在tully巴士站甫見wwoof host peter，佢一身農夫打扮，件衫又咁多污跡，不禁為未來幾日在Peter's farm的工作擔心。
peter's farm離市集有30 mins車程，主要種有機香蕉，亦有少量熱情果同家禽。農場規模係咁多次wwoof 之中最大的，仲有full time worker幫手。管理peter's farm的主要係peter的女婿印度人gorden，peter兩公婆正處於半退休狀態。
我們跟PETER兩夫婦及PETER朋友的父親，九十多歲的LAWRENCE同住。PETER的 "屋" 其實幾簡陋，由一堆建築物組成，頂再加一個帳篷。由於間局開放，蛇蟲鼠蟻青蛙輕易入內，TAK第一晚被嚇至甚為沮喪，帶點嗚咽的歎息道: 咁0既屋，點住呀?
見唔見到隻好似玩具的青蛙? 係真架!
雞眼中的靚女 - tak
第二朝六點幾起身準備工作。我們都嚴陣以待，帶晒手奪著拍晒長衫。GORDEN見到好意外，話我地VERY PROFESSONAL。當日的工作係去農場一個似乎被荒廢的角落清場，將雜草樹枝清走。TAK負責砍樹枝，我負責清。清清下，TAK發覺有幾隻雞望住佢。佢同D雞講 : 望咩望，未見過靚女? 我不屑地回應到: "咁你0係雞0既角度來講都係靚女來0既!"
第二日的工作係到packing shed 幫手包香蕉。我的工作好簡單，將壓偏的box用釘裝機釘好成型。可能因為我太大力，釘釘下部機失靈。peter前來修理，用帶點責備的語氣對我說: "see how good you've done!" 好拗底。
Packiing Shed
之後幾天的工作都係香蕉farm 除草。香蕉的雜草異常多。tully係澳洲最潮濕的地方，加上天氣炎熱，室外工作份外辛苦。
Peter's farm的香蕉田
同我地一齊住的老伯lawrence係一個好有趣的老人家。雖然佢已經九十幾歲有ｄ口齒不清，不過佢都幾鍾意同我地講野，尤其係講佢個仔。LAWRENCE知我們不習慣屋內的蛇蟲婆蟻，買左枝防蟲噴霧俾我地用，放左０係地我地房門口。佢個仔在中國教書，並在我們來的期間回國，peter夫婦送 lawrence到機場brisbane探仔。臨行前見Lawrence將自己ｄ衫熨到筆直，似乎相當重視兒子。
LUNCH@ Gorden's home，主人家位的係Peter，佢左邊的係Lawrence
星期六peter夫婦的教會有教友farewell party，我地都有份出席。我地唔係教徒，對教會活動認識不深。不過難得有得離開peter's farm到外面接觸一下其他本地人都不錯。我以為去到會好悶，因為自己唔係教徒，不過可能因為我地係唯一的亞洲人，教友們都好主動同我地傾計。估唔到去教會係一個不錯的接觸 local 的機會。我地分別同過芬蘭移民、瑞典移民傾計。最有趣的傾談者係一個中年男人。佢知道我地係香港來之後，半講笑地說香港係佢去過的地方之中最差的。因為人太多，簡直是惡夢。第一次聽到有人咁批評香港。不過０係tully這小鎮長大的人難免對香港不習慣。
tully 的教會似乎有一個習慣，就係教友都會帶食物到教會奉獻俾各教友。我同TAK兩個平時無啖好食的BACKPACKER，見到有咁多HOME MADE健康食物任食，興奮不已。TAK仲食到肚痛。
gorden與peter女兒的浪漫史
第二日我地又跟GORDEN一家去另一個教會。gorden一家似乎都係教會的活躍份子，識好多人，又唱聖詩又玩樂器。今次去教會就正式好多，個個都著得formal左，我同tak t-shirt短褲好似唔係好莊場重。一班小孩唱完聖詩就輪到牧師講道，講左成粒鐘，我就悶左成粒鐘，不過gorden d仔聽得好認真，drop晒notes。好不容易捱過牧師講道，終於到大食會。我同tak因為唔想再聽牧師講道，刻意避開佢0既目光。食食下，同gorden的太太，即peter的女兒談起來。原來當年gorden係以黑工身份來佢地農場打工，而且唔識英文。後來peter太太教佢睇聖經，佢覺得自己有幸來到澳洲係上帝恩賜，於是佢轉信基督教，仲同peter個女談起戀愛。不過後來gorden黑工身分被揭發被迫番印度，peter個女發覺自己好掛住gorden，成日寫信俾對方，仲決定結婚。
為左認識印度文化，peter女兒去左印度同gorden一家生活一年。由於gorden一日要工作十幾個鐘，冇乜時間陪佢，而gorden鄉下又保守，女仔唔可以隨便出街，於是佢被迫同gorden家人留在家。不過因為語言障礙，無法溝通，令佢同佢屋企人關係唔好。有次gorden媽媽大聲同佢講野，佢以為對方鬧佢，哭了起來。後來先知道原來gorden媽媽以為同佢大聲d講印度話佢就會聽得明。
臨走前一日 與gorden的仔女到瀑布遊玩...
Peter"s fam的包雞蛋工場，由peter太太同lawrence打理
想有免費食宿好讓我地等工時唔使花錢。------------agree !
回覆刪除