尋日先 0係阿里山郊遊左成朝，今日又係去郊遊。地點係溪頭。
從HOSTEL步行到位於干城站的溪頭台灣好行巴士站要二十分鐘左右。由於車很疏，我地0係旅館食早餐又食耐左，於是坐的士去。司機問我地要去干城站坐車去邊，我同細妹一齊話 Chi Tou。司機話「什麼” Chi Tou”? “Xi Tou” 是吧?」吓 ? 乜「溪」字普通話係讀「Chi」架咩 ? 哈哈 !
買飛上巴士，上車一看，清一色耆英，而且都著晒Professional 行山裝。D旅遊書又話溪頭果個妖怪村好HIT 0既 ? 老人家應該唔會係去睇妖怪村吧 ? 溪頭係旅遊區，山路真係咁難行，要著得咁pro?
車上的老人家都很安靜，就算係同親友來，都鍾意一個人坐兩個位，靜靜地自己坐。最嘈可能係我地一家。
坐左兩個幾鐘頭車，shit! 又落雨。仲要唔係過雲雨，而係長有長落但唔擔遮又唔得果種唔大唔細的雨。但一長來到，都要硬著頭皮繼續走。惟有再次拿出我地果套董太look gear出來裝身，又再冒雨郊遊。
今日係閒日，又落雨，但意外地到溪頭自然教育園區玩的遊客也不少。我們入場時旅行團還未殺到，來的多數是穿了一身行山行頭的中年人或老人家。進入自然教育園區看地圖，方發現整個園區係非常大。園區入口海拔只有約一千多米，但山頂有三千多米，聽個名仲以為好輕can，原來真係要行山的。以我地今日咁 0既行頭、體力同天氣，應該不可能上行2000米吧。我地一家大細，扶老攜幼，都係走番D大眾化的景點，HEA一HEA就算。
遊樂區的路多是石屎路，雖然斜路頗多，但天氣清涼，不算辛苦。只是昨天行了景色更狀麗的阿里山森林之後，溪頭的吸引力相對沒那麼大。落雨又為景色扣了不少分。這邊的海拔沒阿里山那麼高，溫度較高，一身董太look令我感覺十分焗促，不一會兒我就決定脫下雨衣了。
來到園區的標誌性景點大學池，又見到內地旅行團。大學池好玩的地方是一條有點懗人的索橋，落雨更加跣。本來唔想玩，老豆係話要玩，話冇咩好驚，大家半推半就的情況下一齊上橋玩。
落雨行都幾得人驚 0既大學池竹橋
玩完橋，到位於大學池附近、園區惟一有熱食賣的涼亭搵吃的。涼亭有兩層，底層賣茶葉蛋、地瓜 (蕃薯)、關東煮、竹筒飯等小吃，樓上食小菜，香港價。我地唔係好肚餓，於是求其在下層買了一堆小吃拚湊起來作今日的午餐。
竹筒飯份量不多，不能當正餐食
食完飯去玩另一highlight
– 空中走廊，遊走於樹冠層之間，離地幾十米，遠觀已甚有氣勢。
未行果陣可能會令人有d腳軟，因為可以從橋的地面睇到幾十米以下的地面。
不過行落又ok唔係好怕喎。
狼狽脫雨衣
行完空中走廊，園區想去的地方都已經去過，於是離開園區，到新興的景點妖怪村出發。一聽個名，就知妖怪村唔會0岩我阿爸阿媽啦! 我都老了，呢類懶得意玩gimmick 0既所謂景點都唔係好0岩我。0係妖怪村逗留唔夠一個鐘就決定搭番巴士出台中去。
細妹記得台中高鐵站有巴士去逢甲夜市，於是我地從溪頭坐台灣好行巴士去高鐵站，再轉公共小巴去逢甲。時間尚早，去到逢甲都未天黑，夜市才剛剛開檔，不過咁都好，起碼唔使同人迫。
好有Harry Potter feel 的宮原眼科手信店
沒有留言:
張貼留言