漫長的一週

年假後開工，積左勁多email，又開班，又要準備弄下星期日個畢業典禮，又有同事放假，踢sai腳，番左咁耐工，未試過咁忙。去旅行果幾日好似好遙遠，農曆新年就咁冇左。

以為初四開工會有開工利事or食飯，開工利事係有，不過係幾日後補番，得廿蚊。食飯係有，不過只有sales department d team leader先有份，然後打包d番來俾我地食。由於冇人有興趣/得閒食，最後淪為垃圾。似乎老闆心目中sales 0既地位較高。

新0既一年，我決定，我唔會俾自己留0係呢間公司超過一年。no way!!我要一份充實自我，影響社會0既工作。我唔要匿0係一間學校/溫室入面渾渾噩噩過日子。

春節韶關遊-day 3

day 3，去今個trip 0既重頭戲-丹霞山。不過天色依然欠佳，唔落雨已經萬幸。丹霞山好大，入場費一百，不過時間有限，導遊話只有坐遊船先可以睇sai所有野，不過每位65。我不太想參加，一來貴，二來去左坐遊輪，變相自由時間少左。不過老豆話來埋今次，下次唔知幾時來，所以豪一次參加遊船。

春節韶關遊-day 2

Day 2 6:45就morning call，好耐冇試過為左玩咁早起身。0係酒店食左餐質素一般0既自助早餐就要搭幾個鐘車去今日惟一0既景點-乳源大峽谷。山路多灣狹窄，又落雨，好難行0下，險象環生。司機勁響按，我問阿妹點解司機成日響按，明明冇乜車。阿妹寸我: d灣咁急佢睇唔到前面咪要響lor!你唔係唔知呀?我不禁佩服阿妹0既分析能力，讚佢有道理，佢一口中學生口吻說到:你 "kind 0者"! 咁都唔知!" 我問我只有小四程度0既阿媽點解個司機成日響按，阿媽好快就答到我:"轉灣睇唔到有冇車咪響按lor"

春節韶關遊-day 1

大年初一，我地六點幾就起身去韶關玩

對韶關，我一無所知。去韶關，係因為之前0係澳洲，我爭阿媽6千蚊卡數，番來後，老豆話唔與其要我還sai果六千蚊，不如拎來新年去旅行全家happy，於是就決定用果六千蚊去玩幾日。耐何0係新春期，6千蚊要玩幾日仲要for 4個人，可以選擇0既就只有d廣東省短線團。雖然我唔太buy跟團場番大陸，不過一家人去玩，都係志在唔使用腦開開心心，去邊同點去都唔係咩大問題，何況有大有細，自由行比較煩，所以跟團。選擇去韶關，係因為同其他廣東團比較，韶關團多山水睇，比較0岩我同阿爸阿媽。

我地七點幾到粉嶺上直通車，then0係文錦道過關後轉巴士開始行程‧架巴士望落幾骨子，但坐得幾唔舒服，又冇得挨後。不過我地今次參加0既係最平0既"關x"旅行團，唔可以expect太多。
第一站唔係睇景點，而係去買蜜糖。未落車，個sales就走上來介紹d蜜糖有幾勁。其中一種好似叫唔知咩"雄蜂巢"0既仲話男人食左可以三日不低頭，笑死。不過大多人都空手而回。
then都係去買野，睇咩釀酒廠。之前以為係去睇d酒點整，不過去到只有陳列品，冇睇頭。0係澳洲都去過vine yard n次，不過冇一次係可以睇到釀酒過程。

then食飯，8菜一湯，我地一家人同另一四人家庭一圍枱，全程冇交流，但又坐埋一圍，有d怪。

then直去今晚入住0既酒店-聚龍灣溫泉渡假村自由活動。呢個酒店好新，似乎專做旅行社生意。0係裡面，你可以見到 永x，康x，中x、關x0既團友。我地去到酒店才下午2點，房間好特別，係獨立式木屋別墅，好有渡假feel，有d似cradle mountain 0既yha，好有渡假feel。滿心歡喜的打開屋門，發現同枱四人家庭0係裡面，原來我地要同佢地share一間屋仔。更驚人0既發現是，d房仲未執，唔入得去住。我地兩家人就係咁0係屋仔個廳度睇電視睇成個鐘等人執房，但係兩家日依然冇任何交流。

好開心，有別墅住!!

