將軍澳街坊行山徑+魔鬼山日落

上兩星期走了三次頗為甘的行山路，今日終於可以行條輕鬆嘅路線 : 坑口>小夏威夷徑>馬游塘>茅湖山廢堡>澳景路>魔鬼山，圍繞著將軍澳區來走，是為將軍澳街坊的郊遊熱點，多為石屎路。又係郭導帶隊。

從坑口厚德邨後一條石級上山。一上山就見到不少輕裝上陣的疑似將軍澳街坊扶老攜幼來行山，很是熱鬧。山上有不少相信是街坊自行搭建的休憩、涼亭、花圃，跟我們北區人的街坊行山熱點蝴蝶山有幾分相似。有些路更莫名其妙地鋪了地顫。

小夏威夷徑的小溪

隱世又雅致的新地村

上茅湖山的路上莫名其妙地出現了一些公仔，有D恐怖。

茅湖山廢堡，保存得很好，可惜俾人鎖左，又有人看守，冇得入去睇。

落茅湖山，轉入澳景路上魔鬼山，途經將軍澳墳場頂。估唔到墳場嘅景觀係咁心曠神怡。

從魔鬼山頂的炮台望向西貢

魔鬼山頂的另一面是壯觀的維港景，已有龍友set定腳架等日落。

未夠鐘睇日落就費是曬，在山頂向西貢方向坐低等。等候期間上山的人愈來愈多，而且好多係一家大細。估唔到魔鬼山都咁 hit。

開始日落了

本來影日落嘅人已經夠多，快日落之前又來左一班估計係攝影班的師生，山頂已經冇位俾我地呢D冇腳架嘅人影日落。

天無絕人之路，俾我地在落山的半路上看到了這個視野一樣廣闊的靚位睇日落，又唔使同人迫， so nice!

由於又係冇帶相機同腳架，我用手機影D夜景相又唔係好惦，0係度 post 番郭導影0既相作紀錄。 郭導冇用腳架影的，但質素相當不錯。