認老 (II)

今日好充實。收工約左四川的戰友交換番D相 (間接搞到阿KIT本MAC NOTEBOOK 說明書唔見左，死LA點算好)，THEN同眾同事去大角咀打羽毛球。我老了，打左幾分鐘就整親大脾條筋，要傷出。傷愈復出之後又勁失波，揸到爆。我YEAR 1時可TAKE過半年羽毛球COURSE 架!! 點會咁架? 至於同事們的球技...唔可以講得上勁，不過夠晒大力，又成日「陰」人，時大力時細力，唔係咁易接。其實我只係想柴娃娃搓下波0者。

打完波番尖沙咀唱K，難得上司苗哥都去，大家都想聽下佢點用「丹田」唱歌。點知我自己唱左幾首就失左聲。同事們興高采烈地高唱黎明的陳年快歌，我卻只有看的份兒，激死朕!!! 之前唱通宵都冇事，點解今次咁不濟? 唔通過左廿五之後身體機能就退得咁快?

*************************************************************

懷念陳任

唱K時得知DJ陳任病逝，感覺十分愕然。幾個月前我還聽過他的「sunday任我行」 ，當時他並不似有病，依然跟聽眾嘻嘻哈哈。我想聽陳任的年青人應該不多吧。我聽陳任是出於偶然。記得中學時一個晚上睡不著，在床上聽收音機，無意中聽到了港台的「百份百陳任」，節目播放很多較舊又比較少聽的英文歌，感覺不俗，於是便開始聽陳任的節目，好認識多些外語歌。陳任播歌時自己聽得興奮的話更會不害羞的跟著唱。很喜歡聽陳任跟聽眾的對話，很率真，很親切，像朋友般的交談。如果有聽眾唔識趣點播一些太大路的歌曲，會豪不客氣揶揄眾聽首歌已經聽到爛，唔想播。

我正在收聽的是陳任在九月底最後一次主持的 。