今年細妹第一年出來做野。番左工幾個月，佢就話要拎年假去旅行。由於冇人肯同佢去，於是就打屋企人主意，要來個 FAMILY TRIP，造就左今次台中自由行FAMILY 之旅。原本條友應承做領隊PLAN 行程。點知拖吓拖吓，呢個波又推左俾從來未去過台灣 0既我度。唉 !!
其實我本人對台灣興趣不太大。始終我去旅行都係傾向去同香港好唔同0既地方。而且台灣0既風景對我來講係好一般。不過同屋企人自由行又不能去難度太高0既地方。台灣 SELL 人情味家嘛! 我就即管睇吓台灣人係咪咁 NICE。
入境出狀況
我地坐中午機到台中。一抵達台中機場，狀況就出現了。話說出發前我奉細妹之命上網幫大家搞簽證，點知忙中有錯，我幫我自己0係網上做登記果陣竟然寫左我細妹個英文名落自己個名度。結果我果個網上登記要作廢，要在機場禁區從新申請，仲要俾 NTD600簽證費。其時，我屋企人都已經出晒禁區，得番我一個，而我身上當然一蚊台幣都冇。幸好這種事情是在EASY-GOING 的台中發生。台中機場的那班年輕入境處職員都很YOUNG，似九十後。他們一直對我都好FRIENDLY。知我冇錢，竟然俾我先出禁區帳錢，再番入禁區俾錢「贖」番我本護照。搞左一大輪，同機D人都走晒，得番我地一家人了。好彩我係0係自己個登記度出錯，而唔係 0係不諳國語的阿媽個登記度出錯。如果唔係實嚇死佢。
成功入境之後就排隊買電話卡。今回又再一次體會台灣人的 SERVICE 有幾好。機場的電話卡哥哥也很NICE，除左親切耐心地解釋可能一日要解釋幾百次張電話卡的詳情之餘 (每句說話都會有「唷」、「哦」等尾音)仲會主動幫我地將香港的電話卡用膠紙黏好，以免唔見。香港的SALES，可能說話的內容跟他們差不多，但語氣同態度跟台灣的相比就比較「悔氣」了。
台中機場連接市區的交通工具疏落，我地決定坐的士先去台中火車站，再坐火車去嘉義。聽朝一早就上阿里山。的士司機以為我地要去一家叫「嘉宜」的旅店，搞左一輪就知我地想去台中火車站坐火車去嘉義。佢建議唔好去台中火車站，改去豐原火車站，一樣有火車去嘉義，而且離機場近一D。不過車費一樣。當時聽落好似有著數，於是聽他的。不過後來諗諗吓，點解去豐原近D但的士錢係一樣的呢 ? 中伏了!!
半小時不到，我們就來到了豐原火車站。先去買往嘉義的火車票。本來諗住用售票機買，以為有得自己柬位。點知部機將我地四個位安排到天南地北，惟有放棄，排COUNTER買飛。
買過火車飛後就去醫肚。我地有一個鐘時間在這個聽都未聽過的豐源市醫肚。正值閒日下午，豐源市的街上行人十分稀疏。店舖很多，但都很冷清。
一家人隨意找了家小餐廳吃魯肉飯。才HKD10左右。
豐原火車站的候車處。木椅很RAW。
第一次登上台灣的國光號火車。車箱跟兩年前我在日本京都坐的火車很相似。而且車箱是出乎意料的寧靜。台灣人不是也很愛熱鬧嗎 ? 為什麼大家坐火車咁靜 0既?
一家人住YHA
來到嘉義，雨愈下愈大。冒著雨由火車站步行到YHA，褲管都濕了。今次第一次帶家人住YHA，讓大家感受當背包客的滋味。我們訂了一間四人房。正值旅遊淡季，YHA的住客不多。除了我們的一家人就幾有幾個單人匹馬的客人。老闆娘很熱情，雖然我地只係住一晚，但都耐心地介紹了很多嘉義好吃的和好玩的東西給我。只是天氣太差，明天一早又要上阿里山，我們的確沒有什麼時間發掘嘉義。但嘉義這家小小的YHA的確不錯。設施齊備之餘還真的有家的感覺。
YHA的職員在門口寫上住客的姓氏及貼上國旗。
YHA陽台旁的搖搖椅
折騰了大半天才由香港來到嘉義。一入到房大家就攤在床上HEA
雖然天氣很差，不過一場來到，總不能一直在HOSTEL HEA。老闆娘極力推介要在晚上看市郊的藝術巨蛋。於是冒著雨去找蛋。走了大半個小時才到達。
夾於民居中間的路軌。很日本。
大家對什麼藝術蛋不太感興趣，逗留了不夠10分鐘就要走，去夜市醫肚。雨一直下，夜市也很冷清。我們來到了人氣最往的一間餐廳吃著名的火雞肉飯、糯米腸等。
成枱都係餸。
見餐牌有樣野叫大陸妹，貪得意叫左一碟。原來係生菜。
回到YHA食魯味、生果作宵夜。當左YHA係自己屋企。
沒有留言:
張貼留言