怨氣

收到果個死都要俾$600 for 1 guest 個學生既電話，佢話收唔到我地拒絕佢呢個無理
要求的email，唔知係咪條氣唔順，佢問我仲咩只係send email俾佢，唔打俾佢，係咪
如果佢唔打來，佢就以後都唔知佢個request被reject 。我同佢講唔好意思，佢嫌我無
誠意，唔覺得我sincere，我唔識應，同佢講我send email覆佢係因為呢個係最
reliable最快捷0既方法，因為打電話都可能搵唔到人。 (其實係因為我驚左佢呢個
fucking demanding trouble maker，唔想直接俾佢散一穫)。之後佢唔知係咪知道同
我嘈落去都冇用，又或者仲有求於我，語氣先好番d ，但依然request多多，又話住得
遠唔想唔想親身上來又話要我地寄ticket俾佢唔想上來拎ti ckets。大佬，個個學生都
係咁上來ga la! 淨係得你咩!。呢個咁0既demanding trouble maker，咁都嫁得
出，無天理

有緣千里能相見 - day 1

星期五我德國penfriend christin大駕光臨

佢話上午七點幾就會到上水，所以我一早起身去kcr station 接佢，臨出門口收到佢msg佢班火車delay

直到成十一點先見人。我首先帶佢去中旅社搵由深圳到武漢0既火車票，好彩仲買到，不過係軟臥

then去delifrance食野，坐低之後又想去飲茶，但我地掛住傾計miss左張筹都唔知，唔想再等，於是去左椰林閣食左佢0係hk0既第一餐飯

我呢位penfriend好chinese，佢major chinese，madarin好過好多香港人，0係武漢d小學教英文教左半年，趁離開中國之前來香港走一轉來搵我。我0係中六時透過學校dｐｅｎ　ｆｒｉｅｎｄ計劃識佢，其實我係中四時參加個計畫，又冇填到自己想要德國人，但係唔知點解中六時收到呢位德國人０既信，仲要同我同一日出世，依家又竟然有機會見面，真係”有緣千里能相見”

講番個ｔｒｉｐ，食完飯我帶左佢番屋企，佢０係武漢買左ｄ野俾我，then出發去山頂。本來想0係上山頂之前跟住旅發局suggest 0既路線睇中西區，但係搬左碼頭之後我唔認得路，搵唔到條route0既起點立法局，行行下仲行左去金鐘，於是搭巴士去山頂，0係山頂行一個圈，睇商場，去pacific coffee等入黑，then出去睇香港0既無敵夜景。

當日煙霞比較大，唔多清。

要同維港夜景影合照，冇腳架就惟有咁樣。

then搭巴士落碼頭，坐天星番尖沙咀食飯，去好local 0既大家樂食一人一火鍋。

我地件衫差唔多一樣。

THEN去星光大道搵周潤發個手印，先發現原來果度雖然有周潤發冇打手印。番到屋企成十二點，佢地都訓sai覺。christin想用0係hk買0既phone card call 家人同男友，唔知點解搵唔到。

"酒後亂性"的同事們

上星期五同班同事食大排檔宵夜，男同事們飲多兩杯就亂講野，好搞笑

平時正正經經0既ka ho被問有冇俾上司鬧過

佢豪氣咁話"緊係冇la! 佢唔驚我地走咩!"

眾人譁然先知自己講錯野

講到上司做左人爸爸之後脾氣好左唔話人

有同事話咁下次做錯野就對佢扮BB喊

點知平時講野都幾精0既DON激動咁話:

