完全唔記得許願樹已經冧左，依家係唔可以擲野上去，只可以象徵式排d許願紙0係樹旁0既木板，難怪冇乜遊人。寫願望時仲鬼咁多蚊。

then入村參觀，八月話食3蚊一碗0既豆腐花，普通。then發現林村個公廁超靚，外面古色古香，裡面好似酒店咁華麗，仲有花0係洗手盤，大叫一聲好靚呀! then睇下魚就搭的士番嘉道理。果時先4點，suppose4點半先上車，但發現70%團友已上車sleep。

then去元朗，5:30先可以上大榮華酒樓食飯，故又要hea 30分鐘。出番大馬路搵廁所，then0係冇野行0既商場地台坐低再hea，像極自由行。

到大榮華，5"30已很多人，生意唔錯。openrice0係一包廳開左四圍台，好似去飲咁，同台0既人冇個識。仲幾靜。八月同d團友好好傾，我地幾個就好悶。d野食係好食，但唔係好好食。期間無線播左套講錯別字0既節目，好多團友都好有興趣，睇得入神。8:30埋單，餐飯咁多人食每人都竟然要夾成二百蚊，咁貴0既。

呢日係幾戇居，果二百七十蚊係幾唔抵，但幾開心。諗起auch講過去旅行去得開唔開心，最緊要係睇下你同邊d人去。其實我地同八月九月背景興趣都幾唔同，共同話題唔算多，但唔知點解次次去親玩都幾開心。

中秋節

我最鍾意0既節日係中秋節。除左因為我農曆生日係八月十六之外，中秋節帶俾我好多兒時快樂0既回憶。雖然依家過中秋冇得好似細個咁同d friends玩candles燈籠，但對中秋依然期待。

八月十五同阿爸阿媽去梧桐河畔賞月，人不多，所以有d0靚仔匿埋來煲爉。我地坐0係河邊，自成一角，氣氛都幾浪漫。老豆不停用灼過0既樹枝趕/殺0係河爬上來0既蟲

十六就同屋企人去睇大佛。原本想坐纜車，但太多人排隊，又唔知可以預先買非，個職員話要排個半鐘，於是錯巴士。諗住走果時先坐纜車。

大佛原來有好多遊客，唔單止自由行，鬼都唔少‧去到果度都覺得自已似遊客。係佛寺食齋當lunch，水準認真一般。then去昂平市集睇，太新，太"懶"中國feel，個人不太buy，純粹呃遊客錢。then去排隊等搭纜車走，點知冇得買單程非走，就算買左來回非都要排成個鐘隊先有得走。公眾假期來呢度，似乎係錯誤0既選擇。撘番巴士去東涌，then同父母去大埔報一日內地團，又撘巴士番上水，今日撘車多過行。

十七父母都去左大陸玩，我好想親近大自然，約tak去沙頭角睇下海，點知條友應承左之後又話m痛，叫我過幾日等佢痛完再去。同細妹去大快活食完tea後自己坐巴士去粉嶺行晝眉山，順便去花都一帶緬懷sfac0既歲月。花都一帶係有少少變化，不過一d我有回憶0既食店仲0係度，例如搖荼、有記、豆漿大王、合府等。事隔幾年再來睇，幾有趣。then上山，天氣不曬，但好焗，冇風。上樓梯時成日要抖抖回氣。上到頂先有風，0係頂坐左好耐，惜d景都俾樹遮住。期間有個帶住隻狗0既青年上山，見佢好揚咁拎住咸濕報同馬經，唔知係自己睇定係俾隻狗大便用? 落山後行番上水，發現粉嶺d基建完善左好多。由火車站去嘉福村有有蓋行人道，又有單車徑去上水，似乎北區只有住天平村0既公屋居民番屋企係冇瓦遮頭。