係幾靚GA WOR D房。
好不容易先入房休息，已經3點幾，做緊賀歲杯，不過睇唔到幾耐就睡著了，一睡就兩個鐘。
雖然今年新年係暖左，不過廣東省北部天氣依然俾香港低好多，得十幾度，我又帶唔夠衫，所以就算酒店有n個溫泉池任浸，家人都冇mood浸，老豆就連泳褲都冇。但場來到，我死人都要去浸下。況且，唔浸都0咩好做。於是阿媽捱義氣陪我去浸。
0係澳洲 join kimberley tour時我浸過露天溫泉，仲要係夜晚，荒蕪冇人。不過好似聚龍灣呢d咁tourism oriented 0既就未浸過。聚龍灣有個池，第一個浸0既露天池d水唔夠熱，一離開水面就凍到牙關震。第二個池有大花灑做水力按摩，不過d水都係唔夠熱，只玩了一會。問d staff邊個池最熱，佢叫我去高溫池。途中拿了些免費熱荼/薑茶暖身。行行下，見到一d池0係個洞入面，d水0既蒸氣仲清晰可見，想必夠暖，於是同阿媽選了其中一個叫火龍泉的試試，伸腳落水就熱到不得了，但真的想去浸浸，於是0係池邊浸腳一會就走落池，這才真正體會浸溫泉0既樂趣，好warm好舒服。阿媽都落水，本來佢係捱義氣陪我來浸的，但佢自己都浸到唔願走。不過浸左幾分鐘就會覺得悶熱，很自然的就想離開‧於是我地浸下其他D冇咁暖0既水池，覺得凍就番去浸火龍池暖身，原本約好6:00PM JOIN番-係大堂等我地0既阿爸阿妹，到最後6:30先蒲頭。
浸完去食BUFFET FOR DINNER，其實D野食都好著通，都是中式野，冇豪野，不過自助形式總令人覺得開心。

大合照@酒店前門，可惜影相果位哥哥仔手震
食完野都未夠8點，咁早番房又冇野做，附近又冇街去，於是買左D煙花玩，不過無耐又落雨，所以好早就番酒店匿0係被入面睇電視，過了又簡單又滿足的一天。

輕快的一週

新年將至，一早已有sai holiday mood，呢個星期過得很快很充實

工作上，星期一忙sai要send去新加坡 0既野，星期二跟don同wenny代表公司去poly開會傾graduation，傾過d乜唔係好記得(因為我只係搭單去)，只記得偶遇靚仔版王貽興

星期三情人節，本來同我呢個冇情人0既人冇咩關係，不過我見細妹買朱古力買得咁開心，忽發奇想買d珍寶珠俾我一班低b男同事。我以為隔離department d女同事可能會買朱古力俾我d男同事，但原來冇。同事們都好surprise我會派糖，見到一班男同事一邊珍寶珠一邊傾野開會，很可愛

星期四公司中環分店開張，為左充撐場面，我呢d二打六都要去贈慶，出席上午0既開張儀式。我果日番晏，所以上午出中環，夜晚又照舊9:30收工，變相即係番全日。老板話番晏而出席0既同事可以加長lunch hour當補數，但一眾番晏0既同事都覺得就咁無左成日好蝕。我知呢個諗法係咁正面，不過當你諗起番早既同事又係咁早開工去睇開張，但係六點半就收工，而你又九點半先有得走，感覺真係好shit。上司都明白我地0既感受，因為我地一班番晏人呻左好多次，不過佢又冇咩表示，只係以身作則一齊番晏。

講番果個大家都唔多想出席0既開張儀式，排場都唔細，又有乳豬又有燒肉燒鵝白切雞金莎，但晨早留留，真係唔係好食得落呢d油膩野。望住一大堆食唔sai 0既燒味，我是何等心痛。記得當年0係perth，我係好何一邊推肚餓，一邊諗住香港0既燒味，諗到幾乎餓到暈; 又記得當年0係melbourne市郊emerald打農場工，由於對香港燒味非常懷念，不惜毫一濟，0係china town a1 resturant 以8.5澳幤(港紙成70蚊)，食左可能係呢世人食過最好食-既個燒肉煎蛋飯。如今望住一堆食唔sai 0既燒味，我竟有心無力。

食唔落燒味，我食生果。有我最鍾意0既kiwi，奈何冇任何工具幫助我食，只有膠义。嘗試用膠差分割個kiwi，當然唔得，同事奇里夫睇唔過眼，俾左把私家軍刀我，但分到了，又無匙"忽"d肉來食。用义去忽，搞到支义都斷埋，非常狠狽。