「嘩!扮BB喊? 我驚佢"隊"個胸埋來同我講阿媽唔0係度，叫我吮住佢D奶先"」

眾人驚訝。我即刻想像到上司"隊"個胸俾佢"個PICTURE，笑到食唔到。咁都俾佢諗到。

好想知俾上司知道阿DON咁講佢佢會有咩反應。

********************************************************************

我用左4日睇SAI成套"女人唔易做"，睇完有D失落。

其實套劇唔係我想像中咁好睇，不過我真係好鍾意林峰劇中個角色(唔係林峰本人)，太令女人心動

******************************************************************************

今日UOP派左幾個鬼佬PROFESSOR/SATFF來開會，我同KA HO都傻仔隆重其事著SAI SUIT

點知其他人都幾CAUSAL，其中一個鬼婆職員仲戴眉環，原全EXPECT唔到 D 英國大學 STAFF會咁OPEN

*****************************************************************

幾個月冇見中同TUNG，懶高檔請佢去DELIFRANCE食早餐，點知都早餐都唔夠飽0既

好似大家樂0岩食D噃

快d到新年la

好想快d到新年，因為今年我會豪一次，請屋企人去丹霞山旅行

上次新年對我來講好似係好遙遠0既事，因為舊年新年0係澳洲tully wwoff，鄉下地方一個chinese都冇

手提電話又冇signal，想打番屋企都唔得，到敢開口同host講借電話打番屋企，屋企人又番左大陸，一直到初五先搵到屋企人，所以最近0既新年回憶係前年，我仲係學生，新年有好多日假，感覺同依家做在職人士好唔同，所以更加覺得好遙遠

***************************************************************************

一口氣煲左成十集"女人唔易做"，因為呢套劇收視同口碑都好好，個TOPIC又幾有趣，播果時我又唔係HK

好明顯鄧萃雯0係劇中0既演技比佘詩曼0係果套什麼 "鳳凰四重奏" 好N陪，唔明點解TVB D頒獎禮可以咁唔公道，一個連廖碧兒都可以拎獎0既頒獎禮，公信力好極有限，TVB都唔怕俾人話0既。終於明白點解張學友會話香港D頒獎禮太無公信力，要等到可以有一個好似GRAMMY AWARD咁0既頒獎禮先會再拎獎。

究竟頒獎禮係FOR WHAT? 香港的一定唔係FOR推動樂壇，鼓勵好音樂

睇過一篇對 "最受歡迎男/女歌手"OR "最具人氣" OR "我最喜歡" 獎0既分析，文章話其實"最受歡迎"係一個好隱晦0既字眼，點解唔頒"最佳"而要頒"最受歡迎"係一個好tricky0既問題。 "最受歡迎男/女歌手"OR "最具人氣" OR "我最喜歡" 又代表d咩?代唔代表"最佳"?

 "最受歡迎男/女歌手"OR "最具人氣" OR "我最喜歡" 的獎項，能推動樂壇做得更好嗎?

我以為tvb果個高層陳志雲係一個幾開明0既人，但係睇完d頒獎結果就對佢好失望

tvb作為香港傳媒一個影響力最大0既公司，如果唔能夠樹立好榜樣，建立公信，成個娛樂圈都會變得好有問題

講番套劇，如果有個好似劇中林峰咁專一又單純又識氹女仔0既男仔鍾意，有邊個女仔唔會被融化?

發覺自己愈來愈鍾意睇D婆媽劇，仲會俾佢地搞到流眼淚，我以前明明對呢D好不屑0架，點會咁GA?

************************************************

我D猖獗男同事，聽到金鐘有兩個女同事過來不知幾雀躍，鬼咁積極幫佢地搬野，又經常不避嫌咁0係我面前講女。COME ON! 係咪當我呢個0係 DEPARTMENT 0既ONLY GIRL死?

尋日番工同ka ho因為要搵番一份功課搞左幾粒鐘

話說將d功課send 去新加坡前點數，發現實際數量同入左分0既數目有出入，入左71份，實收72

大為緊張，唔知係咪入漏左同學0既分，搵左幾廿次，連最原始0既方法續份send都用埋，都係搵唔到多左邊份。後來有同事問會唔會有學生交左式兩份(因為份功課有兩個section) 先醒水，終於搵到"多出"果一份，真係有學生交左兩份。兩個大學生為左一份功課搞咁耐，真係有d羞家。

近排好得閒，考試完左又未開學，番工真係冇野做，今朝 J T 仲公然訓覺，訓到"gou gou"聲，俾金鐘同事見到。我地公司幾hea!!!

