半年又半年

今個禮拜係我跟開0既program 0既考試週，我都去左3日考試局。今次呢個考試可以話係自己同ka ho兩個一手一腳去搞，上司都放心俾我地自己搞，好彩冇出事。除左lecturer放錯料俾錯tips事件，不過呢件事就唔關我地事。只怪同學唔好彩，lecturer好心做壞事。

考試局hold考試好專業，好多我地冇諗過0既minor野，佢地都會兼顧。面對佢地我同ka ho都覺得自己好唔pro。不過就俾我地d學生投訴佢地annoying同distructive。我地d學生真係被寵壞了，連考試局都敢challenge。講真，有邊間學校會有個customer service deepartment 俾d學生問呢樣問果樣，仲要真人即時接聽兼朝九晚九? 我地d學生只會當自己係customer，唔係學生，對學校同lecturer完全唔尊重。只會要求校方遷就自己，唔會要自己就學校，好似成間學校得佢一個學生咁。香港人真係難服待。

問起新同事阿james 0係我地度做係咪好過之前做保險，佢話呢度有好大發展空間。我奇怪0係學校做野既發展空間點會好過保險，佢有d唔好意思咁話呢度有好多野可以改善。我笑問有d乜可以改善，佢醒目地說佢未做好自己本份唔會講咁多野。估唔到外表像個大細路既james咁圓滑。我初初入來都睇唔過眼公司0既問題，不過依家已經唔想理，唔會俾佢地影響到我自己。

繼上個月宣佈加人工之後，前日阿頭叫左我入房派花紅俾我。我唔知其他同事有冇份，因為上次加人工係續個續個入去見阿頭，今次就只得我一個去見佢。花紅都有成二千幾，不過奇怪地我冇乜特別高興。我值唔值得公司對我咁好呢?我真係有咁好咩?我d同事都唔差。點解佢地冇我有?點解上司會覺得我好過ka ho?

0係公司做野，有幾個好難得0既好處:

1. 上司睇得起我，有計傾

2. 同事關係融洽，似同學多過同事

3. 我完全可以做番自己，唔使扮野

4. 偶然要受學生氣，但工作壓力不大

但我會唔會0係教育界發展?唔會!咁我再0係公司做落去可以做得d乜? 唔知。咁我仲點0係度做落去? 我成日諗住走，但同事阿當提醒我，我依家要做0既野，係咪已經做到最好? 我要學0既野，係咪已經學完? 都未做到最好又未學sai d野，又憑咩走?

********************************************************************************

睇左<喝一口恆河水>，一本比較有深度0既旅遊/生活體驗書，風格有d似<浪蕩澳洲365日>。很喜歡那個書名，比那不知所謂的 <小女孩大背囊>入型 入格兼有詩意n倍。作者本身是記者。睇左佢0既書，令我明白點解人地可以做記者，我唔可以。因為人地完全可以做到我手寫我心，將內心抽象0既感覺具體描繪出來，但係我唔可以。

如果我有機會出本寫我澳洲之旅0既書 (當然有排都唔輪到我出)，應該叫咩?

<吃一口袋鼠肉>?

<嘗一口vegemite>?

<抱一隻小樹熊>?

<飲一口victoria beer>?

<食一敞 hungry jack>?

<試一次sky dive>?

<叫一聱 g'day mate>?  ..................

都缺乏詩意，還帶點滑稽。

不過點都好過<小女孩，大背囊>

***************************************************

繼<當四葉草碰上劍尖時>之後，tvb又一教我睇到比死更難受0既劣作 - <謎>

我實在頂唔順那個超級"懶"型0既王貽興和那行行企企唔知做乜，間唔中會同阿伯鄭少秋扮調情0既"謎女郎"

我寧願重投亞視"第一手真相"陳啟泰0既懷抱，睇番d "屋村有細路除處玩耍" or "有阿伯0係街邊隨處便溺" 0既芝麻綠豆事。