食完，中環同事非常現實，緊守岗位冇幫手清場，留下我地一班尖咀同事收拾殘局。0係呢d位，完全睇到邊d人無風度邊d人抵得諗。account果個lawerence，一個大男人，企0係度見一班女同事搬搬抬抬乜都唔做，cheap精指數有十個蘋果。

then番晏0既同事可以選擇先番公司or自由活動至1:30正常上班時間才上班，我當然選後者，去海港城page one, city super, 住好d window shopping，男同事們都番公司，因為想下午join埋番早d人一齊去打機。其實由於剛發現有一科0既assignment有大量學生扮襲網頁，大家都忙到飛起，番晏0既同事，大都沒有用盡果所謂延長左0既lunch hour。

夜晚，兩位同事行開左，上司剛剛去m記買左個餐當dinner，office得番我同佢，場面有d尷尬。我首先打開話匣子，問佢食咩餐，講左一輪，佢無la la問我慣唔慣，(好明顯有d無野講手搵來講) 我問佢慣唔慣d咩，佢話慣唔慣呢度淨係男仔，我話慣，不過唔憤番晏。之後佢剎有介事問我點解尋日要買珍寶珠俾同事們，唔通佢薰我派糖係因為想辭職?

收工去causeway bay 搵tak去行花市，佢10 30pm先收工，所以我搭天星去灣仔後試下行唔行到去causeway bay。離開澳洲之後好耐冇試過自己一個0係city行咁耐，之前0係澳洲成日為左省車費行幾十分鐘路。花市好多人，不過賣0既野對我呢個講實際0既人來講實在激唔起我0既購買慾。坦白說，有創意0既product唔多， 大多是唔等使的吹氣公仔，有d失望。

 

嘩! 湯家華呀!余若薇呀!

星期五有假放，雖然公司冇annual dinner，不過我就寧願放假多過食飯‧去飲荼，去圖書館，簡簡單單的一天。

星期六年十，九點幾俾老豆叫起身去行山，行左兩個鐘，then食完飯同細妹行上水花市，then又同kam同細妹去上水廣場贂雜技表演，then同kam去梧桐河散步，充實的一天。

靚仔版王貽興

今日join埋don 同wenny去poly u開會傾graduation 0既安排

其實我都無乜必要去，不過有機會離開office出下去梗係唔放過，好難得先可以猜嬴ka ho過去開會

去到，俾poly u個會場負責人人問到我地口啞啞，先發現有好多detail野我地冇傾過

之後個負責人叫左個techni assis manager入來傾d tenique野 ，果個人叫華仔

我以為做舞台幕後果d都係呢呢啡啡，t shirt牛仔褲，加埋"華仔"呢個咁俗氣0既名，對呢個人冇咩期望

點知入來0既竟然係一個後生型男，其打扮外型有d似王貽興，仲要比佢靚仔n倍

technique野我一無所知，所以同呢位型男無咩好講

不過呢位型男同女仔講野好似有d賣弄自己0既魅力，令wenny成個冧sai，一出門口就同我地講"佢好靚仔呀!!"

之後同阿don去國際都會搵dvd店傾野，0係都會行左陣，才不太情願地番番無靚仔0既office，繼續同我一班既可愛又低b 0既男同事為伴

傷殘的一天

尋日同手長腳長0既auch行完山，唔知係咪因為行得太快 ，定係無拉筋，對腳痛到阿媽
都唔認得，落唔到樓梯。但阿妹死要我陪佢去旺角買衫過年，無辦法 。以為行商
場，腳痛行都冇乜緊要，點知旺角人多車多，商場同商場之間有好多 隊道要過，每一
個隊道，都有長長0既樓梯要行。每一次行，都有lor 若來辛0既感覺，pk指數有十個
蘋果。步姿似足"一公升眼淚"0既亞也。
then同甘去奧海城睇 "night in museum"，因為甘有free ticket，比想像中好睇，有
d meaninfg，喚起對history 0既關注。

澳洲聚

一連兩日約左兩個0係澳洲識0既香港朋友，漸漸遺忘0既澳洲情懷 又番番來。星期五約
左DAVY去佢SALON剪頭髮，冇見幾個月，佢成個人漲左 ，我就反而瘦左十幾磅。DAVY番
左香港HEA左幾個月先做野，佢太多諗頭，又整衫又想同個以色列 仔做生意，不過呢D
野講就易，做就難，最後都係要做番老本行，剪頭髮 。佢同佢位KOREAN女朋友0既感
情，佢都好坦白咁話"都冇GA LA，我都好難去韓國搵佢"，不過間中都仲有D聯絡。凡
至於同0係澳洲識0既朋友，佢就都覺得唔知點解好難KEEP CONTACT。EVEN係香港
人，大家番左香港之後，又有各自0既生活圈子，又有各自0既生活 ，就算好澳洲幾咁
CLOSE，幾互相扶持，番到香港D感情就好似冇SAI。

