我要安樂死

曾經覺得自己份人太悲觀，於是睇左好多有殘障/危疾0既人寫的書/文章，希望可以令自己醒覺到原來自己係好幸福之餘都可以學習一下點樣積極面對生命。
閱讀斌仔的<我要安樂死>，令我代入了斌仔的內心世界，了解另一種對生命的態度。
呢本唔係一本教人發奮向上、積極面對生命的書。對一些主張做人要積極d樂觀d0既人來講可能會好反感。


我對應否安樂死態度中立，只是抱住好奇的心態去睇呢本書。
雖然好多人都叫斌仔要積極面對生命，認為活著就有希望，但正如斌仔所言，"針唔拮到肉唔知痛"，"人人都話榴槤好味，但食榴槤0既始終係自己"。我又唔係癱，我又點會明白像斌仔的人，做每樣野都要人幫，係幾難受?
斌仔唔想成為父母的包袱，希望安樂死令家人得到解脫。雖然佢離開會令其父母傷心同失去寄託，不過斌仔認為佢父母的傷痛可以被時間沖淡。而且佢走左，佢父母仲可以趁自己有心有力多做一d自己想做的事，安享晚年，未嘗唔係一件好事。
有人寫信告訴斌仔自己的人生比斌仔更堪苛，但都可以有一個有意義的人生，勸勉斌仔都要好似佢地咁積極面對生命。斌仔卻認為 "難道我的快樂係要建築在別人身上?"
有人見霍金同樣是四肢癱瘓都可以有燦爛人生，並說霍金聽過斌仔的故事也勸他要積極面對，活著就有希望有意義，斌仔卻認為自己並沒有霍金的腦袋，自己癱瘓不可能都像霍金般對世界有什麼貢獻。並謂如果霍金自己只係有一個正常人有的腦袋，相信佢都會覺得人生冇乜意義。
姑勿論斌仔0既價值觀是否正確，但他對生命的一些觀點令人深思，亦未必係一個健全0既人可以想像的。