澳洲闖蕩之旅(十三) - 失業日記

28-3-06  Day 1 失業第一天

完成了tnb的工作，新工都唔知要等到幾時。尋晚一班tnb的backpackers (除左阿大同masa）一齊吹水到兩點幾。德情男因為同橙帽一齊工作，八到好多關於TNB FARM local worker ｄ野。原來橙帽有個9 個月大的仔，佢26歲，佢女朋友21，一齊左6年; "家姐" lei係教徒，兩日就去一次教堂，成個farm都知佢係處女; 黑人有個意大利老婆同4 個仔女;  "靚嬸" 已經51歲，但望落只有三十幾歲.....



德情侶話0係德國男女都有三年產假，annual leave有廿幾日。佢地兩個都係graphic designer，不過係0係一間細公司做，工作沉悶，所以來澳洲旅行再睇下轉唔轉行。佢地來backpackers住只係想體驗農場生活。tnb份工完左就決定離開。

講講下大家講起語言。德男學過拉丁文。佢話拉丁文可能係世界上最難的語言之一，tense都有十幾種，pronoun又有十幾款，我地學英文得幾款都已經頸昏腦脹。就是德文，其gramma同pronoun的變化都比英文多。德文的名詞都有姓別，不過德情侶都唔知性別的準則係咩。我記得廁所同馬筒都係女性。

韓男同德情侶解釋佢個名永薰的意思，佢話"永"=forever，"薰"= "smell"。我笑佢係"smell forever"，意指佢永遠發臭，邊講邊作聞到臭野狀; 佢緊張地回應:"no! i'm smell forever!"，邊講邊大力用鼻子索氣，意指自己永遠香唔係永遠臭，大家都笑了。

冇野做，今日一點先起身。三四點，hostel manager CHRIS入來話有摘蕃茄工做，我冇理會，因為唔想做contract job。飯後去散步，0係common room bus list見到有新farm，入房搵tak傾，點知佢話chris同佢講佢聽日可以番新farm，仲要係一份hourly paid job。點解同人唔同命?我又要再次一個人等工。

29-3-06  Day 2 - 失業去消費

同房們個個都有工開，番工時間俾佢地嘈醒。趁得閒，搭火車去附近的eastland行街同去圖書館上網。喜見有幾個朋友send email慰問我，0係澳洲識的德國朋友barbara亦email通知我她的新工作。在圖書館流連了一個鐘，去cd店買headphone、去m記食happy meal當lucnch，去超市買廉價食物/罐頭，失業消費感覺不好受。chris冇來通知我幾時有新工。

30-3-06  Day 3 - 沮喪篇

續被要開工的同房嘈醒，好不容易再訓著，又俾cleaner嘈醒。洗衫-> 早餐，見common room有封被開了的從台灣彈回頭的信，好奇打開看看，原來係我的韓國朋友小虹寫俾佢個台灣偶像孫興的，內容講述佢因為一套劇集而迷上孫興，跟住就改左個中文名同學中文，仲話會去台灣探佢。可惜此信被彈回頭，而小虹已離開emerld backpackers了。見兩個新來的鬼妹都冇工開，唔知點解心裡好過些; 計算旅行的budjet，遊西澳+中部起碼要3千蚊，但依家的工作情況，可能唔夠時間打工搵$。depress. tak放工叫我去超市，冇mood，不過照去，又一日。

31-3-06  Day 4 - ANZ DAY

十一點起身，一邊聽同房的SO FRESH CD (澳洲的雜錦碟)一邊睇書，幾ENJOY。下午行出TOWN去ANZ開户口，因為聽講ANZ的利息較高，有5%，條件係唔可以提款兼每個月至小存10蚊。我0係原來的户口提了一千蚊入ANZ。幫我開户口的職員好友善。我唔知HOSTEL的地址，佢仲幫我寫，因為實在有太多BACKPACKERS開户口，多到佢都記得我地個地址。開完户口，佢一臉尷尬的俾隻膠豬錢箱我，話係開户口的禮物。我話太重，唔係好想要，而且我冇理由揹住佢去旅行。我諗住趁佢唔為意刻意丟下豬仔，點知臨行前職員提醒我"DON'T LEAVE THE PIG!"。於是帶左佢番HOSTEL，同房都好喜歡。遇到友善的人，心情好多了。

1-4-06  DAY 5 - 豬的生活(一)

星期六，7AM起身睇音樂節目"TOP 50"，睇到十點再訓，在床上HEA到三點先食LUNCH，同新來的女同房吹了一會水，再恰至6PM。起身，坐窗邊聽歌睇書，醉了的瑞典BACKPACKER"大惡"無LA LA走埋窗邊對我扮鬼臉，嚇得我!平時同佢都冇兩句。同新來的男住客吹水，睇電視。

2-4-06  DAY 6- 豬的生活(二)

十點被同房的日女嘈醒，班友竟然玩聽cd學英文，朗讀"JOHN IS GOING TO SWIMMING TODAY!"之類的英文句子。LUNCH食公仔面，4:30去公園散步，5:30因肚餓回HOSTEL。HOSTEL MANAGER CHRIS過門而不入，即聽日又冇工開。澳洲轉番做冬令時間，我的生命又多番一個鐘。細妹來電，心情好D。無聊，想問TAK拎番自己本心理書來睇，佢話唔方便拎，但我見到本書就0係佢床，於是婉轉的同佢講"但係本書好似係我架WOR!"佢即刻飛番本書俾我，對我說 " 抵你冇工開! " 心情跌至谷底。只係想拎番自己本書睇都俾人鬧。我唔可以再失業! 再等工我會殺人!!!

3-4-06  DAY 7 - 唔使再等LA!!

十點幾自然醒，CHRIS終於來搵我，話聽日我會同3個韓女一齊做"WEED FLOWRE'S HEAD"，不過份工得四日。CHRIS問我做乜唔同同房的日女一齊摘蕃茄，我話唔想放棄HOURLY PAID長工的機會‧CHRIS話做CONTRACT JOB，就算搵錢俾人少都好過我依家一蚊都搵唔到。佢話遲D可能可以同我FLIGHT到一份HOURLY PAID的摘蕃茄工。我問佢摘蕃茄會唔會有QUOTA先賺到D人工，佢答我無論做D咩都要WORK HARD，仲問我俾人炒過幾多次。我0係EMERALD只係俾第一個FARM KOOMANS' 炒過，佢話咁CHRIS & MARIES 呢?(即去GREAT OCEAN ROAD之前做的那個FARM，有成19蚊一個鐘人工)。我話CHRIS & MARIES第一日已經同我地講份工只係做一星期。CHRIS問咁點解果個韓國男仔(中文韓)仲可以做落去? 又話D FARM "ALWAYS SAY ONE WEEK"。我無言以對。難道CHRIS & MARIS同我地講一個星期真係試我地?

等左一個星期工先得四日工，其他FARM又陸續停工，我仲有冇機會做長工?