星期六放工後約左0係PERTH識0既AUCH去獅子山行山 ，我自己都好耐冇行山0下。我約
左佢0係樂富MTR STARTION等，本來我都有D擔心佢唔認得我，因為我同佢 ，其實只係
識左兩日咁大把，而且我見佢SEND親EMAIL都成百個人名 。不過果日竟然係我唔認凡得
佢，佢認得我。佢黑左好多，個頭又正常左咁多，唔係佢望住我笑 ，我完全唔知果個
人係佢。AUCH一如以往般健談，一見面就談個不停 ，好似識左好耐咁。之前0係PERTH
都唔覺佢咁高咁FIT，行得鬼咁快，雖然佢已經就左我 ，但都追得有D吃力。佢話勆最
快可以20分鐘上到頂，但我地就行左個幾鐘‧上到頂 ，佢請我飲左包野，邊飲邊吹
水。佢番左來香港兩個星期就急付不及待搵工，因為唔想HEA咁耐 ‧當初去澳洲，係因
為唔鍾意自己份工，但依家番到來，佢又諗住搵番老本行 。原因係去完澳洲之後都唔
係好知自己想點，呢點同DAVY幾似。

很喜歡auch為我拍的這張照，很有居高臨下的感覺，很有氣勢。

同樣是在獅子山，不過是兩年前，當年還一臉稚氣，成個傻婆咁’

我同佢呻我依家份工冇咩前途，冇野學，佢問我我人身有咩長遠目標 ，我話想環遊世
界。佢問我咁我會點做去達成呢個目標，我話做野搵$ 。佢解釋如果我番工0既時間明
白自己番工係為左一個長遠0既目標，咁就唔會覺得自己份工冇意義 ，番工會番得開心
D。當時我駁斥佢如果可以選擇0既話，點解唔去選擇個更好0既途 徑去達成自己0既長
遠目凡標?不過諗諗下，佢又講得有道理。諗野闊D，睇得遠D ，個人都會開心D。

我同佢都發覺其實要同人SHARE自己澳洲0既經歷 ，最好都係同個去詔過澳洲0既人
SHARE。因為有時一D自己覺得好FUNNY好正0既經歷 ，其他人眼中都唔係咩一回事。睇
相，個個BACKPACKER閒閒地都有一千幾百張 ，唔係去過果D人邊有耐性陪你睇咁多
相。番來hk，最驚聽到0既，就係親朋戚友0既問侯。"點呀 ，番來搵野做未呀?" "幾時
搵野做呀?" "搵左咩工呀? 有冇去見工呀?"，搞到你都唔好意思閒置在家。

佢又同我講話佢初初0係sydney果陣搵唔到野做 ，竟然走去china town問人地請唔請佢
摲叉燒，仲要俾人拒絕，笑死，但係佢又唔肯講點樣俾人地打發走 ，我好想知。之後
有間中餐館俾佢試工，不過幫人地做左一日義工之後就冇做 ，因為頂唔順俾個boss呼
呼喝喝，話sai都係中大畢業，0係中環西裝打呔番工0既大學畢 業生。我諗起我同tak0
係 tasmania，兩個香港0既大學畢業生0係人地農場執馬屎時 突然有一剎那覺得好諷
刺，好折墮。做埋d咁-0既野，點同供自己同大學0既阿爸阿媽交 代?不過依家諗番轉
頭，都係一d好有趣0既經歷，得啖笑而已。

我地又講起訓街0既經歷。auch試過等坐飛機︿ ，0係sydney機場俾d security guard
趕左去同一班陌生無家可歸人一齊，似足難民。我仲慘 ，諗住訓melbourne火車站，趕
臬搭第二朝七點去adelaide 0既火車，點知個火車站會關門。零晨兩點俾人趕出
來，又唔甘心為左果幾個鐘俾三十幾蚊住hostel (當時正值commonwelth
game，melbourne d住宿勁貴)，惟一諗到咁夜仲開0既，就只有廿四小時營運0既賭

場，於是背起大背包，向賭場進發。鑑於帶住個大背包入賭場會懷疑 ，我決定入傷殘
人士廁所過一晚。傷殘人士廁所好乾淨，又闊落，但係出面1好多出 出入入，又驚d清
潔工人會入來打掃，搞到成晚提心吊膽，好彩第二朝坐火車有覺好訓 1。依家諗番
起，覺得當時我為左省錢，真係咩都做得出。又訓toliet ，又夜媽媽試過兩次坐陌生
男人0既順風車。