今朝又再一早起身去北角見fairwood，星期一羅湖有好多人出香港，我等左三班車先有位坐。上到去公司，果然幾fairwood feel，有橙有黑幾舒適。以為見人前又要做d test，點知一開波有個阿嬸來查家宅，又問我有幾多兄弟姊妹又問我父母做乜又問我使唔使餋家，真係唔係好想答。then有個肥青年男人來in，都ok nice，原來係bu師兄。問0既問題都幾大路，又突然轉台講英文。我已經盡力去答佢，自問冇點講錯野，不過佢話呢兩日都有applicant來in，如果其他人係做開hr，我都可能見唔成。see how it goes

in長實

今朝6點幾就起身，因為9:00要去中環in property officer trainee

早左30分鐘到，棟大廈大堂冇梳化俾人坐，去搵地方坐，點知搵著個教堂

上到去8:55，有個女仔填緊form，不過佢係in admin assis

填完form入去office交，then做一個written test，要一個鐘內用中及英文覆一篇投訴信，唔難，自問都ok(因為有備而來出sai猫)

我坐果張桌子係屬於一個叫carl 0既人，唔知呢個名會唔會保祐我成功?

office d 人工作氣氛不錯，有講有笑。不過in我果個約三十歲0既女manager就好cool

冇乜表情，同佢講野只係望住我份form點頭，又會窒住sai，我難以估計今次會否成功

property management都係一d對客0既工作，但見親工個interviewer都係cool爆

估唔到見工都會令我諗起carl。0係hk應該唔多人用呢個英文名吧

又寫blog

搵工0既日子真係太無聊兼罪疚，坐左0係屋企3個月令人好唔舒服

得閒到日日寫blog，我都唔想...就算0係澳洲幾唔想番香港出來做野都好而家已經因為太無聊開始心急想有份工

尋日睇番中小學偶然寫0既日記，醒起其實我讀書時都有唔少不為人知0既衰野

我讀書時係老師心目中品學兼優0既好學生，成績表d評語千篇一律都係讚，品學兼優到好多教我閒科0既老師根本唔認得我 (佢地只會記得d勁叻 or 勁曳)

除左默書、測驗、通告、考試全部自己簽埋名０既小兒科外，就係呢一點，造就我犯校規的空間：

中一時，我冇帶is堂用0既樹葉，同個同學落樓下籃球場扮睇人打籃球其實隻手0係後面摘花圃d樹葉;

家政堂變態miss派俾我地做圍裙裝飾用0既格仔布唔見左，同佢講實死緊，但又買唔到。我同另一個都係唔見左塊布0既同學趁小息冇人0係home e room，佢負責0係門口睇水，我潛入課室偷左幾塊;

中三時，班內出猫風氣甚盛，我當然唔輸蝕，出埋一份。maths測驗d mc扮隔離位; 中文默書俾佢睇; 英文默書默完自己改番自已果份，當然順手改埋d錯處，結果因為白痴地用兩枝唔同顏色0既藍筆默同改而被miss識穿，好彩佢冇記我過，只係叫我寫悔過書。

有次maths測驗，有同學可能因為同另一個同學有過節，同趙sir報串有人出猫。趙sir叫出猫者自首輕判，其時人心惶惶，因為個個都出猫，唔知自己有冇lai野，我估自己冇得罪人，所以不太擔心，結果都唔係我

不過中三最經典0既出猫事件就係代課老師曾子君竟然0係中文測驗派卷時派左之後一日測0既中史卷

do do賤格地收埋左份中史卷俾我地見到，我同幾個女同學lunch趁do do唔0係課室0係佢櫃筒搵到份中史卷拎去圖書館影印，一邊影一邊笑到肚痛，然後當住佢面俾番份卷佢，賤鬥賤

不過最後差唔多全班都有卷在手，果次中史ｔｅｓｔ個個都好高分，成績作廢

中五時，運動會因為怕悶，走去做跳高工作人員。由於跳高下午冇活動，我同徐仔決定唔番，兩個去左我屋企做倫理ｐｒｏｊｅｃｔ。點知做做下，聽到樓下運動場有ｍｉｓｓ搤咪搵我同徐仔，仲搵左兩次，嚇到我同徐仔心都跳出來。好彩第二日番學冇人追究點解我地唔見左。運動會第二日，我同徐仔仲大膽到將個工作人員証俾第二個同學，自己唔番‧唔知點解，都係冇人追究。

