本來到melbourne，就是為左去shepparton打農場工。後來因得知st kilda festival會在二月頭舉行便在melbourne多留一星期。怎料交了住宿才發現st kilda festival取消左，白白浪費一星期住宿，仲過左一星期擔驚受怕的屈蛇的日子。
乘火車到Shepparton
到達shepparton，我們到 job agency 搵工。job agent問我地有冇tent，然後好快就assign我地去一個pear farm摘梨。佢建議我地先到town的超市買一個星期食糧，再坐的士去個farm。
帶住一大堆行李同食物，我地浩浩蕩蕩殺入pear farm。farm的staff對於我地的出現感到奇怪，並說佢地已不需要picker。正徨恐之際，其中一個staff 叫我地填表，然後安排farm的carnavan park負責人帶我地去carnavan park安頓。等候期間，一貌似高層的男人同我地講來呢度摘梨每人一日要摘三bin，如果唔係會被停職。佢見我地咁細粒，對我地有d懷疑。摘過橙的我深知摘三bin生果有幾難。不過既然來到，都要頂硬上。
我們住的carnavan，其實都唔差。
公用廁所，原來冇熱水。
開放式common room +廚房，食飯+吹水用。
carnavan park 的住宿才幾十蚊一星期，設施當然有限，亦冇乜娛樂可言，生活可以十分原始。最正的設備係洗衣機免費任用。陽光猛烈，連乾衣機都唔使’
第二朝六點幾就起身準備七點開工。到達pear farm，跳上管工的木頭車，到達了我們負責的梨樹。管工叫我們兩個一齊摘，人工兩份分。30蚊一bin，一bin有一米乘一米大。
開頭睇管工示範，見到摘梨可以挑手唔使好似摘橙咁用剪刀，以為好容易。點知摘左個幾鐘，見到個bin仲係好空，先發覺摘梨唔係路。首先d梨體積細，要摘好多先可填滿個bin; 第二係d 梨集中生0係樹頂，要摘樹頂的梨，我地又要用梯又要夠手長。枝梯好重，想搬枝梯去一個好的位置好費時; 我地手又唔夠長，有d生得入的梨真係伸極隻手都摘唔到，但係管工要我地清晒所有梨，一個都不能漏。其實我地係不能也非不為也; 第三係人工低。摘橙都有$45一bin，摘梨得30蚊，而且花更多時間先可填滿一bin。
摘左兩個鐘tak已經頂唔順，打電話俾久惟了的emerald backpacker個manager chris問有冇工。我地都唔敢開名，因為之前俾左唔少麻煩chris，佢未必想我地番去。chris話有工冇床位，叫我地遲d再打去問。
奸人遇上醒目管工
既然循正途係冇運行，作為靈活懂變通的香港人，我地惟有出招搏搵多d。當初摘橙時用過的 "偷摘隔離行樹底" 唔work，因為隔離行有人，而且樹底冇乜梨。於是我地決定一個摘，並將梨丟在地上，另一個負責0係地下執。我負責執，仲連隔離行d樹那些因熟透而掉到地上的爛梨都執埋。其時管工經過，見我成日都在地上執梨，問我咩事‧我執生話自己身上的 picker袋 (一個用來俾picker摘生果時暫時放置生果的隨身袋)d 扣太鬆，搞到摘果時d 梨成日跌出來。好彩佢信我，又幫我較緊d 個扣。佢又睇睇我地摘成點，發現有好多爛梨，於是將好多爛梨從bin子中撿走，叫我地唔好去執地上的爛梨。我們的兩個奸計都被他撞破，教人心灰意冷。
努力了一整天，從7時至4時，我地兩個人才摘 2 bin，一人三十蚊，即係百幾蚊港紙，非常沮喪。回想在emerald backpackers住期間，求其份 hourly paid的工作，兩三個鐘就有三十蚊，甚希虛。tak提議不如-係pear farm 搵夠火車錢就硬闖emerald backpackers等houly paid 的工作，冇房就睡 gym room，我都覺得呢條橋行得通。一日三十蚊，真係唔係路。於是決定硬闖 emerald!!
我在梨樹中。
滿滿的梨，充滿多少血汗
由於一心諗住搵夠火車錢就唔做，加上sepparton日間天氣太熱，又冇風，第二日比較hea，摘到下午兩點就唔做，番carnavan park休息下，享受寧靜生活好過。
攝於carnavan park附近的草地
日落@ shepparton
本來食兩星期的食物依家兩日要清晒，食得相當豪。
臨離開sheparrton，在carnavan竭一竭
沒有留言:
張貼留言