同auch講起同同其他backpacker好似好難keep contact，佢對呢樣野又睇得好化。佢
話成個trip你遇到咁多人，你keep得幾多個 ?只要大家0係當時有個愉快回憶就夠1。但
係我始終覺得交換左contact而最後又keep唔成 ，會令我感到當初1大家交往，係咪出
於真誠。覆番個email，又幾難?點解咁小-0既事都做唔到?

auch話曾經同另一個hk女backpacker講過搵十幾個 hk backpacker，每人寫篇關於澳洲
之行0既文章，出番本書。雖然坊間都有兩本hk backpacker -既書1，不過果d都係得
一個作者，太personal，多d一齊寫有可觀性d 。我覺得有得諗。

同auch0係山頂一吹就吹左三個幾鐘，原來佢細細個就好多口 ，俾老師用膠紙痴住佢個
口。落到山都天黑。我0係佢屋佐樓下搭巴士番上水。0係巴士上 ，冇睇書，冇聽
歌，不斷回想0係澳洲0既歲月。番來香港幾個月，經歷左無數次見 工失敗，打了人生
第一份長工，做番個生活枯燥乏味0既ordinary hk OL，感覺澳洲0既情懷，這麼
近，那麼遠。

鬼馬

前日因為要搬野，同事都可以causal wear番工，唔使著西裝

果日我番晏，冇留意d同事著左d乜

當我去上司個位附近打卡時，上司鬼馬地音聱細氣對我說:"阿ling，你睇下同事乙!!"

我番埋位望過去坐我前面0既同事乙，

先發現人人都著t shirt牛仔褲，只有佢仲成套老西，忍唔住笑左出來

同事乙聽到我笑，轉身對上司說:"你唔好以為我聽唔到，我每一個字都聽得好清楚"

我笑得更厲害

原來尋日冇人通知同事乙可以causal wear，所以佢傻仔著左西裝，仲要俾人笑，當然搬野就唔會因為佢著錯衫而唔使佢搬，有d慘

本來佢著錯衫唔係好好笑，不過加埋上司0既鬼馬，同埋同事乙聽到我同上司0既對話之後0既反應，就變得好好笑

**********************************************************

同朋友講番工0既趣事，朋友都羨慕我有一個咁好0既工作環境

問我點解搵到份咁舒服0既工仲想轉，點解要由舒服變成辛苦?

但係，我仲後生，我想咁舒服住

我份工，實在太無聊la

三世書

信女任XX 癸亥生人，性格剛烈，個性固執，與親人感情不和睦，不愁衣食，白手興家，可享晚年，。
前世	後世
前生從淮國來本姓洪，為： 清秀小尼姑	後世去鄭州黃家托生，為： 有型靚仔醫生

今生性格

今生性格似葵鼠 你的性格有如一隻葵鼠，活力十足，整天都無法靜下來，最愛身處於熱鬧的人群中，朋友們都覺得你主動熱情，很喜歡與你交往。此外，你對追求知識的好奇心亦不弱，凡事愛查根問底。缺點則是處事欠缺細心和耐性，如別人有心哄騙你，會很容易得手，所以一定要小心保管自己的財富。戀愛方面，清清純純的戀愛最合你心意。

今生衣祿寓意詩

「八月生人志氣儒，庶民遇此好根基，早年必主名聲顯，一生衣祿有光輝。」生於寅時初，宅舍好風光，生來大昌祥，一生多快樂，把筆作文章。

貪得意玩了這個，除了"與親人感情不和睦"呢點我唔認同外，其他的評語似乎也不錯。比起那位前世做夜香工人後世做搬運工人的同事，我的三世運非常不俗。

 

 

緋聞/疑問/考試/"lai"野

走開沉實型格路線０既我，一向少有緋聞。直至前日番工．．．

男同事甲：　我星期六唔知番早定番晏好，因為夜晚要去踢波

我：梗係番晏０拉！上午睇高達，下午番工，夜晚去踢波，幾充實！！（其實咁講係因為自己想同佢調番早）

白痴男同事乙：嘩阿ｌｉｎｇ你咁細心，娶左你做老婆就真係好

頓時，全場起哄，同事丙即刻問我覺得白痴男同士點，我只識傻笑，佢興奮地對同事乙說: 拿拿拿!笑sai la! 你兩個仲唔係有野?

點知同事乙懶正義地說"你可以咁樣講我，但你唔可以咁樣講阿ling!"

