澳洲闖蕩之旅(十一) - Great Ocean Road Tour

出發參加great ocean tour前一日，收到旅行社的通知話我要轉參加一個價錢較貴的tour，(當時我仲未俾$)，不過我可以照付原價，而且仲送多一個caving trip。糊里糊塗之下我接受了他們的安排。

可能因為正值commonwelth game，join tour由adeliade去melbourne的人唔多，全團得6個人，得我一個亞洲人，而且都只係來澳洲旅遊，唔係好似我咁持WORKING HOLIDAY VISA，所以感覺較富貴，唔係好0岩玩。


第一日的行程主要係"caving"。之前都唔知咩叫caving，不過導遊話caving得呢個tour先有，其他團友對caving都好期待。

去到caving 的地點，首先要作好裝備。我地又要戴安全帽同工人服，心想caving應該幾過癒。

 

入到洞穴，導遊叫我地先試穿一個洞，如果覺得唔舒服就唔好繼續。結果團友德國男率先放棄。

順利穿過其中一個最細的洞。

別過德國男，我地一岡人等深入洞穴繼續穿越大小不同的洞。第一次玩caving我就愛上呢個運動。因為呢項運動係少數我可以做得好的運動。洞穴中其中一個細到要參加者於洞內轉身的小洞就只有我一個人可以順利穿過，叻過d老外(其實叻唔叻都係身型問題)。

tour第一晚住的小鎮

第二朝一早跨過南澳同維多利亞省的邊界，到了VICTORIA的Grampians NATIONAL PARK

我們的巴士

Grampians NATIONAL PARK在六星期前經歷過山火，我地去到時好多樹同山都變了色。

經山火洗禮，Grampians NATIONAL PARK有種滿目瘡痍的感覺。

MT. ZERO的LOOK OUT

到達Grampians NATIONAL PARK的第一項活動係行MT ZERO睇LOOKOUT。導遊只係叫我地帶水，我仲以為個山好易行，點知鬼咁斜，又要拎住枝水，好難行。導遊自顧自的行，老外團友又行得快，我就搏命追，苦不堪言。我真係唔係好鍾意同老外行山。

落山，導遊迷了路，害我們要走另一條路落山。不過錯有錯著，有機會行下相中的小峽，都幾過癒。

野生樹熊，不過睇得唔係好清楚。

澳洲各省有各自的車牌。

第二晚住宿一hostel，有好多自己揸車遊great ocean road的人入住，仲有唔少靚仔。原來靚仔們係唔會join團去玩，靚仔係自己揸車玩的。難怪我一直見唔到靚仔。

第三日係我最期待的一日-- Great Ocean Road之旅。我們出發得早，好多景點都冇乜人，不過天色昏暗，拍照效果不佳。

 團友合照@ the lord arch

從旅遊書/postcard/ 電視睇過唔少十二門徒石的照片，但當轉出樓梯第一眼見到十二門徒石，真係有"嘩"一聲的衝動。好壯觀! 係我澳洲之旅中最impressive的景點。

       


旅程終結，在great ocean road終點/起點大合照。雖然大家彼此都唔係好熟絡，不過合照時都可以攬頭攬頸。