其實冇野做，都唔係咁好玩。

又俾個鬧鐘呃/nana/before sunset

繼上星期三因為床頭個鬧鐘慢左搞到我遲到半小時

今日又俾個新鬧鐘"呃"，以為自己十一點幾起身，點知已經十二點幾，好彩番工冇遲

星期日得我番工，因為冇la la有一堂要星期日上，本來諗住帶幾隻cd來一邊聽一邊做野，好似0係oz咁一邊聽mp3一邊除草/plainting

點知有個學生入左來幾個鐘做野，有人0係度我唔亂來，惟有專心做野

冇人0係度，生產力奇高，意味住聽日我可能冇野做

****************************************************

星期六放假，睇左兩套女人戲

第一套係nANA，本來對呢D日本漫畫改篇0既電影冇咩好感，點知又幾感人

兩個女主角0既友情令人感動，尤其ROCK妹NANA表達友誼0既方式來得不造作而動人

第二套係before sunset

睇左before sunrise好一段時間先再有機會睇before sunset，橋段同before sunrise相似，都係睇兩個主角一路行一路傾計，而且比上次更單調，大多數場境都係0係paris街頭行，好似冇咩睇頭

不過最後當女主角0係屋企向男主角自彈自唱一首應該係為男主角所寫0既一首歌時，卻覺得好感動

原來主角們當年0既偶遇對佢地影響(無論正面定負面)咁大

佢地看似接受無法一起0既事實，但又對對方依依不捨

不過不太喜歡那模稜兩可的結局

 

工作週記

尋日同ka ho去考試君準備學校個考試

第一次去新蒲崗，第一次去考試局，原來0係黃大仙mtr坐的士都唔使跳標

考試局本身都幾似一間中學，入到去裡面d職員叫我地0係間課室等其他監考員

第一次深入政府部門內部感覺幾新鮮，唔知佢地d野有冇我地公司咁亂?

6 點所有考試局0既監考官到齊，要我地兩個fresh grad "breif"佢地

要指使一班年紀比我地大得多0既成年人(我覺得我地0係呢班監考員面前係細路)感覺有d怪

6點半考試開始，ka ha6點9走，我0係協試局stay到7點半，一直都冇咩事發生，只係份卷有兩條mc一樣

直到7點半準備離開，個主考帶左個學生來見我，原來呢條友7點半先蒲頭，主考官唔俾佢入

我打俾上司問點處理，上司話個學生遲得太離譜，唔可以俾佢考，叫佢一係出公司信証明佢因公事遲到

一係等下學期補考兼俾多次五百蚊考試費

個學生仲死撐，想我俾佢考

佢話"我唔知你地d私校咁嚴，唔知唔可以遲到"

"同學，呢度係考試局來ga wor，番學就話可以遲到，考試梗係要準時" 我說

"但係我已經早左ga la wor!"

....? (唔明佢明明遲到，點解話自己已經早左)

"我意思係我平時識遲個半鐘至兩個鐘，今次已經比平時早左"

????? 當堂o咀!!

**********************************************

今日同事check番尋日個mis report，個report由 J T 打兼send出

但係個email裡面 個下款係我個名

個下款個email address就係 J H 個email address

一封email0既sender分別有3個人0既身份，十分爆笑

呢d mistake 0係我地公司發生，得啖笑

呢d mistake 0係出面發生，隨時俾人小

************************************************

x'mas party 的團體照，我地公司d員工都幾young

**********************************************************************

尋日番晏，起床見床個鐘十一點幾，好老定，點知出到廳，fuck!一點?我番一點半wor!

