今日係俄羅斯一年一度慶祝二戰完結的勝利日，整天都有一系列慶祝活動。可能因為時差加上呢邊早天光的關係，我竟然六點幾就醒了，再也睡不著，就決定一早起身，食個飽早餐，早啲去Palace Square 擺位睇閱兵！！
本來由我hostel 出大街行二十分鐘就到 Palace Square, 但我hostel 轉入大街的行人路封了。去內街兜個圈再嘗試從另一路口入大街， 點知都係封路，似乎係整條大街都封了路。不過在兜圈的時候被我發現了廉價自助餐廳 Stolovaya no.1, 趁冇乜人食左早餐先講。
在俄羅斯的第一餐，有薯仔、cheese & ham pancake 奄列， 都不用HKD20, 好飽。
由於唔熟路，決定坐地鐵去Palace Square. 出站時不用睇地圖，跟住人潮行就是了。
街上不少人售賣軍帽和旗，不少人也自備了，或繫上橙黑間條的勝利日蝴蝶結，節日氣氛濃厚，但人們還是安靜的。步行去palace square 途中見士兵列隊行過，應該是準備去參加閱兵的， 心情興奮 !! 只是原來我見到的呢一批已經是最後一批的了。還是快點走到palace square擺位。
災難性的閱兵儀式
來到閱兵現場，方發現可以正面睇閱兵的地方都被封，平民百姓只能在冬宮斜對面隔住個十字路口的地方打側望過去。如果企到第一排都仲可以望到，但我在距離閱兵一小時前到達已經太遲。前面已經有幾重一米九的俄羅斯人牆，仲要我個位係側..側..側...側過側田， 真係都唔知走好定留好。
睇閱兵個位側..側..側...側過側田
只能透過巴士站玻璃看到閱兵的情況
我站在一個巴士站後面的石級上，期望企高一級可以透過巴士站的玻璃牆望到閱兵。但等等吓，遲來的人都塞在石級前的行人通道上，我的視線幾乎被前面的一米九俄羅斯人牆擋住了。乜都睇唔到。
當一米五的香港人嘗試在一米九的俄羅斯人牆看閱兵，視線是這樣的。
堅持左半個鐘，覺得咁企都唔係辦法，不如走去搵閱兵終點，睇下會唔會可以見到士兵散水都好。但走都不是那麼容易。現場完全沒有人潮管制，狹小的通道同時是入和出的路，走不了多久我又被塞住了。此時閱兵完畢的坦克車和裝甲車駛入我剛才停留的位置，眾人叫囂，但這裡沒有石級，我的視線，100%完全被前面目測身高一米九的俄羅斯大場擋住，只能從他們舉高手拍照時從他們的手機屏幕看到出面的情況。
既然走唔到，就番轉頭睇吓啲坦克車。今次可以睇得好清楚， 但當坦克車一開，煙塵都飛了過來，氣味很難聞，令人呼吸困難。我對坦克車的興趣一般，決定放棄走人。
坦克車一開，煙塵都飛了過來，氣味很難聞，令人呼吸困難
只是要走也不容易。其實此時已有不少人想走，但又有不少人要入來。由於沒有人潮管制，入和出的人塞在一起，進退兩難。忽然聽到有人大聲說了一堆俄文，又有人大聲笑著回應， 原來是有市民自發做人潮管制，分批攔住了想入的人，讓我等想出的人先走，我這才可以擠到去出口，結束了這場災難性的閱兵體驗，呼吸到新鮮空氣。由我想走到真係走得到，才幾十米的距離，花了一小時。不得不佩服俄羅斯戰鬥民族的冷靜和忍耐。這樣的情況下都沒有人爭執嘈吵。大家都只是安靜地在等候。
因為封路，完全沒有概念閱兵的終點會在哪。我打消了去搵士兵的念頭，趁住封路咁爽，係漫步聖彼得堡嘅好時機，就隨意走走，享受節日氣氛。
閱兵完結後的冬宮廣場
這是達官貴人觀賞閱兵的位置。在這裡待不了多久又被警察軀趕了。
封了路的大街正準備下午的老兵巡遊儀式
