其實呢篇blog係打俾我自己睇。因為我驚唔記得中醫師講過d乜。
自從五月從沙巴回來之後，一直備受四肢痕癢的問題困擾。阿媽話果d係「風」，要我去睇中醫。可是食中藥是我人生中最怕的事情之一。每次飲中藥，都要經歷幾分鐘心理掙扎。好不容易飲完，還要克服最關鍵的是那一口胃氣。如果沉不住氣，藥很易會被嘔出。小時候試過把中藥嘔出，媽媽把藥翻煎，要我再受一次折磨，苦不堪言。
因為怕中藥，又懶，結果「藕」左幾個月先肯睇中醫。希望可在四川之旅前痊癒。
以前睇中醫會去藥材鋪，感覺較原始。今次我去粉嶺健康中心的中醫部，那裡的醫師多是浸大/ 中大畢業的年青人。中醫部的格局跟西醫部差不多，要登記，要論籌，很有系統。登記後，先到評估室度高磅重量血壓及作初部評估。中醫師會把我的病況輸入電腦。之後到診療室見主診醫師。中醫說望聞問切，醫師的確問了我很多問題。不過今次係我第一次自己一個睇中醫，有些問題我不懂怎樣回答。例如 : 怕唔怕熱? (乜有人唔怕架咩 ? ) 、係咪會有汗? (乜唔係人人都有架咩? ) 、大便點樣? (解決完就走，真係冇乜留意 ) 、月經點樣 ?(這個...該怎麼形容? )、係咪特別怕唔怕凍? (乜有人唔怕架咩 ?)、個人係咪好 「支力」?
糊里糊塗地回答了醫師無稜兩可地的問題以後，醫師幫我把脈及觀察我的舌頭。她說我脾虛火盛，連舌頭都有「火」。成因係食得太多熱氣野同生冷野，生活壓力大，睡眠質素不佳，日積月累便形成「風」，故我要食藥驅「風」，還要戒食生冷及熱氣的食物、牛、海鮮、冷的生果、奶茶咖啡 。醫師說所有即沖的飲料都要戒，因為d 原材料被炒過，會很熱氣，但不建議我飲涼茶散熱，因為很多涼茶都傷脾。我問咁大日熱氣點算，佢話等佢打埋條 fomula 先答我，不過後來又冇答我。
完成診療，醫師 print 出一藥方給我去配藥。還記得以前睇中醫d 藥方都係鬼畫符，從來都唔會睇得明自己究竟要食乜。時代進步了。取藥時，阿叔見我係後生女，再細心教我點煎藥 (雖然我都係俾阿媽幫我搞 )。藥要先浸水十五分鐘，水要比藥高一寸，再用中火煎三十分鐘，煎至一碗水，並預留少許作翻煎後用。四小時後再翻煎，煎好的藥要同第一次煎時預留的藥兩溝，藥力會比較平均。
