澳洲闖蕩之旅(六) - 浪蕩東岸篇Carins之Cape Tribulation

   

Cape Tribulation 的賣點係"When rain forest meet the great barrier"，地理上來講係一個好難得0既自然現象，實際上來講係一個平平無奇的旅遊景點。如果唔係packpage包左，我係唔會去的。

        首先係去睇鱷魚，坐左成個鐘船，就只有呢條。

then去行broad walk睇熱帶雨林，奇樹令我諗起香港的荔枝窩.....

           

           空心樹，伸手進樹心拍得以上照片。

  攀滕植物

         

行完broadwalk番hostel休息，本來係一間四人房，但係只得我同tak兩個，獨立式洋房，環境非常舒適
   

    房間外的小陽台

吃過午餐同tak行去海邊睇珊瑚礁同熱帶雨林交匯點。不過我地唔記得左熱帶雨林每逢下午就落雨，仲幾大雨，敗興而會。

    

   PK village

番hostel，自己一個吃過晚餐，在hostel無所事事，回房間，可能因為房間太舒適，tak已要睡覺，仲叫我唔好開燈，想睇下書都唔得。其時只係夜晚七點幾，漫漫長夜，點過呢?

相機命送Cape Tribulation

第二朝再上路去海邊，今次行海灘唔行公路。上午天氣甚佳，陽光相當猛烈。

      呢d沼澤，唔排除有鱷魚出現。
    

呢張相係我當時部相機拍的最後一張相。當時我要過呢條小溪過對面岸去lookout。我只顧住唔好弄濕條褲，冇為意原來手吊住部相機。相機浸在水中數十秒，發現時己冇左畫面冇晒反應。tak話可能遲d等入左相機入面的水乾掉會冇事，耐何一直都冇反應，甚沮喪，冇晒心機。

與TAK炒大鑊

帶住失落的心情回到Carins。冇左部相機，食龍肉都冇味。惟一可幸的係card reader d相仲睇得番。

夜晚同tak夾錢洗衫。洗完之後tak發現我d黑色衫甩色，搞到佢件白色二百蚊puma t-shirt一躂躂黑色。我話我真係唔知自己件衫會甩色，佢還是一輪唱說我的不是。本來我部相機冇左已好心煩，佢仲不斷轟炸我實在教我受不了。我用好重的語氣同佢講 "咁你想點?"，佢好興，要我搵香港的屋企人幫佢買過件新。我覺得事件未嚴重到要經動我屋企人，佢話佢都覺得冇咁嚴重，但係因為我態度唔好所以要我咁做。我唔想睬佢，無理佢。於是我地就開始冷戰。

我同tak由中六開始做朋友都未吵過架。我自問脾氣都唔差。不過兩個人一齊旅行，朝夕相對，磨擦難免。冷戰第二日我地要join一個在carins出發的浮潛tour。我同tak分開行去碼頭。上到船見到tak，tak主動同我講野，我地又再好似冇事發生過咁一齊玩。那件二百蚊t shirt的價錢其後0係我同tak寄衫番香港的郵費扣番。