New Job, New Life
終於有得番正常工，好似重生一樣。今次個 farm 叫windy hill，工作都係tnb farm做開0既 machine planting，不過今次0既組合相當國際化，有英國三人幫 (simon、"八十年代"、"金髮藍眼")、德國妹、高/矮韓、irish boy andy、仲有兩個住0係farm 0既荷蘭學生。planting line除左一班 backpackers，仲有幾個 local staff，不過雖然人多勢眾，效率卻遠低於tnb。之前0係tnb，由於部machine會不停輸送種子，我地要做得好快同埋唔停手; 依家0係windy hill，人人都頹做，部機成日都因為d人做唔切要停，基本上部機停0既時間仲多過郁0既時間。0係大farm做慣0既我地，一時間來到d 咁頹0既 farm 真係有d 唔適應。做得慢，唔會有人話; 我 plant得快，反而俾人話左幾次唔整齊。
結論 : windy hill 生存之道 一. 「做得慢好過做得快。」
另外，由於人太多，如果我地做到好似0係tnb果時咁快咁多，企我下家果個會冇野做。所以，windy hill 生存之道二. 「唔好做咁多，等你下家有d 野做。」
在windy hill hea 下hea下的工作生活是挺平淡的。不過0係咁國際化0既環境工作都幾難得。兩個荷蘭學生都幾臭寸，對佢地冇乜好感; 英國幫除左形象較正氣0既"八十年代"之外其他都好懶散， 尤其係SIMON，經常問我地時間等BREAK/收工，間中會唱下歌講下笑搞下氣氛，仲試過因為唔做野兼態度差而被送回HOSTEL; 平時一副玩世不恭模樣的IRISH BOY ANDY估唔到係最勤力0既一個，記得之前0係南澳都碰到一個做野好落力0既 irish girl，似乎irish 都係work hard play hard。 andy諗野仲幾serious。有一次做做下野，佢問我同tak點解香港會back to china，我同tak都啞左。來左澳洲咁耐，呢次係第一次亦係最後一次有人地問我地呢個問題。最後由英國仔simon講一句 :"because we are generous"打圓場。
在windy hill工作期間，不知從那裡惹得一頸都是紅班，又痕又明顯，足足兩星期才褪去。
0係windy hill 打工最難得的一件事係同德國妹 barbara建立友誼。barbara同佢twin sister仲有智障0既細佬0係玻利維亞被父母違棄，被德國的父母收養。barbara差唔多晚晚食完飯都會同我吹下水。佢係一個好有原則兼飲食好健康0昸既人。來到澳洲，個個女仔都變左肥婆，佢仲keep到馬拉松運動員身型。不過0係我呢個損友既影響下，佢都買左一盒雪糕陪我一齊隊。其實barbara連香港0係邊都唔知。我同佢又冇咩共同嗜好，不過唔知點解又幾好傾。做得成朋友，我想是緣份的安排吧。我同barbara至今都仲有keep contact。
平時打扮平實的 "八十年代" 離開hostel果日突然以城市look出現，成為一個靚仔，不禁要拍照留念。
0係windy hill做左planting三星期終於都完成，但係plant完好似冇咩實質0既工作俾我地做。有時清野，有時除草，但冇王管。我睇唔到自己0係windy hill的生存價值，擔心windy hill有用完我地0既一日。
與chris「交惡」
另一方面，我地八到tnb好快會再請人planting。tnb，人工高，又乾淨，依家windy hill 前景又唔明朗，我地當然唔會放過重返tnb的機會。同hostel manager chris講我地想番 tnb，佢帶點不耐煩地點頭say yes。我地天真的以為佢會安排到我地番 tnb。
一個星期日黃昏，我同 tak行過hostel門口準備去散步，見到chris正向一班新來的backpackers交代工作安排工的事情。我同tak行埋去八，竟然發現tnb星期一就開始planting，為期三個星期，但tnb farm 的backpackers名單並冇我地個名，取而代之的係一班新來的backpackers、chris的女朋友台灣妹、仲有曾經同我地一齊做過tnb的日本仔masa。我地好"慶"，即刻質問chris點解masa可以番tnb，我地唔可以。chris沒好氣的告訴我們:"he is crazy, he come to me everyday"就冇理我地。我地當場黑瞼。如果冇得番tnb係因為我地已經有一份工0係手，我都可以接受。但原來我地冇得番tnb，係因為唔夠masa crazy，咁實在太唔公平。其他日韓backpacker問我地做乜咁嬲，我地都毫不留情地０係chris面前同佢地講發生咩事。就這樣，我地又再次同working hostel manager交惡了。
沒有留言:
張貼留言