終於出太陽了!
昨晚一直下雨，相信可以睇到日出的機會是零，所以一直瞓到七點先起身。阿媽話有D唔舒服，阿妹又話唔想出去食早餐，寧願食杯麵，於是得我同老豆出去搵食。
習慣早起身的老豆已一早出過去探路。佢話只有一間位於停車場0既麵檔開左，於是就去食麵。我地行出去果陣，個天仲係陰的。沒想到食食吓麵，竟然出太陽，而且愈來愈曬。GOD!! 尋晚淋左成日雨，終於都見到太陽喇!仲唔快D食完早餐番旅館叫埋阿媽阿妹出去玩 ?
今早的早餐 - 魯肉麵
買左個外賣俾阿媽做早餐，番旅館等埋阿媽阿妹食完早餐之後就出發了。尋日咁狼狽，本來大家的心情都唔多好。今日見到太陽，大家都好開心，本來話有D唔舒服0既阿媽見到太陽好似已經冇晒事。見大家氣勢如虹，決定唔坐小火車了。索性一直由阿里山火車站徒步到神木站吧! 行多D，睇多D。
早晨的阿里山仍未有旅行團，多了一份寧靜，空氣格外清新。遠處仲有雲海。
阿里山上的景點主要集中在沼平站至神木站那一段路，就是我們昨日冒雨走的那條路線。是已當我們抵達沼平站時，討厭的內地旅行團終於出現，人多嘈雜。台灣的導遊也要多次提醒團友不能採摘花朵，不能踐踏草地。為了避開旅行團，我們有時要繞路，有時要故意走得很慢很慢讓他們先行。只係奇怪，過了十點之後，沒有再看到旅行團出現，景區又回復寧靜了。點解呢 ?
昨天來避雨的姊妹潭。今天波平如鏡。
同樣的風景，在雨天和晴天之下，是完全不一樣的感受。
來到最著名的永結同心樹。當然要搵呢對結左婚超過三十年的老夫老妻來張永結同心相啦!!
老豆拗腰拗得好辛苦
天氣不對，季節不對，阿里山的日出、雲海、櫻花都看不到，只能看樹。這裡的老樹動輒幾百年，甚至上千年，太高太宏偉，相機也難以拍下其氣勢。每一棵樹都是有生命的歷史呀!
扮驚險 X 浮誇演技 - 1
扮驚險 X 浮誇演技 - 2
到達神木火車站，一家人蹲在路軌邊等小火車出現拍照。
自拍家庭合照
為影相慘食塵
雖然已經到左神木車站，大家依法意猶未盡。於是又行多一條步道到博物館及慈雲寺看看。
被迫滯留阿里山
從清晨八點到中午12點，我們已不經不知不覺在老樹堆中遊走了四個多小時。係時候番去阿里山站食飯了。
這對只會用低智能手機的老夫老妻今天來到阿里山也成了低頭族。
急不及待翻看自己拍的照片。
這架普通版阿里山小火車的車窗很難打開。拍不多窗外的景色
告別阿里山小火車了
月台前方是維修小火車的工人和他們的火車
回到阿里山火車站，看看手機，發現有SMS。原來是台灣不知哪個政府部門通知我們阿里山昨夜有塌方，來往市區阿里山景區的交通暫時停止，估計要下午時間才能單線行車。妹妹的手機也收到同樣的SMS。難怪整個上午都沒見多才個旅行團。原來是塌方封路了。今早看到的那些旅行團相信昨晚是住在景區內。相信他們應該是堵在路中。
立即到售賣巴士票的SEVEN打聽情況。只見售票處貼出通告說由於塌方，往嘉義的巴士要暫停服務，直至另行通告為止。問SEVEN職員怎麼辦，她說聽說路在搶修，中午應該可以單線行車，但不知巴士什麼時候能上來。她說門口的停車場有小車可出嘉義，可以去打聽一下價錢。果然一出門口就看到疑似黑車的VAN仔招客，一人NTD500，巴士票才NTD290，食水頗深。我旁邊的一個相信是本地人的阿伯冷靜的說 :「等班車吧 ! 也不用等多久。」我們也不太趕時間，決定食左飯先，食飽再睇下有冇車。
神通廣大的台灣政府
神通廣大的台灣政府
回到昨日吃午飯的那家餐廳吃飯。由於塌方的關係，餐廳生意十分冷清，只有兩枱客人，都是跟我們一樣被迫滯的香港人。昨天這個時候，景區停車場和火車站十分熱鬧，都是內地旅行團，現在也十分冷清。食食吓飯，又收到SMS話出嘉義的路現在可以單線行車。不得不佩服台灣政府。我們沒有給任何人我們在台灣的電話號碼呀。究竟他們是怎樣知道我們在阿里山並發SMS給我們的呢? 真係神通廣大!! 香港有冇呢種服務呢 ?
食完飯又去SEVEN打聽，依然沒有巴士復駛的消息，惟有先回旅館的LOBBY等。旅館的年青老闆怕我們悶，請我們吃零食，又跟我們用廣東話吹水，講吓港劇同時事。或許老闆在經營旅館太得閒的關係，佢睇過0既港劇比香港人仲要多。佢知我地住上水，對上水的唯一印象就係佢偶像黎明住0既地方。老闆也知道香港人用「蝗蟲」形容內地遊客，言談間知道雖然佢係做遊客生意，不過對內地遊客都冇乜好感。我問阿里山係咪成日塌方，佢冇五面回應，只係話今年來講第一次，仲話我地咁好彩咁多撞中可以去買六合彩。咁香港地道0既笑話佢都講得出，老闆仲唔係資深港劇迷 ? 老闆話佢細個果陣阿里山試過嚴重塌方，佢被迫滯留山上一個月，連學都番唔到，學校考試又錯過左，政府仲要用直昇機空降食物俾佢地。不過正因為咁，佢果年唔使考試。老師用佢做功課測驗0既成績俾佢升班。
吹水期間，老闆又不忘幫我們打聽出嘉義的交通情況。後來佢收到兩個大陸遊客電話話自己坐緊的士上來，建議我地陣間架的士到左之後可以同個司機相量可唔可以計平D坐番落嘉義。等等吓，人面廣闊0既老闆又收到巴士司機電話話三點有巴士出嘉義。於是我地即刻攞埋行李去SEVEN買票。等左3個鐘，終於走得了。
車經過塌方現場，仲未完全清理好，威力都幾大，成個電線杆都整歪左。好彩事發0係深夜，冇人命傷亡。
五點半，終於番到嘉義。我們也不作停留，直接買火車飛到台中去。
七點左右來到台中火車站，已入黑。呢幾日都係0係鎮仔、郊外。一下子來到「大城市」台中有D唔習慣。從火車站步行至旅館若15分鐘，一條大路。只係拎住行李，感覺條路好似好長。
超齡遊一中夜市
在酒店安頓好似後就行去一中夜市搵吃的。只是這個夜市主打年青人，0係檔口賣野的都係年青人居多，食物多係煎炸野，唔岩我老豆胃口。我雖然都鍾意食，但0係人多擠迫、冇地方坐又冇垃圾桶0既夜市邊行邊食實在太呢HEA，唔係好ENJOY，而且D野食份量少又唔平，食吓食吓隨時貴過入鋪頭食正餐。鍾意食夜市0既細妹都話帶住我地來食夜市好無癮。
台灣人鍾意將生果撈梅粉一齊食。我地對呢個食法感到很新鮮，不過又覺得唔錯，買左D梅粉番屋企撈生果。
去完夜市，番到HOSTEL都成十一點。好漫長的一天。
沒有留言:
張貼留言