換來更激烈的起哄。

就這樣，我工作中遇到的緋聞誕生了。多得一班既可愛又白痴的同事。

*************************************************************************

上司近排心情甚佳，我上個星期因為想整乾花書簽(私事)整jam 左公司部過膠機，佢都冇話我，仲問我朵花點，仲建議我下次整果時用張卡墊住先拎去過膠。事後多得同事乙幫我整番好部機。

同事甲同我傾閒計時，響左上司個全朵，佢又唔介意，之後仲冇la la哼歌，全場起哄

我同上司講你近排心情好似好左，佢話"0下!咁唔係點0者?"

之後唔知係咪太無聊，佢提起左一d關於雞翼0既疑問:

點解街市d雞翼，永遠都係同一個方向?另外果面d雞翼去左邊?

點解一隻雞明明得兩隻翼，但係市面上可以有咁多雞翼?d雞俾人cut左d雞翼之後，個胸去左邊，係咪去左kfc?

******************************************************************************

星期五同graduation ceremony committe開會，上司個上司無la la講左一番語重心長0既說話:

"其實公司裡面每一個員工都好重要，特別係一班0係最前線0既跑腿(即係我地)，無左你地，我地academic 0既作用就完全唔可以發揮。尤其係你呀阿ling，我希望你特別明白呢一點!。"

大家都望住我，我一時之間真係唔識回應。點解佢要我特別明白呢樣野?我同佢公事上0既接觸唔多。難道佢咁都睇得出我唔滿意依家份工?定係有同事同佢講過? lai 野 la呢次。

**********************************************************

星期六入元朗考政府工ao/eo筆試，實在太耐冇考過試，又興奮又緊張

其實有時我都enjoy考試，如果d問題係我識答0既話

今次個試0既考生俾我想像中少。多數都係一d u 0既final year學生，仲有少少阿叔阿嬸

形式有d似 a level ue 0既 section  e，我係環保局0既助理處長，要幫手settle一d關於興趣焚化爐等0既環保問題，幾有趣，做果時我真係想像緊自己就係環保局0既助理處長。

其實做ao/eo都真係好唔錯，人工高福利好假期多之餘工作又有挑戰性，對社會又有多d貢獻

如果我都可以做，咁就好la!!!!

有緣千里能相見 day 3 + day 4+Day 5

DAY 3出LAMMA ISLAND，EXPERIENCE一下香港0既小島風情 ，應該會0岩佢。我地0係屋企一人食一個即食麵就出發，0係天星遇到一班GERMAN ，偷聽佢地講D野。我開始分得出德國人面孔0既特徵。去到榕樹灣一點幾 ，一去到PENFRIEND話果度好似ITALY D島。0係碼仕頭附近個餐廳食TEA，有SEAVIEW，野食一 般，環境一流。0係榕樹灣個TOWN閒逛個幾鐘，THEN行去索 古灣。行經周潤發間
小學，望左兩眼，去食阿婆豆腐花，我PENFRIEND好鍾意 。一路行一路對行0既人指指點點，發現好多入LAMMA ISLAND行山0既人都著得似去飲多過似行山。

@榕樹灣至索古灣之間0既涼亭

christin with 表妹 & 黑仔

成五點先到索古灣搵大姨 同姨丈，坐姨丈架"大飛"去魚棚。一去到大姨就叫我地去睇大魚，又話我比0係澳洲剛回來起碼瘦左十磅。我去左魚棚咁多 次，今次先第一次行出去睇魚，行得好論盡，PENFRIEND好淡定 。大姨話搵魚拎上岸去酒家 煮來食，我地睇佢地釣。0係魚棚留左半個鐘就上岸食飯 。LAMMA ISLAND 0既海鮮真係信心保證。我PENFRIEND食左好多，尤其係D蒸魚同 蒜蓉蒸蝦，佢地應該好少會咁煮海鮮。唔夠飽，姨丈話叫多碟。我記得BUNDERBE RG個中菜館東主話D鬼鍾意食醱醱地0既中國菜，點了咕嚕肉。無選錯。THEN坐街渡 番香港仔，雖然 又凍又大風，但都坐出去，正好多，不過真係凍到震 。PENFREIND話發覺香港0 既景色好獨特，因為D BUILDINGS密得來依山而建，而且遠睇D CITY見到燈火閃閃靚，唔會有好似0係CITY入面好多人好迫0既感覺 。本來成日都幾開心，但係番到屋企，PENFRIEND話佢包藥唔見左，阿媽話今日下午見 間房好多野係地下就幫佢放上櫃面，唔知係咪因為咁冇左。搵左個幾鐘都搵唔到 ，佢自己都放棄再搵，氣氛一渡靜寂。直至熄燈訓覺，唔知我同佢邊個開始傾計 ，一傾就傾到兩點幾。佢話自己最鍾意香港0既LAMMA ISLAND。又傾下人生觀、人死左去邊、集中營，講到第二朝起身番工時好辛苦。