番晏都因訓過隆而遲半個鐘，實在唔可以原諒自己。

同事都叫我趁部打卡機咁亂唔好打卡，我唔敢唔打，唔知有咩後果，好彩咁0岩上司下午off

******************************************************

畢業禮個particpation唔好，阿頭要我地service打sai電話俾d唔去0既學生，即係做sales

我同ka ho兩個打得最多電話0既人偏偏就sell野最唔得，完全唔可以令d唔想去0既人回心轉意

仲俾個學生串我sell得咁落力係咪冇人去，真係吹漲

then打足一日電話之後去左劉德華母校可立監考

今次-0係hall考，感覺更似會考

我地企0係hall個台上面睇d人考試，幾有趣

大同聚

星期六收工番bu同大學同學食飯

餐飯由六點半食到十點半，好長，食到隔離枱d客都唔同sai，

呢樣野只有0係bu聯福樓先做到

所以縱使聯福樓d野食水準依然係咁一般，我都想番去食，又可以懷緬下讀書時0既生活

kawaii八點鐘就走左去陪男朋友，當初佢男朋友追佢果陣佢都好似唔係好SHOW佢，估唔到依家咁癡纏

好羨慕佢搵到一份咁好PAY又好福利兼5 DAYS0工作，當然一份工好唔好唔係用呢D野來衝量

但當"充實自我，貢獻社會"呢兩個原則變得遙不可及，搵到一份做唔使一年就可以儲夠錢讀個成十萬0既MASTER 0既工實在好吸引

尤其對我地呢D冇乜專業又冇乜本事0既FRESH GRAD來講，有咩工係可以待遇好成咁?

如果一年就可以夠錢讀MASTER，咁好快就可以環遊世界，死而無憾了!

出來做野，令我覺得自己0既世界變得更加細。我都好想搵到一份好PAY D 0既工，等我可以有本錢去見識

*************************************************************

同學們都建議我快D去改變形象，搞到自己都覺得自己好似好唔惦

不過，暫時我仲未有咩推動力去PUSH我自己執正D，叫我朝朝早半至一個鐘起身去執樣，唔好玩LA!!

諗番0係OZ果時又肥又樣衰又"呢啡"，個頭成年都冇剪，都唔覺得自己好有問題，亦唔覺得有咩需要改變

依家番到香港，想簡單D都俾人話，究竟扮靚四正係做來俾邊個睇?

點解0係OZ 著得HEA，唔係一個問題，0係HK HEA，又會有問題?

點解0係OZ可以過簡單生活，0係HK想簡單D又會俾人覺得有問題?

係香港人有問題，定係澳洲人有問題?

點解我呢個想簡單D 既懶人偏偏唔係澳洲人，而係香港人?

究竟我做個鄉下妹會開心D，定係做番個城市人開心D?

心情起伏

前日番工聽到有個學生向上司投訴我冇禮貌，因為佢打電話來時我"竟然"問"你係邊個?"

我聽唔到上司點同佢explain，而上司亦冇同我提起呢件事，唔知係因為佢唔想hurt我定因為佢覺得個投訴唔合理

anyway，聽到有人投訴自己唔理有理定冇理心裡都不好受，亦令我反思自己呢個平時講野唔係好經大腦其實是否適合做customer service. 要下下著重說話0既字眼對我來講唔係易事，而且我自尊心又強，唔俾人話得。

今日番工，有professor同我講有學生0係佢面前讚我做野跟得緊，先前d負面想法又煙消雲散。i need sth to cheer myself up!!!

################################################

睇到同事去西藏d相，我都好想快d番大陸backpacking，但係果十幾日假真係唔夠。我想三月自己去雲南。唔知型唔型得起?

我班低b男同事，睇到西藏一個"柒牌服裝"既老土廣告之後 ("從今日起，對自己狠一點，做個令女人心動的男人)，有樣學樣，每人都寫左張"我要對自己狠一點，做個令女人心動的男人"0既簽名証書，屈左上司寫，仲貼上牆叫埋老版娘來睇。之前佢地都叫過我做"Ling豬"同 "任姐"。面對呢班尤如小學男同學0既同事，唔知好嬲定好笑。

account 0既同事0係過戶出糧俾我果時個account no打少左個零，搞到我十二號先有糧出，第一次過戶出糧就"lai"0野。