遊船前，先去睇丹霞山有名景點之一- 陽元石。陽元石似咩，大家心照。除左陽元石，丹霞山仲有個雙乳石好出名，不過冇機會睇。
上面果個係陽元石，下面果個係個傻婆。
睇完石就去坐船，導遊之前又話成架船都係自己團友，點知上到船要等埋其他散客，等左幾個字，之前0係碼頭又等左幾個字，為左坐船，耽誤左好多時間。
好不容易才開船，架船個船倉係密風式，影唔到相，唔好feel。船長只會0係某d特定地方俾人上上層/船頭影相。不過唔知係咪大家審美眼光有異，果d落船點好似冇乜睇頭，反而有d我自己覺得有氣勢，其他香港遊客怒影相0既景點就冇停俾人。
on the boat
期望甚高0既遊船之旅實在有點令人失望，船程又短，坐0係密封式船倉仲有d令人想訓0既感覺。只想快d落船行下山。
落船後可沿山路上峰頂，上山人士眾多，仲有好多轎夫等生意。睇見佢地咬緊牙關辛苦抬客走上崎嶇路滑0既山路，令人心寒。仲有著幾寸高跟鞋行山0既女人，大陸行山真係無其不有。
本來想登上山頂，不過愈行愈大雨，加上眼見上山0既路好斜，實在唔應該搏，惟有落山。丹霞山之旅就咁結束，好似乜都冇睇過咁，有d浪費。
由於遊船浪費左一d時間，回程時又塞車，導遊決定skip左深圳兩個買野0既"景點"，都好。阿媽個位唔知點解漏水，搞笑地擔啫坐車，好慘又好好笑。
收完導遊費，我地位香港領隊-一個中年豆沙喉香港阿嬸，循例講左一大輪感謝0既說話。以為佢講完之際，佢竟然話: "因為職業道德0既關係，我0係度唱番首歌，係一首閔南歌 ，歌名係<愛拼才會嬴>" 之後就是一輪吵耳的嘈音，同枱家庭個細仔仲寸到掩耳，我同阿妹都忍唔住笑，亦很無奈，不過領隊自己就好投入。係邊個話做導遊唔唱歌助慶就冇職業道德?不過阿媽話，上次佢join個一日內地團時，有個香港團遊都投訴導遊唔唱歌。香港人真係難服待。澳洲d型男導遊，點會肯同你唱歌?
anyway，阿嬸0既歌聱，的確為今日有點乏味0既旅程泛起一點漣漪。
沒有留言:
張貼留言