最後一日摘梨，打算摘夠一bin就唔做。剛好管工前來同我地講今日只可摘半天，我們就同佢講我地決定唔做。佢叫我地去同office講。我問佢我地唔知點去office，佢話 U two girls ask too much!!我聽佢講去同carnavan park的負責人(一女人)講我要走，佢叫我去搵另一個男職員。個男職員又叫我去搵番個女人，我面有難色同佢講個女人叫我搵佢，佢於是載左我出office。
去到office，個負責人叫我搵番管工問我地摘左幾多bin，我再次面有難色同佢講我唔知點樣可以搵到個管工。我連佢個名都唔知。佢叫我形容下個管工，再幫我打電話搵佢，不過搵佢唔到。於是佢叫我自己報數，幫我計埋d糧，仲call埋的士。其時0係office見到來果日串我地未必摘到3 bin的阿伯，佢同我say hi，唔知佢知唔知我地自動投降?快要回Emerald Backpackers，十分緊張。畢竟今次我地係明知無床位都硬闖回去‧唔知chris見到我地兩個不速之客會點呢?
抱著戰戰兢兢的心情，我地回到熟識的Emerad Backpacers.一到達，就見到幾個熟識的面孔: kenji、韓女ann、澳韓情侶、核突婆。大家都話我黑左。
之後去後花園搵hostel manager chris, chris見到我地，驚訝得碌大眼張大口，我唔識反認，同佢講我地冇錢，所以要番來。佢冇講咩，帶左我地去房。由於床位緊張，我同tak要分房。chris話我地好好彩，原本兩個床位係有人book左，點知佢地放左飛機。
ann話依家hostel的工作情況不太好，好多工都就快完/好多人等工。又有日韓人話chris幫唔到佢地搵工，佢地d工都係靠自己/朋友幫手搵。
雖然emerald仲有好多熟識0既面孔，不過難開左幾個月，見到咁多陌生backpacker，chris仲換埋女朋友，實在有人面全非之感。不過番到來，有一種回到家的感覺，even冇工，心覺得踏實。
再同Chris交惡
等左五日工，chris同我地講有工開，不過係contract job - 摘 raseberries。番emerald，就係因為唔想做contract job，想做時薪工，依家竟然又做摘生果。
最令我地氣憤的是，同房的法國妹遲過我地來hostel，但佢同我地同一日有工開，仲要係一份時薪工。我地搵chris理論，佢話法國妹早過我地打電話來book住宿，所以houly paid的工俾佢先‧tak問點解我們之前打電話來冇得book床位等工，法國妹就可以？chris話法國妹本身有朋友０係hostel住緊，來的機會很高，其他人成日打電話來book床位但係最後又冇來，所以依家唔會俾一D本身冇friend住緊０既人book床位。
其實無論點問chris 佢都總有理由去駁，所以馬死落地行，摘 raseberries去。
摘RASEBERRIS比摘橙同梨都容易，因為樹矮，Ｄ果又輕。不過Ｄ果又軟又淋，大力Ｄ都會裂，所以要好溫柔，唔可以太快。另外，樹葉濕水後會令人痕癢，我因受不了，要戴手套摘，影響速度。
摘一盒果可賺＄０．７，一盆１２盒即係＄８。boss PAUL話佢會賣兩蚊一盒俾超市，超市卻賣五六蚊‧所以even d果係高當野，扣左人工佢都賺唔到幾多。由於冇工開多時，我地都好搏命摘，廁所都唔去，飯都係食左幾個字。第一日我摘左１３盆，成一百蚊，但係因為太心急，摘左好多太生／太熟的果，BOSS PAUL要我第二日摘好Ｄ。
第二日我都有俾心機摘好佢，不過依然唔合規格。paul將我摘的其中一盒果反轉，那些果都散了。之後又將另一個picker摘的果反轉，依然完整無缺。我惟有再小心d摘，結果第二日產量趺至8盆。paul都算係咁，冇扣我人工，仲因為冇零錢，豪氣地俾多兩蚊我地，於是佢多左一個花名-真男人。
第三日，所有果樹都俾我們摘過一次，要摘第二輪。但d果大都未熟，冇野好摘，一個鐘都摘唔到一盆。我同tak讖量都跌至十盆以下。本來contact job就唔夠hourly paid job好搵，依家見到咁0既環境就更覺唔係路，想quit左佢等時薪工‧paul見我地唔想做，竟加人工至$10一盆．於是我地番多一日睇下點。
第四日，果未熟，產量冇起色，paul又經常要求我地摘好d，但我地真係有心冇力，決定辭工。paul幾嬲，已經唔想同我地講野。
又等左五日工，因有兩個backpacker離開，我同tak pick up左佢地份時薪工。同我地番工的仲有BACKPACKER中文韓男。
呢個farm叫chris & marie, 在melbourne也薄有名氣。我地0既工作只係一樣 : 除草，除足一星期。兩個boss chris & marie就好似香港的顏褔偉，鍾意親身上陣拍廣告。唔知係咪老板癲癲地，呢個 farm 做野d人都同其他 farm 唔同。多數farm d local都係阿嬸阿叔，呢度d local係陰陽怪氣的後生仔女，工作氣氛懶懶行，仲成日匿埋蛇王。感染左呢度的風氣，我們三個有時都會0係d隱閉地方蛇一蛇。不過份工本身唔辛勞，冇必要蛇，只係貪過癮。
呢份咁頹0既工人工係我地留澳以來最工，19蚊一個鐘，一個星期做四日半仲搵等多過人地做六日，可惜只係做得一星期。
Chris & Marie's Farm
印有chris & marie俏像的貨車。
沒有留言:
張貼留言