廣西之旅 - part II

一早起身為這天的戶外活動做準備。八點去LU LU BAR食西式早餐，22蚊有HAM AND　ＣＨＥＥＳＥ奄列、鮮橙汁、ＣＯＦＦＥＥ，不俗，又有ＦＥＥＬ。我係香港都未試過咁樣０既早餐。

ＴＨＥＮ八點去旅行社ＭＥＥＴ導遊，佢話前幾日落雨，遇龍河Ｄ水未必去得切，所以我地先踏單車去月亮山。原以為唔識踐單車０既我會做乘客，點知導遊ＢＯＯＫ左架雙人單車，等我有機會享受踐單車－既樂趣。０係人多車多０既陽朔市區踐單車都幾驚，直至離開市區，同導遊邊踐邊吹水邊睇田園風光才爽。

發現自己一個踐爬山單車的ＴＡＫ遠遠落後，原來佢架車唔得。直至到了一個景點，佢趁混亂稍稍踐左其他人架車走左。可憐那位被他換了單車０既遊客。



踐了４５分鐘才到月亮山，導遊不上。我同ＴＡＫ０係一個分支路走錯了路，不過影左靚相。用了半小時上月亮山，挺宏偉。有一本地老婦纏著兩個男人又幫佢地撥涼又帶路，那兩個人都不肯幫她買枝水，我同ｔａｋ一人一半幫她買了枝娃哈哈。

落山，導遊話可以去遇龍河玩竹筏，大喜，怒踐過去，但路難，”鄧”到屎忽都痛，ｔａｋ話擔心處女膜穿，話穿左唔抵。

好不容易熬到遇龍河，船家話今日水大，唔可以玩太耐，只可以玩半個鐘。但我地俾左２小時的錢，冇得退！！不過其實要坐０係度２個鐘都幾悶。

玩完竹筏才１點，４點先去遊漓江，於是０係一家個老闆好好脾０既食店食過＄３．５的桂林米粉便上酒店休息。ｔａｋ訓到唔願起身。

4 點去旅行社搵導遊帶我地坐公車去興平join遊船tour，去到車站架公車走左，導遊帶我地去路截車，好快有第二架車，但導遊未交代完我地落車後搵邊個我地就被車上的售票員扯上車。一上車，仲未睇清楚有冇位，就被喝令蹲下。一直蹲到出左市區，售票員叫蹲在我前面的女人拿出她腳下的小椅子俾我同tak坐。就這樣，我地坐0係公車走廊的小椅子逾半小時。有d遲上車的還要企。

到達興平，搞左一輪先搵到船家。佢帶我地去一飯店，飯店內已有約廿人在等候，都是上船的。then船家又帶我們行十五mins去碼頭。碼頭人多，原來人民幣廿蚊紙上0既logo就0係眼前。

0係等碼頭待了一會，以為好快有船坐，點知臨上船，船家叫我地退後，話有水警。唔怪之得個trip 0既安排咁奇怪，原來個tour 係非法。天好似快黑，又唔知等幾耐，tak幫襯了附近一檔小販買了可能係史上最難食的柚子來食打發時間。

又等左15分鐘，終於可以上船，船家叫我地加快腳步，有d似走難。架船係半密封木船，開始時個個都乖乖地安坐其位唔走開。坐坐下，唔知邊個發起要走出船頭影相。之後，船上秩序大亂，乘客(包括我地)都湧上船頭露天的地方拍照同睇風景，有人更自行推開近船頭的天花板。船夫也闊佬懶理，任由乘客"搗亂"，自己則繼續邊駕船，邊講解。雖然的確係混亂左d，人人走到咁出係有危險性，但難得拍得好照片，又不用困在密封的遊船上欣賞漓江風光，讓大家跟漓江更接近，皆大歡起。

遊船時正值黃昏，景色壯麗而恬靜，回程時又擺了個船頭位睇江景吹吹風，我十分享受今次非法的游漓江之旅。

上岸後即有一"三腳雞"司機在碼頭兜生意，1蚊坐番車站。汲取剛才坐走廊的教訓，我同tak決定跳上三腳雞比其他同團乘客更早到巴士站，上巴士擺個靚位。後來証實呢一蚊係抵俾。因為公車的職員盡力將車上每一個空間填滿‧一架等同香港14座size 0既公車，單是車頭，已坐了十人。遲上車的人或企或像沙甸魚般逼番陽朔。

番陽朔後買了些乾糧for之後兩日上梯田用，又到了一露天bar食了一頓西餐(點了湯、mexico 雞肉卷、印尼炒飯，又好食又平，可惜胃口不太好)，book了全景樓往龍脊梯田的專車，回酒店休息。