台中 Family Trip (五) - 集集、車埕篇

郊遊左兩日，今日轉轉口味，去「鄉下」集集同車埕玩玩。

遊客去集集多數係坐火車去。但由台中坐火車去集集要轉線，車程長，而且班次好疏，好唔Flexible。後來在台灣的背包客棧網站得知原來台中干城站有一架叫總達客運0既小巴去集集，半個鐘一班，坐得過，於是決定唔錯火車了。

知道總達客運既遊客似乎不多。這天星期六，理應比較多遊客。但車上就只有我地四個遊客，司機同乘客們似係街坊街里，大家都用台語聊天，未到集集，在總達客運已經感受的濃厚的鄉情。坐總達客運比坐火車惟一的不足之處係總達客運的車比較殘舊。但不算很辛苦。

一個小時後來到集集，天氣很悶熱，似是快要下雨。由於開往車埕的火車快開，決定先坐火車到車埕，下午再從車埕回集集玩。

食完早餐搞肚，辛苦得要蹲在集集月台等車的老媽。好彩火車上面有廁所。

七彩繽紛的集集線列車

來到車埕，果然，又下雨了。我們在台灣五天，五天都下雨。唉!

車埕面積不大，無論是車站、商店、房屋感覺都很日本，是一個乾淨企理的旅遊小山城。車埕火車站更被譽為是最美車站，是拍照的好地方。個人認為如果去集集，就一定要去車埕。那是比集集更上鏡的地方。

一進入車埕木業館就聞到芳香的檜木味。差一點我就真的買檜木回香港。後來因為怕陣味會好快冇，初以冇買。

木業博物館 

木業博物館 內的木製紀念品 

見雨又細番D，出返去蓄水池果邊影相。正值蓮花盛開，蓄水池更有睇頭。

車埕的商店主要做遊客生意，食肆比較貴。不過我們在車埕木業館樓上找到了一家賣便當的小店，一個便當NTD100，包一杯梅汁。在車埕已屬便宜。車埕盛產梅，便當附送的梅汁是也相當好喝，而且生津止渴，我們一家都很喜歡，多買了兩枝慢慢喝。

去旅行食飯，都係相機食先。不過老豆已經等得唔耐煩。合照時0既視線，放左落盒飯度。

吃過飯後到木業館背後同樣色彩繽紛的民居看看

老豆0既視線，依然停留在食物上

連冷凍機都畫上壁畫。COOL!!

大家掛住影相，老豆掛住食。都怪我剛才買的便當午餐唔夠飽肚

 

行完民居，仲有少少時間先上火車回集集，去左路軌附近玩吓。

講演技，全家人裡面我最好嫁嘞。架木頭車係唔識郁的。

鏡頭前，坐在火車卡上一臉笑容，輕鬆自如。

鏡頭背後，其實係輪輪盡盡，淆晒底，要老豆幫先擒到上火車卡。

呆坐一旁等我地兩姊妹影相的兩老

很有舊日本車站FEEL的車埕火車站

又一架好靚0既集集線火車。卡卡都唔同圖案。呢一卡仲係尋日先去完的溪頭空中走廊

架火車咁靚，當然又要扮鬼扮馬影多幾張相。點解我咁多行李?

回到集集，架車開走，同一個位置同一個POSE 影左四個車卡，哈哈

回到集集，雨剛停，天氣非常悶熱，食杯香蕉雪糕先有MOOD行。

天氣令人太辛苦，我們在集集又沒有什麼特別想看的。在地圖上看到有個軍史公園，老豆又鍾意睇飛機大炮，於是就帶佢去睇，滿足吓佢。

行去軍史公園途中。都行左成四個字先到。

莫名其妙的軍史公園。這邊廂，老豆一個人興致勃勃在看他的飛機大炮。 

那邊廂，對飛機大炮零興趣，坐埋一邊吹水揸蚊口的兩個女人。

去完軍史公園已經夠皮，打算坐番總達客運0既巴士番台中。但一直都唔見有巴士站。行過見到有個遊客中心，走入去問，當時遊客中心只有一個男職員，而佢居然唔知邊度有得坐，於是同埋我地一齊出去搵。結果要問個賣生果0既原住民哥哥先搵到。

原來集集的總達客運隱身於一間租單車店裡，只有一個褪色的招牌作識別。唔問人真係都幾難搵。

等車期間又見到台灣的音樂收垃圾車。之前0係電視都睇過。播住「森巴嘉年華」的垃圾車一邊慢駛，附近的住戶商戶紛紛出來把自家垃圾拋上車。

行左成日，終於可以坐巴士走。兩老都攰到瞓著。

回到台中，在旅館小休之後坐公車到台中新城區的新光三越食飯，因為細妹要去果邊買几壬芉頭酥。

呢幾日一直0係郊區，又住0係台中火車站附近的舊城區，忽然來到幾有中環FEEL的台中新城區實在令我有D CULTURE SHOCK。

台中的新光三越有久違了的升降機姐姐。而我地等緊果部LIFT，意外地，竟然有個升降機哥哥。台灣的升降機哥哥比香港SOGO黑口黑面的升降機姐姐敬業樂業多了，講野個TONE簡直溫柔得令我們毛管棟。每到一層，都要行出行入同每一個人打招乎或者SAY GOODBYE，呢份工太辛苦了吧 ??

在台中新光三越 FOOD COURT 食的韓國石鍋飯。