第二日番早，penfriend就自由活動，到放工先0係tst kcr station join番佢。我lunch time去art museum買左張卡同鐵book mark俾佢。放工join佢，佢話佢去左沙田同歷史博物館，不過成日都頭痛。番到屋企食飯，佢勁鍾意食阿媽d菇。但唔知點解佢唔肯飲d湯。then去左惠康睇糖果，佢買左好多未見過or hello kitty既糖果。行完惠康都十點幾，再window shopping，有一間衫店未關門，入去行左陣，咁0岩christin想買一頂好似我0係澳洲買0既一頂roxy cap，間野又有一頂cap，佢又買左頂cap仲有件衫。店主同我地講左幾句，佢好意外兩個異國penfriend不以做筆支做到見面。我都估唔到。

最後一晚with christin，都唔想咁快番屋企，於是去花果山食糖水。佢0係武漢咁耐都冇去過糖水店，一入店，又見到一個老外，仲0係我地隔離。佢點左珍珠奶茶，我點左melon紫米露。佢原本對黑色0既食物有d抗拒，不過食過d珍珠同紫米露就好鍾意，仲試埋芒果pudding。原來0係東德只係有chocolate puding，未試過芒果pudding，佢好鍾意，仲話如果佢住上水一定日日來食糖水。

番到屋企成十二點幾，沖完涼十二點半，但我地都唔想就咁就完左last night together, 我請佢上我張床睇我去旅行買0既手信同相，又睇埋我小六時俾同學寫0既紀念冊，佢又有中文幫我寫左張。去到三點撐唔住先訓。such a　ｌｏｎｇ　ｎｉｇｈｔ．

ｌａｓｔ　ｄａｙ，我同同事調左間番晏，我同ｃｈｒｉｓｔｉｎ十點幾先起身，佢ｐａｃｋｉｎｇ至十一點幾去上水出０既廣城冰室食早餐，俾佢試下地道０既菠蘿油同港式奶荼。由於我十二點半就要離開上水番工，我地０既火車道別。今次見完，老實說唔知幾時先再見。０係澳洲同咁多人ｓａｙ　ｇｏｏｄｂｙｅ我都冇咩唔捨得，但今次就真係有點醱。番到公司，尋晚三點先訓搞到精神狀態好差，同ｃｈｒｉｓｔｉｎ朝夕相幾日，冇左佢，有ｄ唔慣。

有緣千里能相見 - day 2

day 2: 十點幾先起身去，睇左一陣相，then去飲茶，勁多人等位，叫細妹去客家好棧等，我同christin去美心。我呢位iq奇高，精通多國語言0既佢只係聽0岩籌，已經掌握廣東話數字0既發音。同我同一日出世0既人係醒d。我同佢去美食庭選野食，佢選左豬皮蘿蔔，豬皮佢唔食 ，蘿蔔就好鍾意食。佢話想試dim sum，有架車仔行過，點了牛肉，又點了春卷、紫菜卷 。我都有咁上下飽，佢就唔夠飽，想食飯。我點左油雞飯俾佢，佢一個人差不多食SAI 。佢都幾大食。食左幾碟野就冇左百六蚊，美心很貴。

THEN坐火車出 YAU MA DEI 加旺角shopping。我選擇跟旅發局suggest 0既路線，由太子花墟開始行，then雀仔街-，then金魚街 、花園街、女人街、廟街、廟、玉器市場。對於向來鍾意行山多過行街兼方向感奇差0既我 來講去呢頭有難度，行行下仲要我penfriend拎住地圖帶路。花墟 、雀仔街、玉器市場等我都未去過。花墟好熱鬧，可能因為情人節同新年近，不過好多店的害羞草 都係假，唔識收。then去雀仔街，好似公園，好多阿叔蒲，後生仔就冇乜 ，比我想像中細。then去花園街，佢嫌d衫太chinese style，唔係好buy，但女人街就好鍾意，因為有好多遊客精品、假名牌、平錶，佢買左好多野，仲話果度係天堂 。我仲幫佢同d小販講價。平時0係香港我好少講價，因為用自己母語講價有d尷尬 ，0係大陸用普通話講價就冇咁避忌，好興奮。但我penfriend叫到 ，又冇理用唔幫。佢叫我幫佢講個假gucci，對方開價120，我話80蚊，對方話一百啦 ，我話80啦，同樣0既對話重覆多一次，最終以80蚊成交，penfriend好開心 ，冇expect咁平，個小販話今日最平我，冇得賺，但我諗既然我d講價技巧咁爛而佢又肯應承 ，其實可以仲平d。

