這兩星期基本上是為奧運而活的。上班前睇奧運; 上班時嘗試到cabel tv 的 website 睇奧運(不過公司做左手腳，成日都睇唔到); lunch time 跟同事到中港城 food court 睇奧運; 放工後睇奧運; 打風睇奧運，放假唔去街睇奧運。習慣了每朝等睇菲比斯攞金牌，每晚睇完奧運睇家好月圓。現在北京奧運完結，進入後奧運的空虛時期，沒有奧運的日子，怎麼過?
相比開幕式的精彩震撼，閉幕式是相對平淡了。看著奧運旗快將從北京市長交到倫敦市長手中，很不捨得。不禁在電視機面前說了句 :「唔好交俾佢呀!!」
倫敦在閉幕式中八分鐘的演出挺不錯的，簡單，但很有活力，很有英倫情懷，跟華麗而隆重的北京是兩種截然不同的感覺。那2012字樣的 logo很「潮」; 我已想像到那變型金剛式的巴士化身成玩具或 keyring等紀念品的模樣。倫敦是我一個很嚮往的城市，不知倫敦奧運前，會否有機會到倫敦一躺，買番隻2012奧運 logo pin?
沒有留言:
張貼留言