下午兩點半，大街有二戰老兵巡遊。今次活動比較親民，在大街行人道上就可以看到。我提早半小時去擺位都可以企到最前排。路邊有小鮮肉靚仔士兵維持秩序，算係稍為彌補我今朝觀賞閱兵失敗的損失。
老士兵巡遊後就到戰時身亡的士兵後人舉著逝者的照片的巡遊環節。這個場面也令我感動得差點流淚。因為巡遊的親屬實在非常多。其實這天走在街上就可以看到很多人拿著逝者的照片。七十幾年過去，相信不少參與巡遊的年輕人根本不認識逝者，難得這個傳統可以一直堅守下去，令我感受到俄羅斯人冷漠的外表背後溫情的一面。
穿上民族服飾巡遊的陣亡士兵家屬
只係參與嘅親屬真係非常非常非常之多，睇左半個鐘都仲有親屬來緊。剛才站在大街兩旁觀賞巡遊的市民都紛紛散去，我也走得又累又餓，於是去附近商場超市cafe 坐低食個tea。
彼得要塞及Palace Square 慶祝活動
根據 hostel 給我的勝利日schedule, 傍晚七點在彼得要塞有慶祝演唱會，於是坐地鐵去彼得要塞。但我走到那裡並沒有發現有演唱會。
演唱會看不到，卻看到了俄羅斯大叔曬日光浴
巴士改成的公廁，俾左30 rub 去體驗。不過衛生情況不佳。
我從彼得要塞步行去 palace square, 那裡都有慶祝活動， 只是去到時已經做緊最後一個大合唱環節，一大班人在台上高唱俄羅斯紅歌。主持人的語氣充滿中央台春晚feel， 提醒我其實大陸共產黨都係師承俄羅斯的。俄羅斯是白人版中國呀!!
Palace square 慶祝活動散水，行左成日我都要食餐飽，迎接十點的煙花匯演。走番大街，見網上介紹過的潮店 Market Place 就入去幫襯。Market Place 係半自助形式，店員英文比較好，但以俄羅斯物價而言是略貴，點了一份雞排，一份千層麵，一份雞湯已經要 HKD60，雖然味道不錯。由於太多人，我要同兩個英國遊客搭枱。自閉左成日，終於都有人同我傾計了。其中一個是Apps Designer, 佢同我講原來 iphone 內置左個apps叫 Health, 會自動計算每日的步行里數。佢地今日行左十四公里，已經覺得好累，連陣間煙花都唔諗住睇。我一打開個apps, 驚訝地發現我今日竟然行左24公里，兩個英國佬都話我勁，行多佢地一倍。
勝利日的煙花匯演
別了英國佬，我一個人到河邊等睇煙花。距離十點放煙花仲有個幾鐘。唔太清楚放煙花的具體位置在哪。前排企位都被擺佔，我站在兩個個子較矮的俄羅斯師奶後等。我喺香港都冇特登去維港睇煙花呀! 依家竟然一條友戇居居來等睇煙花。
十點，煙花開始。原來唔係喺我正前面，而係喺右邊，但好彩都算係睇得幾清楚。其實成個過程得十分鐘，花款沒有香港的多。不過人在外地，睇得特別興奮。
俄羅斯人都會Natural High
煙花完後，我隨著人潮走到大街步行回 hostel. 大街上人們情緒高漲，不時有大聲歡呼，前面的人聽到後面歡呼又跟住歡呼，未見過俄羅斯人咁熱情咁high。有年輕人甚至高聲唱起俄羅斯紅歌 ; 有賣藝者在大街上唱流行曲，聽眾都顯得相當興奮，又唱又跳。我都好想香港有個勝利日呀 !!
睇完賣藝，轉個頭，原來大街已不知不覺解封了，通車了。剛才的歡樂氣氛也一下子結束了。我都好唔捨得勝利日就這樣完結了。
回到hostel, check 吓 iphone 個健康apps ， 我今日總共走左29公里。雖然唔知有幾準，但我腳趾公真的走到冤痛了。
香港幾時都可以有個勝利日??
沒有留言:
張貼留言