行完女人街都好晏，於是搭mtr去yau ma dei，唔行。途經行人專用區，人頭湧湧，penfriend影左張人頭湧湧0既相，效果好嚇人 ，足以嚇走d想來香港0既鬼。我教佢唔使睇交通燈過馬路，因為香港人都冇耐性等燈 ，大家都知幾時可以過，幾時唔過得。佢又發現mtc d電梯好快，真係feel到香港係一個fast city.

0係旺角當然場唔少得街頭小食。原來penfriend 0係武漢已經好鍾意珍珠奶荼，驚嘆呢個世界點解可以有咁好飲0既野! 其實我0係澳洲一年，最掛住0既除左係阿媽煮0既野，就係港式奶茶。penfriend都好好雞蛋仔 ，魚蛋原本唔知點解唔敢食，但係試左佢話好食。

去到廟街五點半，d人開緊檔，有好多0係北京上海見到0既毛主席 PROUCT，仲有舊上海畫報PRODUCT，可惜屋企太細，掛唔起。PENFRIE ND想買本毛語錄德文版，小販 開價成舊水，PENFRIEND叫我幫佢講價，我冇IDEA一本 毛語錄幾多$，佢話佢有個FRIEND買左四十蚊，於是我講四十，小販原本唔肯賣 ，但我話有人用四十蚊買左，佢冇聲出，成交。廟街賣0既野比女人街實際同FUNNY ，我PREFER廟街。THEN去玉器市場，D店應該就關，我買左條三十蚊0既玻璃頸飾 ，如果唔係個老闆們咁熱情我唔會買，我PENFRIEND又幫佢地買左條玉鍊同玉豬仔。

廟街老榕樹。

THEN坐火車番上水食DINNER，0係火車上聽佢部MP3 ，0係武漢買，二百幾蚊仲可可以睇VIDEO。佢買時人地入左隻VIDEO去，竟然係上海灘首 主題曲，有D劇集0既片段，開心死鍾意周潤發0既佢。又聽左好多德文/羅馬尼亞文歌 。我地去左街市上面0既大排檔，言語不通，好靜。雖然我PENFRIEND識普通話 ，我阿爸阿媽唔識，冇咩可以講‧我PENFRIND又唔算係好熱情0既鬼，比較嚴肅 ，所以餐飯氣氛一般。

食完飯同PEN FRIEND去公眾電話庭打電話，搞左一輪佢先打到電話俾佢RO MANIA 0既BOYFRIEND，入左十幾蚊講得四十幾秒，原來佢地用英文溝 通。PENFRIEND話拍拖前佢原全唔識ROMANIAN，所以佢男朋友屋企人唔係好鍾意佢 ，於是就去學講
ROMANIAN，不過佢同佢男友依然講英文。佢話佢男友D英文 比佢仲好，但係唔知點解去左行船，一年有超過半年時間唔0係ROMANIA ，0係貨船做JUNIOR ENGINEER，月人七八千。好似佢地咁0既異地戀我冇諗過可以維繫 。但我PENFRIEND對呢段感情期望好高，仲想同佢男友生仔結婚。如果唔係因為佢男朋友 ，佢會選擇番0係中國學中文同做野。THEN回家食生果，我老豆竟然問人地德國有冇香蕉 。白痴!PENFRIEND對炮緊馬經0既佢好好奇，唔知佢做緊乜 。我問佢我老豆係咪LOOKS SCARY，因為好多細路見到佢都喊，佢話A BIT，BUT I THINK HE'S FUNNY.我又俾佢睇下我地細個D相，仲有D畢業相。佢見到婆婆著我件袍張相就笑 左好耐。十二點幾佢番房，我同細妹睇PROJECT RUNWAY，佢唔肯訓同我地一齊睇。睇睇0下我位唔識英文又唔識普通話但又好想同鬼交流0下0既細佬番來，佢同人講HELLO，GOODNIGHT，我同PENFRIEND講 "THAT'S ALL HE CAN SAY"，點知我細佬講左叫"WHAT ARE YOU TALKING ABOUT?" 我PENFRIEND問佢識唔識普通話，佢用普通話講"我懂"，之後又同人講"HI! MY NAME IS HANDSOME WING"。