習慣失望

從1994年世界盃開始我就莫名其妙地成了阿根廷球迷。等了20年，阿根廷終於入到世界盃決賽。可惜，在決賽上半場連番失機，仲食左一次詐糊。那時我已覺得阿根廷冇乜運，可能羸唔到。結果加時下半場幾分鐘真的守不住，被德國隊入了球。

睇完呢個將阿根廷判了極刑的入球，我不禁倒抽一口涼氣。

那個致命的入球，我開始還不相信是真的，呆左，然後希望是越位，是炸糊，回過神來，知道是真的之後，我不禁倒抽一口涼氣，知道又要再失望一次了。電視傳來了TVB講波佬的歡呼聲，說那個入球有幾難入、有幾靚、簡直係金球芸芸，每一句都係咁「夭心夭肺」。有主持問在巴西現場評述的Keyman 現場氣氛怎樣，怎知阿根廷球迷Keyman一直冇反應。他身邊的另一個評述員打圓場說:「我地俾Keyman回一回氣先啦」， 然後就一直沒有聽到Keyman的聲音了。我知道，一直儘量保持冷靜中立的Keyman一定同我等阿根廷球迷一樣，灰到俾唔到反應。

從阿根廷12碼踢走荷蘭殺入決賽，到決賽「臨尾香」跟世界盃擦身而過，我的心情由高漲跌入谷底。睇完波，垂頭喪氣的準備上班去。諗住帶飯，點知拎錯左阿媽盒車厘子，仲要已經y上左車阿媽打電話來問先知道自己帶錯。可知我有幾沮喪。

其實除了阿根廷，我也頗喜歡多靚仔的西班牙和意大利，也看過他們嬴世界盃，也會高興。只是，能牵動我情緒的、能使我開心到跳起又或傷心到講不出聲的，從來就只有阿根廷。94年我第一次睇世界盃，當時仲讀緊小學。由於老豆鍾意睇馬勒當拿同肯尼基亞，所以我又跟住睇左幾場阿根廷的賽事。當時對阿根廷這地方的認識是零，但覺得呢個地方名好好聽，支國旗同件波衫又好靚，而且，我被「風之子」肯尼基亞的風采迷倒了。當年的阿根廷國家隊除左有型男肯尼基亞，仲有巴迪斯圖達同列當度兩個後生靚仔。老豆睇馬勒當拿，我就睇靚仔，並冇認真睇球賽。

1994年世界盃有型瀟灑的「風之子」肯尼基亞。像個 Rock Star。

當年後生靚仔的巴迪斯圖達

近年的巴迪斯圖達還是那麼帥。

斯文靚仔列當度。98年因唔肯剪短頭髮而沒有入選國家隊。有點像英國indie band 成員

直到當年的16強比賽阿根廷對羅馬尼亞，我第一次坐定定認真睇波。賽前馬勒當拿被驗出服食禁藥停賽，肯尼基亞忘了什麼原因沒有出場，上半場很快被羅馬尼亞入波。阿根廷奮力追，羅馬尼亞拚命攻。現在阿根廷通常打穩守突擊，但當年那場波他們沒有停止過進攻，整場波快上快落，一隊入波，另一隊就會狂追，非常精彩，沒有冷場。可惜最後輸的是阿根廷，比數是3:2，不少球員在球場上痛哭。後來睇足球雜誌<奪標>，這場比賽被列為歷屆世界盃最精彩賽事之一，仲用左幾頁紙介紹場波。亦有有心人將當年TVB播的呢場波放左YOU TUBE，仲有經典講波佬阿叔同蔡育瑜旁述。只是影像比較模糊。這場比賽之後我就成了阿根廷 FANS。

1994年世界杯16強比賽阿根廷對羅馬尼亞。站著的是兩位把我迷倒的靚仔巴迪斯圖達的列當度。

輸了給羅馬尼亞後掩臉痛哭的列當度

只是從 94年開始，雖然阿根廷屆屆都被視為奪標熱門，頂級球星如雲，但阿根廷在世界盃就從未打入過4強。98年16強以12碼踢走英格蘭，我開心到跳起，只是8強即被荷蘭擊敗; 2002年更慘情，分組賽出局，冇眼睇; 2006年8強賽事亙射12碼輸俾德國; 2010年8強又係德國，慘吞 4蛋。今屆世界盃，我以為自己已經不再關心足球和阿根廷了，分組賽期間更去左西藏旅行。然而在旅行期間還是有可以看到世界盃，久違了的睇波癮被燃起。看著抽到好簽的阿根廷跌跌碰碰又有點符碌地殺入四強，更令我非常興奮。支持了阿根廷那麼久，從未使我快樂過。習慣了失望，忽然阿根廷在我沒有期望的情況下進入決賽，那種興奮與期待的感覺真是很陌生。不知其他阿根廷球迷有沒有同感。可惜興奮與期待只維持了3天。3天之後，習慣失望的阿根廷球迷還是要繼續失望。不過對於我來說，今年的失望比以往都要多。因為很難得，阿根廷跟世界盃就只差那麼一點點。今次衰左，又唔知要等幾多屆世界盃先有機會入決賽。我是多麼希望看到阿根廷可以捧盃、阿根廷球員可以好似德國隊咁同埋女朋友仔女 0係球場上忘形慶祝哦 !!