廣西之旅 part III (龍脊梯田)

告別紫醉金迷0既陽朔，第二日我地六點幾就出發去龍脊梯田。趕上7點從陽朔到桂林的公車，從桂林汽車總站走到火車南站，坐上了全景樓的包車。全景樓係龍脊位處最高0既客棧，可惜我地太遲book，住唔到，只可坐佢地0既專車入龍脊再作打算。其實桂林有公車去龍脊，不過要轉車，公車環境亦惡劣。於是我地俾多幾蚊坐專車。因為之前桂林一帶天氣唔好，聽講龍脊一帶有塌方，估唔到我地都中招。架車行左兩個鐘，快到龍脊之際便遇上了塌方。汽車無法通過，要等泥頭車來清場


車上的乘客落車稍竭，沒事可做。坐在我們後面的廣東家庭甚大方，0係等候期間請我地食花生、枇杷、花生、仲有金莎。佢地個仔小雄精力旺盛，我地一上車已經常潦我地同佢玩。難得佢咁cute又乖，我地都樂此不疲。

塌方了，大家都走了出車。一些當地瑤族女人上前sell住宿.導遊。
泥頭車來了。
擾攘了一個鐘頭終於可以再上路。同車的大陸小子潦我同tak同佢一齊搵山上的農家住，又同廣東家庭約好落車後一齊食飯。
到了龍脊大寨，已有一大班瑤人在排隊守候要人揹行李的人(後來聽講佢地每十日先可以落山排隊搵客)。我也僱了一個，才廿蚊。她們看來都不強壯，不過背起行李依然行動自如。
我的backpack就放在瑤人的籮子內。
 在大寨一客棧跟大陸小子同廣東家庭吃過了水準不錯的廣西菜，與廣東家庭分道揚鑣，與大陸小子及兩個瑤人前往二號觀景台及由她們安排的民宿。
當日天朗氣清，山路不難行，不過我地三點先行山，真的有點熱，行到身水身汗。
 梯田沒想像我壯觀，因為仲未放水。網上話五月的梯田是最靚的，因為有水。來到之後問當地人先知道"五月"係指農曆五月，我地一直搞錯了。也看不見有人在耕作。大陸小子問瑤人現在還有沒有人耕作，瑤人幽默地說: 當然有。如果沒有你們來看甚麼?
行左約半小時便到二號觀景台。大家都坐低竭竭‧



行了一小時便到達了導遊介紹的旅館金美閣。設施在山區而言算不錯，裡面的職員老闆都是瑤人，勉強都可算是民宿。我們有幸獲安排入住三樓向梯田的房間，座擁240度無敵梯田景，30蚊一晚，十分不俗。



小休/教大陸小子朱棚(豬朋)講香港粗口以後，我們走上1號觀景台睇日落。可惜一號觀景台向東，沒有日落，只有日出。

走上了另一旅館觀景樓看看。山頂的梯田開始放水了。

                                                                                          走上了最高的全景樓看不見日落，卻看到月亮東昇。
回金美閣，冇電。點了晚餐的菜也因冇電而遲遲未能送上。跟豬朋走到不遠的美景樓客棧吃飯。跟金美閣不同，美景樓同全景樓都並非當地人起的。佢地資金/宣傳較多，設施仔較佳，不用停電，老外也不少。
  dinner @ 美景樓。
吃過晚餐回旅館，依然停電，雖然今日行到身水身汗，但停電又令我失去了洗澡的慾望。番到去便涼也不沖爬上床去。同豬朋吹了一會兒水，佢說到工作上遇到香港同事，大家要用英文溝通。我問香港人同大陸人溝通要用英文究竟係邊個0既錯，佢話不是他們的錯。我胡說是他們大陸人的錯，誰叫他們賣掉香港，弄得我們香港人的國語都那麼爛，佢無言以對。