番來hk成年之後終於可以自由行，地點係近近地0既廣西，既緊張，又興奮。就算電腦壞了，公司又有D手尾要跟，都無損我0既心情‧
四月廿八日，上午我還是一個OL，下午已變身BACKPACKER背起久違0既BACKPACK上路去。阿媽好擔心我地兩個女仔自己去大陸玩，我可未驚過，不過當然唔敢同阿媽講我當晚0係邊度落腳都未知。 (因為我地太遲BOOK，心儀0既YHA已FULL。
由於深圳塞車，去到機場已經6:30PM。我地坐八點機，仲未食野。7:40登機，7:20先0係M記跑上禁區。如果得自己一個，我唔會遇到咁忟。上機前先發現係公司PRINT定-既HOSTEL同旅遊INF冇左。
去到上海，想0係機場搵住宿，不過機場的所謂INF CENTER唔幫人搵HOSTEL，打去YHA，意外地有位，故坐機場巴士入市區。點知架巴士0係一個酒店丟但我地，一個企0係酒店門前0既唔知咩職員幫一眾乘客CALL的去佢地要去既酒店。我地都坐左7蚊的士去YHA。唔明點解機場巴士有咁0既安排。
桂林yha的common room，不錯。
上到YHA，COMMON ROOM見一班鬼，當年0係澳洲做BACKPACKER0既情懷既牽遙遠有陌生。TAK好開心有咁多鬼，但我已失去當年做BACKPACKER同鬼打交道0既興趣。本來我就唔係一個外向0既人。
桂林火車南站。
桂林0既天氣唔好，聽講龍脊梯田仲有塌方，所以第二日決定去陽朔，心想0係陽朔下雨都冇咩問題。起床後在HOSTEL附近閒逛搵野食，發覺桂林比其他好多廣東城市落後，建築物不高，人也比較單純。那些蛇頭做唔成生意，也不會惡言相向，還會教你搵路。搵左好耐，最後0-係hostel樓下大排檔食地道0既桂林米粉。第一次食桂林米粉，挺新解，因為係自助。店員放好米粉同肉，你自己加你想要的配料(如花生、chilli、蔥花)。廣西人似乎幾豪氣，唔似0係香港，落多條菜都要計住計住。
自助桂林米粉
then坐車去陽朔。仍然下雨，陽朔遊人不多。聽過不少人對陽朔的批評。陽朔給我的第一印象係大規模昂坪，中式建築，西式餐館，充斥住一些全國通几行既手信，非常商業。但陽朔本身實在美麗，鄰近漓江，依山而建，我對陽朔，並不如對昂坪咁反感。老實說，這裡蠻浪漫的。
本來在桂林跟一些陽朔的客棧說好了。不過陽朔細，旅館多，於是來到再發掘。有個女人死纏住我地，要做我地0既導遊同介紹住宿，本來唔想理佢，但tak聽到佢果間hostel 80蚊一晚又可望漓江，想跟佢看看。於是跟，但後來那女人的同事對她說那旅館已full，於是女人介紹我們去西街的威尼斯酒店，比較貴，但location好，可望漓江。威尼斯的人讓我們去看房間，有陽台的貴180蚊一晚，面對西街，設施甚佳，一盾已喜歡。再上五樓睇冇陽台那間，150蚊一晚，門外有露台景觀更佳，我同tak都好鍾意。本來呢個trip我地只諗住住yha訓床位，但剛加了人工，想嘆一下，於是豪一次住威尼斯酒店。check in時，老闆話冇陽台果間房聽日有人book左，叫我地住有陽台貴d果間，tak同佢拗，於是我地可以俾160蚊住原本180蚊先可住0既陽台房。
雨中陽朔
settle down後，擺脫那"導遊"，在雨下的陽朔閒逛。睇中一間對正漓江0既餐廳食飯，惜靠窗位都坐滿人。點了一客pizza和一杯味似jelly水0既蘋果茶，再上路。陽朔的物價與香港相約，加上賣的都是冇乜地方特色0既國產手信，購買慾不大。直至見到一間賣手製薑糖店才有買手信0既念頭。
誰知老翁拿出手機，大聱講電話，大剎風景。
陽朔全景 @ 陽朔公園。
當地人都說之後幾日天氣會好，於是我地去旅行社book遊船、竹筏、單車。本來苦惱tak去踏單車時唔識踐單車0既我可以做乜，不過店內那職員兼導遊話佢可以同我一齊踐or載埋我。定完野，天黑，0係一間有live band 0既club食飯，九點半自己番酒店睇電視搞lee搞路，留低tak獨個兒欣賞那隊主音聲線有幾分似張震岳0既band。
陽朔黃昏。
陽朔雨夜 - from酒店陽台。
our room。
沒有留言:
張貼留言