又有一次中文科要做個錄音功課，我地遲遲先簽紙ｂｏｏｋ課室，張紙連搵老師簽名都費是，自己搞惦；　落到課室，先發現借來果部機唔錄得野，想用個課室入面果部機錄，但要用ｍｉｃ。去問中文ｍｉｓｓ借ｍｉｃ，佢話課室ｄ錄音機唔可以錄音，仲借我多次我地頭先用唔到果部機俾我地。無奈之際，發現一個阿ｓｉｒ將之佢ｍｉｃ就咁放０係開放式簿架。由於肯定個阿ｓｉｒ已經走左，故一聱唔該，就拎左佢支ｍｉｃ來用。但餅帶又漏左０係還左俾ｍｉｓｓ部機入面。可惜最後效果太差，果日份功課都係做唔成。

中六中七時係犯校規０既高峄期。中六做ｐｒｅｆｅｃｔ，由於兩個ｈｅａｄ　ｐｒｅｆｅｃｔ都唔係地班，所以我地班做ｐｒｅｆｅｃｔ０既同學都借ｄ二唔守崗。我守左一個ｓｅｍ就冇去守。基本上，唔守崗除左會俾人０係ｐｒｅｆｅｃｔ大會時點名之外都冇咩後果。只要臉皮厚，冇話唔得。

雖然ｐｒｅｆｅｃｔ０既職責我冇盡，ｐｒｅｆｅｃｔ０既好處我係識享有的。例如星期五高ｆｏｒｍ要集會既日子，我同ｔａｋ會借ｄ二話自己要去低ｆｏｒｍ課室守崗唔集隊，其實係匿左０係ｐｒｅｆｅｃｔ休息室睇報紙。個ｐｒｅｆｅｃｔ章，只會０係適當０既時候先會戴。

上ｐｅ堂，更試過走堂無數次。因為學校教ｐｅ０既ｍｉｓｓ得兩個，佢０既學生咁多，記得我同ＴＡＫ呢兩個普通學生０既機會係０．１，記得我同ＴＡＫ　０係邊個時間上ＰＥ堂０既機會更低至０．０００００００１。有一次我地０係樓下集完隊走ＰＥ堂，上一樓自修室時竟當面撞到佢蒼落樓下上我地ＰＥ堂。我同ＴＡＫ一臉鎮定，當然冇被識穿。ＥＶＥＮ我地上ＰＥ，都會賤格地去禮堂台下個雜物房匿埋唔跑山。後來走ＰＥ堂之風漸盛，直去到一次中七時有個隔離班０既女同學走ＰＥ堂時去教員室問阿ＳＩＲ野始被識穿

除左ＰＥ堂，我地更試過走倫理堂。由於偶理堂唔係０係課室上，走左兩個人並唔顯眼，加上幾肯定阿ＳＩＲ唔會認得我地，故一次我地走左落圖書館。期間仲係樓梯同倫理阿ＳＩＲ撞過正著。當然冇被識破。０係圖書館見到真係空堂０既一個中七師兄，佢好意外我地敢走倫理堂，話舊年佢地班有人走被發現記左過，所以我地唔敢再走多次。

行山行到中暑咁滯

番左來幾個月都未行過山

趁尋日十一假期同老豆跟一個叫青春山脈0既行山團去行上水

都有成廿幾人行，多數係中年人，有一班人應該成日行開，有一男一女帶隊，我應該係最細

離開火車站就沿運動場行到華山村上華山

華山不高，本來我都係0係前列位置，只是條路冇遮蔭，不斷上呀上，濕度又高，條track又俾d高草擋住

上上下好暈，眼冒金星，好唔舒服，又feel到肚餓，要停0係度休息，住村人過sai我，幾樣衰

舊年0係oz行左咁多次山，都未試過咁。係noosa行果次應該熱過今次，都冇暈，真係唔明點解水皮左咁多

休息左一陣好留好多，但尋日行山唔太enjoy，因冇風，能見度低，個guide又好似唔係好熟路，又冇指引俾行得慢0既人，安排唔夠之前參加過0既兩個free行山團咁好

行完華山，可以先走，又可以再行至龍躍頭

原本諗住行埋佢，點知下半ｐａｒｔ０既路都好長，又冇乜ｍｏｏｄ行，加上不在狀態，決定放棄

行完山似乎對我未清０既傷風咳有幫助，但痛左幾日０既頸背痛楚加劇，ｕｐ低頭ｏｆ高頭都痛

老豆話係訓”ｌａｉ”頸